小弟仲未上飛機 (不過, 過多一陣, 小弟都要出門去機場嘞)
啱啱今晚 "東方" 致電小弟, 話舖頭方面回應, 認為可 "酌情處理", 換過另一部機俾小弟, 於是小弟致電舖頭方面..........
小弟表明, 今次事件已經令我對佢地無信心, 希望退錢了事 ; 但對方表明, 佢地唔能夠咁做
小弟於是再問, 如何換貨 ; 對方話我拎部機落去佢地舖頭, 佢地換另一個牌子俾我 (對於呢一點, 小弟好有保留)
對方話, 小弟 "推動" onkyo 唔俾貨佢地, 所以佢地唔會有 onkyo 換俾我
小弟之後表示, 我差唔多要出埠, 要下星期先返 ; 對方就話, 機價日日跌梗, 下星期部 onkyo 仲值得返幾多, 可以換返乜野機, 佢唔保證
小弟認為, 而家既然無可能換到機 (因為小弟差唔多要出機場), 唯有下星期返嚟先再算 ; 不過, 小弟覺得佢地唔換 onkyo 俾我的話, 我就好大機會唔接受佢既 offer....... (因為小弟喜歡 onkyo)
大家覺得如何?
對話當中, 對方不斷重覆, 話小弟搞大件事, 搵報紙傳媒, 好無聊, 因為佢地唔會怕呢一招
又話小弟令佢攞唔到 onkyo 既貨, 令佢好煩燥
仲話小弟喺網上開佢地既舖頭名, 令佢好唔高興
仲話係小弟自己整爛部機, 佢根本無責任 ; 佢一萬幾千唔放在眼內, 只係免得煩擾, 先至換機俾小弟
小弟都唔同對方爭拗咁多 ; 反正明知佢唔會承認部 onkyo 係陳列品, 講多無謂 |
[複製鏈接]
樓主
