咁就15年……家駒咁就離開左我地15年, 仲記得15年前睇新聞時, 呢個消息真係好震驚, 家駒係我細個時一個幾重要既偶像, 所以, 今年係家駒離開我地15週年, 家強除左幫佢攪左個”別了 家駒 十五載”之外, 仲出左一隻CD+DVD,躍果日收工利過尖沙咀DVD鋪, 見到有家駒係電視既上, 咁好奇心之下就入去睇下, 之後先知道原來出左隻咁既碟, 內容係家駒係 92年做緊”樂與怒”時作既 DEMO, 家強係15年後既今日囉返出黎, 再重新編曲, 作詞, 收錄係呢張懷念家駒既碟入面, 另外除左CD之外, 仲有一隻DVD, 入面收錄左好多家駒從未曝光過既生前時係日本時既片段, 我覺得好珍貴, 所以都冇再話諗, 要去格價之類既野, 就係 $99蚊入左手勒!!
碟面係好有心思地整左條”鐵線”既野去做出結他絃線既效果.

一開碟, 就會見到一隻CD同家駒同家強小時候既合照.

而本碟既最後一頁就係DVD同家駒既照片

呢D就係碟既內頁勒! 好多相睇既呢~~

CD既後面

CD既側面

DVD既主選單

呢D係DVD入面既片段, 好多都係我未見過既畫面呢, 由家強一一同大家講解!!!

雖然家駒已經走左咁耐, 而我地亦都因為咁而冇得可以再聽到家駒為我地作既新作品, 雖然唔知係咪因為真係人死左, 大家先會咁珍惜, 不過, 我好清楚, 就算依家我聽返由家駒93年, 15年前作既歌, 好似”我是憤怒”, “和平與愛”, “命運是我家”, 到更加早年既”無淚的遺憾”, “喜歡你”, 都係咁好聽, 咁耐聽既, 依家到左 08年, 又有幾多歌可以擺到咁多年都仲係咁好聽, 咁有感覺呢??? 唔係話冇既, 不過就一定冇咁多………小瑟好開心可以係有生之年, 睇到一個咁天才橫溢既音樂家, 為我地作左咁多好歌同咁有意義既歌, 而家駒既精神更加唔只係為左佢自己既音樂咁簡單, 佢係希望透過音樂, 比到更多既信息大家, 好似環境保護呀(1990年命運派對大碟中的”送給不知道怎去保護環境的人”), 非洲第三世界國家戰火不停既問題(1991年Deliberate猶豫大碟中的”Amani”), 仲有好多好多, 家駒既精神係不停堅持, 打不死的心態, 都係家駒留比我地既, 我信相佢係在天之靈, 如果知道佢呢份信念, 佢呢份精神, 到依家都仲有人知道, 有人幫佢宣揚, 我諗佢會知道, 15年前上天要去返天國, 係有原因既~~~~~~
以下係我係 YOUTUBE搵到一個由TVB制作既 “Beyond家駒紀念特輯”

黎到呢度, 小瑟借左 POST76既BLOG, 去將呢位咁偉大既音樂家既生平事, 好好記錄, 留個 RECORD, 比自己將來可以睇返, 家駒對我地香港人, 以至中國人既影響!!
多謝大家收看!!^_^

今日又比我係網上睇睇下搵到個 BEYOND既 YOUTUBE網站, 呢個站唔知係咪 BEYOND MUSIC攪既官方網, 不過佢今面就有齊哂家駒最後一次 93年係馬拉既 UNPLUG LIVE既片段, 呢套片如果我冇記錯既應該現今來講只係出過 MINI-LD, 冇出過 VCD/DVD既, 而呢個 LIVE既時期 BEYOND應該係簽左華納既, 好奇怪, 點解華納到依家都唔出返 DVD來一解我地呢班家駒迷既單思之苦呢????@@”
我地依家就係佢未出 DVD之前, 只可以用 YOUTUBE既小小解像度, 去再一次欣賞家駒既現場表演啦!!!!^^”
Beyond – 真的愛你 (93年unplugged live)

Beyond – 和平與愛 (93年unplugged live)

Beyond – 命運是你家 (93年unplugged live)

Beyond – 妄想 (93年unplugged live)

Beyond – Amani (93年unplugged live)

Beyond – 長城 (93年unplugged live)

Beyond – 完全地愛吧 (93年unplugged live)

Beyond – 不再猶豫 (93年unplugged live)

Beyond – 海闊天空 (93年unplugged live)

*呢個 LIVE既次序我已盡力編排過, 希望大家都可以跟返原裝既影碟版本排序來收看!!

星期五收工去左牛棚懷念家駒, 雖然地方細細, 不過真係幾多野睇, 6 點去到未算多人, 一路月來月多人, 走果陣係勁多人!
不過好開心可以見到家駒仲有咁多 FANS, 有D老豆帶埋個仔黎, 真係估唔到連呢個年紀既爸爸都鐘意家駒, 今日冇咩時間, 汁左幾張相比大家睇下先,之後先慢慢整~~~THANKS!!

如果想再睇多D現場相片請到小弟既 PHOTO GALLERY啦!!^^”
http://gallery.post76.com/thumbnails.php?album=16