如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
最近經常心緒不寧, 因為每逢一月都係交稅交保費既月份, 所以之前幾個月都為左一月而準備…賣得既都賣曬…直至12月俾我遇上Black Friday Sales…一切都好似click左個reset button咁…
相信唔少朋友都知我Black Friday Sales訂左幾對耳機, 其中5.0係上一篇有講到, 今次呢篇主要會講另外一對入耳旗艦耳機: Noble Audio出既6單元耳機
一切都由呢張相開始 (黎個首尾呼應先!) (小弟D相都係用手機影, 重要係深夜先影得…(大家明架啦) 我知好唔得, 不過玩左隨身音響後相機野放曬…大家請見諒…)
講小小歷史先, 話說Wizard之前係Heir Audio, 而且都幾鬼出名, 唔知乜原因佢後來自己成立左間Noble Audio, 而所出既產品無論外觀, 構造, 配件, Logo等等都同佢既前公司好似…
好啦唔好訓住先啦! 入正題…今次呢對Noble 6定價好高…盛惠美金999大元, 究竟佢值唔值呢個價? 我買完其實都幾”劣”…大拿拿成千美金…折完都重係好貴…但唔知點解我覺得佢會好得, 因為今天的自己無理由唔會打敗昨天的自己! 而且訂價更加近取, 抱著一分價錢半分貨既觀念 (因為越貴既耳機性價比越低), 我膽粗粗咁單拖去馬…
好啦先黎幾張似曾相識既開箱圖先啦!
大家係咪覺得好熟呢! 無錯, 好多地方, 甚至連包裝都好相似…呢對我都等左兩個星期到先收到, 算係頭10對, 配件甚麼的我理都無理, 由於收到一D提議, 所以我唔再用Siltech做測試, 改番用原裝線, 不過換Ortofon耳膠一定走唔甩!
呢對N6我寫文既呢刻應該剛剛過200小時, 講真聲音既提升同變化唔大, 唔排除之後會變化得好勁, 說好的聽感我找數啦, 大家請收貨:
我負責任地講出我既聽感, 就係N6可以話係各方面都好完善, 而且幾中我自己既口味…
包裝Skip唔講 (因為真係似得好緊要囉…) 齋講對耳機, N6既外貌非常低調, 佢全線IEM系列只係用螺絲既顏色黎分, 個殼係一模一樣…黑色膠面, 造工一般啦…
配戴方面, N6算係中規中矩, 不過換完Ortofo又好左唔少, 但隔音未去得到SD3既水平, 差過W4R小小, 但都OK
黎到最重要既聲音啦…循例講番句: 聽感純粹個人感覺, 不喜勿插!
至於今次我都煩惱左好耐, 究竟用邊部野黎測試好呢? (煩惱唔係我好多setup, 而係我得番兩套…其他賣曬黎應付呢個死亡一月…) 最後決定用X3MOD+385呢個組合, 以往主要用呢個組合黎聽女聲, 今次可以用黎試下對N6…
一開聲…哇!!!!!!!!!!!!!!!!!! (頂你咩又黎)
此哇不同彼哇, 呢個哇係一個收貨的哇, 可能因為真係hit中我既口味啦…
呢對耳機非常平衡, 同埋真係無乜音染…失真我覺得好低…
小弟絕非理論派 (因為我唔識), 我只係希望盡量用一個客觀既角度去講
佢既低頻明顯少過5.0, 但黎得好自然, 唔會行雷唔會超深潛, 但的的確確做到自然兩個字, 恰到好處, 好似圍繞住你, 亦唔會有造作既感覺, 呢度應記一功!
佢既分析力真係好強, 而且定位好準, 就好比坐係一個中型既場館入面聽一D好高清既歌, 每樣野都好平均, 但非常動聽
如果你話取向, 咁我覺得有極少偏暗, 微暖, 其他一律好中性…可能最近好多耳機都加入左唔少調音, 我好耐未聽過呢種聲音, 始終音染可以係兩刃劍, 喜歡既會好喜歡, 唔喜歡既真係扣唔少分, 所以一對中性既耳機某程度上係可遇不可求的…
人聲方面佢真係無女毒系列咁浮誇既演藝, 但D呼吸聲同吞口水聲真係不得了! (有機會係關部AMP事) 可能我一路聽住黎寫, 越寫越興奮, 但今次真係搵到對幾中下自己口味既耳機,
最後我嘗試用幾個簡單既詞語黎形容下對N6, 就係自然, 自然同埋自然, 講真我連續聽左2個小時以上…真係無任何疲倦既感覺, 係右邊耳仔有D痛…
呢對耳機不得不承認, 剛剛收到真係好興奮, 而聲音亦都非常適合自己既口味…所以拖左咁耐先出開箱文, 希望冷靜落黎先好寫…
話說呢段時間我都有唔少朋友試過呢對N6, 綜合佢地既意見, 都係讚多過彈既, 希望runin耐D會更全面啦 (有三個試完即刻出手…可惜到而加都未收到, 係度借個位黎為佢地打打氣先 :P)
Anyway 希望大家都係耳聽為實, 因為呢對好似好難搵到demo, 所以真係非常有興趣既師兄們可以約我試, 不過Noble果邊就話太多order塞曬車…呢點大家要留意…
黎緊既第十篇將會係非常特別同埋有紀念性既一篇! 主角其實我已經訂好, 不過請恕小弟係度賣個關子先…
終於趕到係年三十晚出到呢篇文, 趕到我死死下…希望大家可以多多包涵…
最後祝大家新年快樂, 身體健康, 新既一年燒多D銀紙, 買多D玩具!!! |
[複製鏈接]
發表於 2014-1-30 16:25
樓主
