《艷舞巨星》Burlesque : Blu-ray (碟評及實物圖)

Ken704

《艷舞巨星》Burlesque : Blu-ray (碟評及實物圖)




文 : ken704 / 圖 : SonSon

一套榮獲第68屆金球獎最佳電影（音樂及喜劇類別）、最佳電影歌曲（"Bound To You" 和 "You Haven't Seen The Last Of Me"）提名的《艷舞巨星》，由闊別影壇七年的金像影后雪兒（Cher）、首次踏足大銀幕的美國樂壇天后姬絲汀娜（Christina Aguilera）攜手演出，施展渾身解數，連場勁歌熱舞，澎湃激昂！對此類提材有興趣既朋友,我相信大家一定唔會錯過!  



故事簡介： 故事講述來自艾奧華州既Ali (Christina Aguilera)遠赴洛杉磯追求理想，希望係著名艷舞團當上艷舞女郎。憑著自己無比勇氣同熱誠，黎到艷舞團(The Burlesque Lounge)充當女待應，但Burlesque Lounge發覺單憑性感舞蹈已唔能夠滿足觀眾口味，而老板娘Tess(Cher雪兒 )亦只好苦苦撐住。偶然機會Ali被拉伕踏上台板，但係音響失靈情况下，她靈機一觸自創清唱風格伴舞，絕佳唱功技驚四座！自始Ali便正式成為艷舞巨星，出色性感舞技加上性感聲線，口碑轟傳，觀眾聞風而至，令俱樂部晚晚客滿，夜夜笙歌。正當Ali扶搖直上，The Burlesque Lounge再次陷入危機，而錯綜複雜的感情生活亦令Ali分身不暇…究竟在舞台上勁歌熱舞的日子，還剩下多少？



對比起《華麗后台》,我覺得Burlesque更岩我口味, 係翻查資料時, 發覺原來2位主角都曾經攞過格林美獎, 有著2位天后演出再加上勁歌熱舞, 美麗既舞台設計, 完全將一部”歌舞片”應該有既都表露無遣,直頭令我熱血沸騰!!!! 故事開頭講Christina Aguilera係Burlesque Lounge諗盡方法表現自己，係陰差陽錯下,solo表演左一幕清唱, 真係有一種毛管”樹”起既感覺, 再加上各姊妹勾心鬥角的劇情，劇力十足！但後半部份, 導演開始著重描寫Ali既愛情發展, 但有小小力不從心. 幸好當中穿插著多場五光＋色既大型舞台表演, , 一定唔會令大家訓著!







不得不提既係, 成套電影既歌曲非常非常好聽, 我估應該無人反對, 當中Tough Lover同 Show Me how you burlesque真係Very Good! 唔駛100蚊買埋隻Sound Track. 我真係要推介比你地!!!同時作為Christina Aguilera第一套電影, 係一個好好既開始, 成個劇本好似度身訂造甘,充滿發揮佢自己本身既音樂細胞及唱歌跳舞既本能. 整體黎講Burlesque帶出叫人追求夢想,係一套好正面既電影, 奈何係香港上映時 ( 約2010年2月),略嫌宣傳度不足.希望出左Blu-ray, DVD, 香港朋友有機會可以欣賞.

命硬好人

呢套劇情四平八穩, 比起 <華麗后台> 好得多~ 而且歌舞都幾靚~
但劇情比起經典 <芝加哥> <紅磨坊> 就有 d 失色~ 平舖直敍~
港版譯做 <艷舞>, 但其實香艷程度(色誘程度)比 <華麗后台> 低~

近年少左百老匯式歌舞片, 呢套都值得支持下~

adamkong

Cher + Christina Aguilera

靚人靚景 正歌

qqsnk

Good report!
Good movie really!!!

AST(Gym)

聽講依套音效好得

yongzhilu

聽講依套音效好得
AST(Gym) 發表於 2011-6-8 10:58

    是的, 无错.

maner394

呢套我睇咗....我一向吾太喜歡歌舞片，由其係鬼佬歌舞片，但呢套一開頭就被它的強烈低頻所吸引，對拾仔的質素是一種考驗，聲畫真係吾錯，劇情可以一看，試機非常一流，強烈推介！

SonSon

全隻碟成44G, 容量好大. 聲畫掂應該冇走雞.

civic

回復 8# SonSon


    幾銀呢

SonSon

回復 9# civic

隻碟係Ken Sir既, 梗係要問佢先知