起初真係諗都冇諗過睇呢套戲既, 因為個個都話唔掂, 唔好睇, 唔係以前既 RAMBO, 咁我就一路都冇諗住睇既, 但始終係經典電影既後續, 點都要睇一睇既, 就係咁, 租DVD來睇下都未嘗不可丫.老實講, 對於 RAMBO之前既形象同劇情, 真係除左「點火藥」同「扮泥人」之外, 印象都經已好濛湖, 不過咁仲好, 可以唔洗比之後既記憶左右睇呢套第四集既心情.^^”
當我第一次睇到巴士身上既呢張電腦海報時, 我真係比佢面上D毛孔嚇左一嚇!!!XDDDD

劇情一開始亞屎太濃先生既外型真係唔洗多講架啦, 大家都知, 一個60歲既伯伯其實去到呢個款已經算係好FIT, 不過就係唔知點解佢個頭成日都比到我一個好似帶左假髮既感覺, 唔知係定唔係勒, 同埋個樣就腫左小小, 基本上大家都會唔再其望亞太濃有一身橫練既肌肉, 壯闊既胸膛, 所以佢都冇負大家所托, 佢成套謝都著住一件爛T恤, 非常幫手呀下!XDDDDD

呢場既雨中救人我覺得拍得氣氛好好, 令人非常投入

開頭果 45分鍾, 老實講, 真係差小小想訓, 好彩由RAMBO射出第一箭開始, 劇情都一路去得好好, 某D場口仲有另人血脈沸騰既感覺, 雖然套戲既時間係好短, 大概正戲內容只有 121分,雖然係短左小小, 不過劇情真係好緊湊, 雖然已經冇左 RAMBA既個人出位表演, 換黎大量既血肉橫飛, 血跡斑斑, 血盆大口, 血流如注, 血本無歸, 血濃於水……(死講講下講到過哂火, 哈哈XDDD), 總之就因為導演都知道亞龍伯已經唔再18, 22, 所以係官能刺激上就用左好多血血同埋血, 總之要你就算睇唔到 RAMBA既火藥燒傷口, 手指公禁翻支箭出黎, 導演都會係呢個位上對大家做個彌補, 我覺得都可以接受呢!!!!

題外一問: …..其實緬甸果邊, D軍政府真係咁冇人性, 囉人命黎當遊戲咁玩的嗎????
如果係返 RAMBO個世界入面睇, 佢年紀老左咁多, 係泰國又住左咁耐, 所有野回哂唐都係好正常, 而睇完呢套熱血回歸之後, 我反而有興趣買返套 BLU-RAY BOX SET來儲佢一儲, 事關如果可以睇返第一同第三集, 我想應該都非常之咁興奮呢!!!!!^_^
電影之官方預告!

小瑟除左鐘意龍珠之外, 漫畫人物之中, BATMAN就算係最鐘意既一個, 電影版上既 BATMAN由上次第一集開始, 更加係重新燃起我鐘意呢個漫畫人物既喜愛. 而第二集”蝙蝠俠：黑夜之神”, 更加係有份係香港取景, 今日終於都知道香港既上映日期, 就係 7月17日, 今日更有本地發行發出精彩海報, 有一張真係型, 以維港做 BACKGROUND, 真係期待呢!!!^_^

小瑟不嬲都係三國 FANS(我係因為三國GAMES先開始迷上的DDD), 但因為知道呢部見龍卸甲應該
同真實既歷記係有D出入, 所以我本身都冇諗過睇, ,但因為我同JONES同我表弟都對三國中, 趙子
龍係有上萬二分既崇拜, 再加上子龍呢個角色係由劉華做, 係選角上, 真係非常之吸引, 而係呢
個香港電影圈內, 配得上子龍既角色既, 又真係只得劉華岩, 就係種種既原因之下,最後都係買飛
入場睇呢套”三國之見龍卸甲”……..點知, 趙子龍一開口….嘩….. 真是他媽的爛呀(請用國語講)……把聲完全不知所謂, 冇哂劉華既神髓, 成套戲都係用國語講唔緊要呀, 搵返佢地本人配音丫大佬, 呢套戲既選角我覺得非常之咁好, 曹操搵左劉松仁, GOOD, 關羽搵狄龍, 可以, 張飛就應該係一位中國演員, 都好好, 總之呢套戲選角就非常之岩位, 不過雖然9成都係香港演員, 不過就9成都係用唔知咩人既配音…..我真係小………………總之一句講哂, 嬌陽出黎電影, 一定比佢地自己攪喎既, 上次墨攻又係咁, 咁次仲大鑊.
再講劇情, 如果你想睇返趙子龍既威風, 係頭半個小時都可以睇到, 因為開頭就會上演一場”百萬軍中藏阿斗”, 但之後既劇情就快過子陣, 炸一聲蜀國五虎出場但轉個頭就全部死哂, 死剩子龍, 最後就講埋佢最後一次出戰之後就成套戲完左勒………….講真, 真係好失望, 我覺得三國有咁多精彩既戰役, 是但搵多幾場精彩既來拍都可以呀, 依家好似格硬要拍出一個完整既故事出黎比人睇咁…….雖知道, 趙子龍雖然係一個完美猛將, 不過想睇三國既, 除左睇個人表演之外, 最重要係鬥勇鬥謀, 本片係頭半個小時都算勉強可以做到, 但之後…….仲要整個羅平安出黎, 對唔住, 小弟係三國內真係冇咩留意到呢位仁兄, 真係唔好意思………….…最後……我只係想佢快D散場呢!!!!!!!
總結就係等…..等6月吳導演既赤壁啦, 呢套擺明就係食住赤壁個勢, 滾我地呢D三國死硬FANS錢既電影來, 第日出碟呢套多數都唔會再入或再睇架勒, 除非佢整返條粵語對白5.1入去啦, 唔係真係唔洗指意呀!!!!!
岩岩查返歷史, 我都話趙雲係病死架啦!!!!! 我真係……
建興七年(229年)，趙雲病逝，後主於景耀四年（261年）追諡他為順平侯。