只差一點點之｛愛情大龍鳳｝藍光碟碟評

SonSon

當日戲院上畫時，Ａ同事睇完後已說好好笑，Ｂ同事聽完Ａ同事推介後回來又說超好笑，當Ａ同事及Ｂ同事推介Ｃ同事睇時，Ｃ同事二話不說要等待藍光版本推出才入市觀看。當早前行版Blu ray正式推出時，Ｃ同事（即小弟本人）才購入打算感受一吓ＡＢ同事推介是否物有所值。





一開場冇耐已精神為之一振，絕對賞心悅目 。




身為外科整形醫生既阿當每每遇到奇難雜症 。




女主角其中之一｛布嘉蓮戴嘉｝樣子雖然有點兇，但身材就....... 。




｛珍妮花雅麗絲頓｝雖然年屆40，但係變身後仍可與｛布嘉蓮戴嘉｝在戲中一鬥，Brad Pitt算唔算走寶 ？



絕對是畫龍點睛的兩姊弟，家姐醉心舞台劇，舉手投足模仿伸士語氣，弟弟扮豬食老虎樣子均入型入格，每當兩姊弟出場均令小弟 。




三人扮融合自拍照亦非常好笑，亦帶出阿當開始駕馭兩姊弟。




絕對令小弟意想不到係｛妮歌潔曼｝客串一角，甘於做大配角之餘亦有點醜化自已，亦令本片生色不少。




觀後感：

從故事性角度看，此片只是不斷以大話染色謊話，但幸好結尾不是源用謊話被揭穿作簡單收場 。阿當及珍妮花一起共事已久，大家生活方式喜好均一清二楚，只是未有一個共處機會給大家互相了解，當阿當發現珍妮花變身後原來可明艷照人，當兩姊弟被阿當馴服後，珍妮花看到阿當另外一面。大家均從這次摸錯之旅從新認識對方，而阿當最後亦發現＂Beautiful Lady＂原來是敵不過知心友。

縱觀全碟，雖然不是甚麼大制作，但畫面非常自然討好，一眾女星均非常立體...........  你可以見到一眾青春無敵既少女，風韻猶存既珍妮花雅麗絲頓及用化妝品遮掩下的妮歌潔曼，靚人靚景加上輕鬆題材絕對賞心樂事 。原本可給10分滿分可給9分以上，但就是只差一點點，咁即是差甚麼呢？看這類輕鬆愛情笑片，翻譯是重要一環，但行版Blu ray只有台式繁體字幕，部份對白真是不敢恭維。例如一幕阿當說會買台PS3給弟弟時，字幕上出現＂一台３＂，不知原因以為主角會上3仔台出機 ，希望發行公司日後照顧下本地觀眾。當然，唔介意呢點小瑕疵，小弟絕對誠意推介給各版友與身邊人一起共賞。

多謝收看

圖 / 文 SonSon

Benlu

如果系咁有機會入番只煲下先！

Jackyt

Thank you, SonSon~
很好的報告~

alexming0101

珍妮花及妮歌潔曼怎可能會咁索
上星期見到賣兩舊幾,son son師兄請問幾多銀兩入手

SonSon

珍妮花及妮歌潔曼怎可能會咁索
上星期見到賣兩舊幾,son son師兄請問幾多銀兩入手 ...
alexming0101 發表於 20/8/2011 18:30

片中所有女角係鏡頭下真係唔差ga, 實際價錢唔係太記得，好似係$21x.

bb132008

套片好好笑, 唔錯...

祖迪

我係戲院睇時, 仲記得個場自拍戲, 多個觀眾睇到拍手, 笑到停不了(包括小弟)!!
正正字幕問題, 所以本人冇買此BD!!! 而家仲考慮買DVD當中, 但又係唔知DVD是否用台式字幕?? 所以等緊兄弟回覆!!!!

蘇伯

我好鍾意個男主角做既戲。
lee套都一樣好笑
同套CLICK有得flight~

henrywwk

其實這套都一樣好笑, 加上一眾女星均非常立體......你會見布嘉蓮戴嘉次次出場都"交到戲"

Superpaul

我5月在飛機上睇，真係笑到噴飯XD
我自friends開始，好鍾意珍妮花，減價時會補入BD重溫:)