評韓版《鐵甲奇俠》《功夫熊貓》《奪寶奇兵４》(有實物圖)

劉一舟 · 發表於 2009-2-7 21:08

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

睇晒朋友代訂的三片韓版，三套片的港版BD冇買過，難以比較，但純以當新藍光片來睇都算屬中上級別！！！

《鐵甲奇俠》

先講Ironman，韓版有外盒和彩碟碟面，AVC編碼，畫質以新片來講我覺得不差，雖未去到頂級但絕對收貨，可能睇開派記一貫的色調風格，在此片仍然保留，英語音效的Dolby True-HD表現優良，多場爆炸場面和對戰場景都達到預期效果，碟一和碟二超過二百多分鐘的特別收錄 (包括BD-Live) 有粵語字幕選擇之餘還是HD format！！！

劉一舟 · 發表於 2009-2-7 21:10

《功夫熊貓》

韓版BD畫面係AVC編碼，畫質靚到飛起，和港日版一樣有粵語國語DD5.1發音，英語係Dolby True-HD，出來的效果好好，環繞聲不俗，尤以大豹逃獄嗰場大顯功架；特別收錄方面，和DVD版相若，除了隨片講評、互動影片只有英日韓字幕外，正片和其他特別收錄全部都係HD format和有國粵語字幕選擇！！！

劉一舟 · 發表於 2009-2-7 21:11

本帖最後由劉一舟於 2009-2-7 21:14 編輯

《奪寶奇兵之水晶骷髏國》

雙碟韓版BD畫面係AVC編碼，畫質我覺得比《鐵甲奇俠》好少少，音效有英語Dolby True-HD、日語泰語DD5.1，而字幕亦有粵語國語版本選擇，特別收錄和DVD版一樣，只是BD版多了 "Timeline" 這個文字記錄，正片和其他特別收錄全部都係HD format和有國粵語字幕選擇！！！

victor_wong · 發表於 2009-2-7 21:22

同意舟兄所講, 我假設如果港版同韓版係同一個 source, 我昨晚睇左功夫熊貓, 畫面真係冇得彈, 最難得粵語配音雖則唔係 TrueHD, 而只有 DD5.1 640kpbs, 而配音亦相當鬼馬抵死. 而效果一 D 都唔差, 呢套至少可以睇三次, 因為一次睇粵語, 一次睇英文,一次聽評講 (雖則只有英文字幕) , 但總比美版好, 連字幕都冇, 我未睇其他 SF, 睇 review 話美版有 visual commentary, 要試試港版有冇啦. 遲 D 會試堆隻奪寶奇兵先!