本帖最後由 ewartuen 於 2010-7-6 20:25 編輯
-序-
首先黎個少少個人申報先, 我係AV新手 黎架, 第一次買機, 黎Post76都係因為想聽多D唔同意見, 同問多D呢方面既野, 直到自己買左機, 就一直都好想參加76既家訪活動, 咁我就聯絡左Avmilk, 等其他有經驗既玩家, 可以俾下意見, 順便當做聯誼活動啦 , 話哂D架生買左返黎咁耐, 都無認真setup過, 行完Auto setup, 跟住Iphone D SPL app黎set level, 跟住Pepsiman個post set Yamaha個EQ, 再跟住鐵心心個post set部LED, 咁就當係大工告成 , 但問題黎啦, 就如好多ching都知, 呢個只係其他ching個環境適用同個人喜好既setting, 去到我屋企又係咪真係適用呢, 老實講我唔係好知, 因為用左咁耐都覺得幾好呀, 幾靚呀, D聲都滿足到自己啦 , 但點都好, 有D野真係要經驗累積先可以出到黎既, 無得抄!
我記得報名既時候, AV雙周跟76都未玩crossover, 直到家訪前個幾兩個禮拜前先知, 今次家訪會找埋雙周既代表幫手, 講真我都有少少驚驚地 , 因為好似話呢個係crossover家訪既頭炮, 話哂我D架生都唔係乜野價值連城既珍品, 我黎打頭炮真係絕對反映唔到76一眾玩家 既狀況, 大家真係要多多包涵!
當日大既五點半左右, 一眾ching約埋一齊東涌站出發 到我家, 雙周方面有Desmond同Ikari, 而76方面就有Wil-wil跟Aidan, 黎到之後大家吹下水講下女, 慢慢就入正題啦, 首先Desmond就問左好多我關於自己套野既感覺同見解啦, 又問下我究竟知唔知今次個家訪黎做乜, 唔知我同大家個想法一唔一樣呢, 其實我一開始都無乜著眼於會點去將自己套野昇華到脫胎換骨(唔好浪費已經好好架啦, 有乜可能幾粒鐘變左另一部機出黎先), 想聽多D同學多D一D基本既野, 最緊要係知道有D乜野setting一定係錯既, 因為啱唔啱聽呢樣真係好因人而異, 但如果高手講得係錯 , 就一定唔會啱得去邊, Desmond亦都真係好恰到好處, 佢一開始對我既了解, 目的亦都係因為咁, 我就講左我對自己套野有乜意見, 總係有時覺得聽歌唔多吸引, 睇戲D對白總係唔夠出, 低頻總係唔夠層次! |
[複製鏈接]
發表於 2010-7-6 07:49
樓主
發表於 2010-7-6 14:39
.... 
