The Dark Knight 蝙蝠俠。黑夜之神(含內容)

Chuen_ming · 發表於 2008-7-18 13:05

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

我觀影之後，腦袋呆楞住了。

「這...果真是一部犯罪史詩。」當時，唯獨此話出於嘴舌，後則一直呆居座位至片尾播畢為止。

Dark knight劇情非常複雜，人物眾多、場位交錯。(比上集更雜，此舉仿如玩火。)如劇本落入九流之手，後果當然慘不忍睹，驚嘆的是，Christopher Nolan竟能將之馭駕，可見阿Christ技法再上一峰(片中不斷出現一道高明手法：平行剪接，請細心欣賞)。

Dark knight是另一部Godfather II，上集係Bruce Wayne成魔之路(葛咸市民認為Batman係亦正亦邪的精神病漢)，今集述作Bruce 的心路歷程，雙重身份令人疲倦，唯有作出選擇：退位讓賢，安居大宅？或繼續穿緊身衣，打擊罪犯？(好比Godfather II的Michael Corleone)另一相似點，正如Godfather II一樣(比第一部更為進步)，Dark Knight遠遠扔離Batman begins，甚至整個Tim Burton的Batman系列，完全獨當一面。「起、承、轉、合」行文流暢，每一筆皆有意思。我深信，選Dark knight為21世紀的經典作，實當之無愧。

lkljason · 發表於 2008-7-18 14:24

含內容唔敢睇住，等我睇完至一起討論！

阿定 · 發表於 2008-7-18 14:25

的而且戲情好吸引，先唔好計聲效同特技，只係計戲情的左穿右插，已經好吸引

我第一次睇兩個幾鐘戲，成個場係無人去toilet的，應該全場人都比戲入面的張力吸住左，分唔到心！

Chuen_ming · 發表於 2008-7-18 14:32

原帖由 lkljason 於 2008-7-18 14:24 發表
含內容唔敢睇住，等我睇完至一起討論！

好，等待你的觀後感。

AW2 · 發表於 2008-7-20 00:11

今日睇完, 上集無睇過, 但呢一集絕對可以話比添布頓既第一集更加好睇(第二集其實真係好過第一集). 好多好多寫內心既, 而且似乎呢套更接近現實, 唔似得前果幾集添布頓既黑色幽默或祖兒伯伯既camp. 蝙蝠俠再唔係住大宅出入山洞, 確實係住響一個真係有高樓大廈既"城"中!
Joker既令人毛骨悚然, Harvey Dent亦係另一個寫得超好既角色, 只可惜Two face佔太少, 有D唔夠喉.
可惜公司員工招待場響普通戲院舉行(個SHAW Active sound好似有D問題), 如果係IMAX版本可能更加正.

Chuen_ming · 發表於 2008-7-20 08:07

原帖由 AW2 於 2008-7-20 00:11 發表
今日睇完, 上集無睇過, 但呢一集絕對可以話比添布頓既第一集更加好睇(第二集其實真係好過第一集). 好多好多寫內心既, 而且似乎呢套更接近現實, 唔似得前果幾集添布頓既黑色幽默或祖兒伯伯既camp. 蝙蝠俠再唔係住大宅 ...

那實為可惜，batman begins完全為dark knight而作的劇情起步點。如果先看過begins，後睇dark knight的話，一定更添味道。
添布頓版的batman系列，個人認為雖風格黑暗，但有道孩子味(tim的作品一向如此，祖兒伯伯的兩集，我當不存在過...)。反之，Nolan版是寫實化的黑暗，更貼近現代，所以令人投入。

lkljason · 發表於 2008-7-20 12:49

買左飛一陣去睇:D :D :D

小瑟 · 發表於 2008-7-21 08:05

我都係星期日睇左, 冇錯,今次劇情真係好覆習, 但我就有小小覺得長左, 不過學樓主講, 以一套咁沉長而又咁人物交錯既劇本, 導演拍到咁真係好勁Smilies018
其實自從睇完Christopher Nolan既 BATMAN BEGIN之後, 我自己已經對 BATMAN之前既電影版, 當係一套笑片咁睇, 之前既 BATMAN真係一個卡通人物, 而
BATMEN BEGIN之後, BATMAN真係變左一個人, 我仲記得 BEGIN中, BRUCE生日會當日佢同 RACHEL係門口傾完計之後, 即時飛身換衫去出動, 果一下,
我就知道, 呢個先係真正既 BATMAN, 同我地係好相似都係一個"人"既 BATMAN, 更加認定以後既 BATMAN都一定要係 Christian Bale做返先有神髓.

而今次 The Dark Knight比到我最大既觀能刺激, 一定係香港捉 LAU果幕, 佢夠膽, 有腦, 真係估都估唔到, 佢用個咁樣既方法離開香港, 我雖然一個人係戲院睇,
我都"嘩"左出黎, 真係堅到呢~~~ 但 BATMAN亦都係一個悲劇, 佢都好想退下來但始終做唔到, 更加因為人既本性, 當大難時就將個波推去 BATMAN身上, 亦都另呢個英雄不再英雄..
唔知點解, 我覺得呢下野同蜘蛛俠係非常相似, 雖然都係英雄, 不過就受唔到應有既尊重!!!:'(

另外請問咩係 "平行剪接"呢??THX~Smilies009:

阿定 · 發表於 2008-7-21 09:25

平行剪接即係同一時間唔同地方的戲情交叉剪接

例1: 救雙面人時，平行剪接另你唔知Batman實際去緊邊，又同一時間交代左當時救人同被救兩邊的情況
例2: 兩架船的人都為應該點做而決定唔到，到大家都決定放棄

呢類手法都數係 for 加添懸疑感同需要高張力戲情時使用

lkljason · 發表於 2008-7-21 09:40

可能第一集既口碑不錯，所以呢集個導演更大膽心將一套英雄片拍到咁既格局，不過唔係batman迷既朋友我估計略嫌套戲過長，而人物既關系圖亦都較複雜，睇完初期都有d野要諗o下點解會咁既，真係要思考o下果隻，我睇果場戲既中段時間，有個男人好Q大聲咁打喊露 (妖~~唔夠訓就咪鬼黎睇戲啦，仲要咁無品果隻打喊露)，坐隔離再隔離果個男人又不停郁身，唔知係個位有野咬定話屎忽痕勒，真係有d掃興。

總結，我問過唔身邊既朋友，佢地對batman既印象或者鐘愛始終都無sprideman或者superman咁大，唔知係咪呢個角色內心比較複雜，唔係一般既影迷可接受，加上batman無特別技能可能亦都係原因之一，anyway我自己就幾鐘意勒，但我唔會慫恿身邊d無興趣睇呢套戲既朋友，因為都係果句，睇戲既野好個人架嘛！

The Dark Knight 蝙蝠俠。黑夜之神(含內容)

如果想睇到更多76師兄嘅分享，快啲登入成為會員啦！

評分

76 榮譽超級版主勲章

76 榮譽鑽石勲章

76 榮譽忠義勲章

76 榮譽VIP勲章

十週年永遠榮譽會員勲章

76-FC 黑鑽石勲章

76 榮譽版主勲章

76 精選榮譽會員勲章

三星玩樂勲章

76 榮譽慈善家勲章

76 榮譽貢獻勲章

76 榮譽有禮勲章