話說因為知道SONY既平價 S350就快見街, 咁小瑟就快快手手咁將手上既 PS3放左係二手市場, 之後諗住等 SONY部新機出場啦….就係呢個時間, 聽到柯南兄話係德發光頭佬度見到 S350既實物, 好細部, 好削下…..咁小瑟就親身去睇一次啦, 點知真係好細, 個機身勁短, 雖然話依家呢個晶片掛帥既年代, 機身大細都已經唔係問題, 不過係虛榮心既作祟下, 始終都係希望買部有實力D既藍光PLAYER既……但心目中最心儀既 PANSONIC BD30行貨索價要成 $4500蚊, 實在太貴勒, 所以一路都只係觀望, 觀望, 再觀望…………………………..~_~
就係無心插柳既情況下, 小瑟竟然係網上見到一部用左個幾月, 齊盒齊配件既二手 BD30, 而售價更友只需要 $3500蚊就可以, 小瑟就二話不說, 快快手約好賣家, 係呢個旺角區將佢帶返屋企呢!!!!^^”
部機果然真係同新買完全冇分別, 所有配件, 原裝盒內應有既野都有齊, 連係機頂上既廣告招紙, 都完全未拆, 上手機主果然真係只用呢部 BD30來止咳呀~~~XDDDDD
好勒, 跟住就當然係快快手插好哂線, 駁好埋電源, 快快開機啦, 今次我會用幾隻我之前都係 PS3上經常用來試機既BLU-RAY碟來再一次試下係 BD30上既感覺, 首先先用行版第五元素先, 呢隻碟分別係有 LPCM同TURE-HD音效收錄, 而之前我不嬲都對 PS3既 TURE-HD音效非常之咁冇信心既, 所以今次一開機就即時試下用 BITSTREAM上出既 TURE-HD又會係點呢???
全部測試只係用上基本設定:
PICTURE MODE: MORMAL
AUDIO MODE: ALL BITSTREAM
通常我都會用 LPCM同 TURE-HD試係旅遊太空船上, 籃色女外星人歌唱果段, 連埋之後既連場槍戰, 都係我比較喜歡既章節, 先先唔講音效既分別先, 反而真係幾喜出望外既就係畫質, 係 BD30上出現既畫面, 對比度同景深都真係有好明顯既進步, 同 PS3比較, PS3係一個好清晰既高清畫面, 但 BD30除左係好清晰既高清畫面之外, 仲有左深度同立體感, 真係估唔到原來畫質上都有咁明顯既分別. ^^” 之後就用 LPCM聽籃色外星女唱歌, 效果同PS3上差唔多, 分別不大, 之後當然係轉用 TURE-HD啦, 冇錯勒, 果然真係 BITSTREAM上出 TURE-HD同用 PS3內解出 TURE-HD真係有咁大既分別, 歌聲中既修飾位, 圓潤度, 包圍感, 都係 PS3完全比下去既, 而槍戰就更加唔洗講, PS3直頭我可以用個”嘈”字來形容, 而係 BD30上出既 TURE-HD, 雖然呢段槍戰夾雜著不同既效果同吵耳既爆炸聲, 係十分蝦機既, 但TURE-HD都可以出到比較有條理既聲音出黎比觀眾欣賞, 起碼都唔會得個”嘈”字先呢!!!
之後就換上另一SONY大片, 蜘蛛俠第三集勒, 之前用 PS3上試 TURE-HD呢幕綠魔之子偷襲彼得果幕真係慘不忍睹, 小瑟已經唔係開到好大聲, 但係都頂唔住睇唔哂熄機, 所以呢段片對試片來講真係非常之好, 大家都知, 好多電影都唔一定有 DTS-HD MA, 反而 TURE-HD就好多都係, 所以 TURE-HD效果其實都幾重要呀…..^_*
好, 一開始由寧靜既街道上, 彼得騎電單車比綠仔偷襲開始, BACKGROUND MUSIC開始黎料果下, 絕對冇左之前既吵耳感覺, 第一下感覺唔錯, 之後一路落去都聽得非常舒服, 二人飛來飛去既定位, 都非常好, 唯獨係低音好似唔係好夠, 雖然我開大左小小個低音, 但都好似唔係咁到 FEEL, 不過唔理勒, 睇埋落去先, 到小瑟最鐘意既大廈中既追逐勒, 綠仔囉出佢最耍定既追蹤炸彈一追住彼得, 好多個炸彈不停咁飛來飛去. 我唔識講勒, 總之小瑟第一次係屋企睇呢段可以比我覺得好刺激, 好緊張啦!!!^^”
試完飛來飛去既蜘蛛俠, 就要試下又係亂到不得了既場面先, 好多朋友都知道小瑟好鐘意炸呢套智能叛變, 機械人隧道中圍殺男主角一段, 其實上次 PS3支援 DTS-HD MA時, 小瑟已經試過, 亦都十分滿意, 而今次用上 BITSTREAM之後, 就更加要再試一次呢段呢. 整體既感覺其實同 PS3上既 DTS-HD MA內解差得唔多, 只係係細緻度上, 有更好既表現, 係大動態上, BD30處理得更好, 更穩定, 但當然論驚喜程度就比起 TURE-HD上 PS3同 BD30既驚喜差好遠了…
總括來講, BITSTREAM PLAYER一定係未來藍光影碟市場上, 必要既一個元素, 雖然呢部 PANASONIC BD-30只得 PROFILE1.0, 冇2.0呢個最新既版本, 不過如果好似小瑟咁, 不嬲都只係睇正戲, 連SF都好小睇既人來講, PROFILE 1.0或 2.0跟本唔係最大既問題, 當然他日 2.0如果有更多更新穎既功能又另作別論啦, 而係我地呢肆人心目中, 最重要既係聲音同畫質都可以有最好既性價比, 依家呢一刻, 可以用一個比較入門既價錢, 得到一部可 BITSTREAAM直出 HD音效既藍光播放機, 我諗係每一位鐘意係屋企睇戲朋友,必定需要既東西, 所以如果大家依家都仲諗緊好唔好將手上既 PS3換上呢部 BITSTREAM BD30既話, 我諗如果你唔打機既話, 呢個答案已經係必然架勒.
係POST76上, 里奧兄都同小瑟一樣, 家中岩岩添置左呢部 BD30, 不過有一樣野好唔同既就係, 佢屋企齊哂 PS3同 BD30, 而佢更加為我地既網友作左一個好詳細既 PS3同BD30既比較, 我節錄左佢既 REPORT, 同大家係度分享一下.
里奧兄之原文
http://www.post76.com/discuss/viewthread.php?tid=6876&page=6&fromuid=4#pid81754
尋晚只係初步用左一陣 BD30 , 佢同PS3既暫時睇分別真係不過2成 (可能set 好畫汁會再好d掛) , 而且操控反應一定係PS3係最快 .
暫時黎睇 , 好認同呢句說話 : 除非你好想用 BITSTREAM , 如果唔係 PS3 真係夠晒~
操作反應 : PS3 快+直接 / BD30 按完要唸半秒 (記住唔好太快連續按幾個指令,唔WORK ka)
畫汁 : PS3 粗粒 / BD30 乾淨 , D位 SHARP D (同埋佢有 user setting 可較畫面)
聲效 : PS3 LPCM對一般用家已足夠 / BD30 用 Bitstream出(好2成 , 因為細節位清晰左 , 聽多左D野)
** 如果平時唔留意套戲D背景,途人聲 … 基本上 PS3都足夠了 , 唔好為左果2成細節位去買機 .
** 用 BD30 最好SET 番高 “拾烏”音量 , 佢整體聲音係大聲過PS3 , <重低音>例外 !!!
_
今晚UPDATE左 VER1.7 FIRMWARE ,順手用 SPIDERMAN 3 , I AM LEGEND 測試埋 DOLBY TRUE HD , 結果分別比較大 (同 DTS-HD MA 比起來有好明顯唔同) , 呢個可以話係成個氣氛番左黎 , 特別係SPIDERMAN 3 中 (00:16:55)段 , 你可以用天與地黎形容 . 如果PS3想接近果個<音量> , 起碼要+10 聲量 . <-我指係聲量 , 並不等同質量 (仲有 PS3 用LPCM出 TRUE HD 真係比 DTS / DOLBY 仲要弱 , 呢個真係唔多明白.)
之後又試玩埋BD30 DISPLAY 內 PICTURE MODE (有CINEMA,FINE,SOFT,NORMAL,USER) , 其中SOFT(比PS3畫面仲要柔(蒙)少少) , NORMAL & FINE (比PS3光少少) , CINEMA 就唔錯(乜都唔駛SET,方便) , USER (我用CONTRAST-2 ,COLOR+2,SHARP+2) 效果同CIMEMA差不多 ,不過會清D(如用sharp+3 以上好易會化開同粗粒 , 用人物面部皮膚做調整SHARP會易睇到分別 .)
暫時黎講 ,我覺得 DTS-HDMA / DOLBY-TRUE-HD 二者bitstream分別在於 , 前者同PS3所差在係細節位分析上多野聽左 , 後者就係整體上既改變 , 可以話同其他用家所講有明顯分別 , 應該就係指 Dolby TureHD .
** 修正 : 除非你好想用 BITSTREAM / DolbyTureHD , 如果唔係 PS3 真係夠晒 .
本網站之高清家庭影院與硬件討論區
嘩…..咁平唔入仲對得住自己既?? 所以就唔理咁多, 一於入手先, 因為小瑟唔係成日去旺角, 但我同事就個個星期都去巡視業務, 所以就請我同事幫我係信和買左佢先.
