半放棄狀態? 微軟確認TGS2014唔會有XBOX ONE發佈會

@肥狗仔@

當SONY在GC2014上高調宣佈PS4全球1000萬銷量達成嘅同時，MS選擇了用沉默來為其只售出前者一半數量的XBO打氣。考慮到XBO要到下個月才正式進軍包括中國等亞洲及歐洲等26個地區，想要急起直追的機會亦唔係冇嘅。不過講到亞洲市場，日本一直係一個令MS十分頭痛嘅地方，那怕係X360時期有《藍龍》，《失落的奧德賽》，《Star Ocean》及《Tales of Vesperia》等作品加盟亦只能保持極短暫嘅人氣。事實上自本世代之戰的中後期，X360日系作品供應已經後勁不繼，漸漸淪為橫向射擊遊戲的大本營。

日本地區的慘敗或者令MS意識到XBOX這個"老外"品牌永遠冇能力在當地落地生恨，所以在6月MS宣佈XBO在日本發售的發佈會上，遊戲陣容與當年X360簡直係天壤之別，只在場宣佈會有日系遊戲登陸XBO就草草收場。對此玩家自然將視線聚焦於業界第三大遊戲展 — 東京遊戲展2014(TGS2014)上高，特別係對手SCEJA已經預定在9月1日舉行發佈會發表一堆PS4及PSV的日系遊戲，所以唔少XBOX粉絲都期望微軟會於XBO在日發售(XBO日本首發為9月4日)後為玩家帶來驚喜。只可惜人類總是要犯同樣的錯誤，XBOX阿頭Phil Spencer早前在Twitter上表示自己只會出席TGS2014，而唔會有所謂的"演說"在當日發表。

可能玩開射擊遊戲的玩家會對淺田誠開發的數款XBO日系射擊作品感興趣，不過與PS4新公佈的《人中之龍 ZERO 誓言的場所》一比之下，前者受眾明顯少得多。從MS在今次TGS2014的態度去睇或者其公司對日本市場的取態都已成定局，始終日系遊戲在歐美市場賣唔到，在日本市場亦唔見賣得多，以XBOX如今的形勢勉強投資好大機會換來惡果。

其實不論係日本定還是歐美地區，XBO今年秋冬檔期所擺出的遊戲陣容都已經對玩家有所交待，難聽啲講真係可以做嘅都做哂，之後純粹聽天由命。但既然係TGS，我地或者都可以期望一下MS屆時會公佈神谷英樹的XBO獨佔作品《Scalbound》首支實機演示XDD

michael.t

其實都岩既

日本都唔係自己地頭 加上時候未到

XBO其實淨係靠圖中D game已經可以玩到成年

由聽日出Metro Redux 到 9月Destiny 再到Dragon Age

開始真正好game連場

有時無招勝有

@肥狗仔@

michael.t 發表於 2014-8-26 00:06
其實都岩既

日本都唔係自己地頭 加上時候未到

日本市場真係自封得利害，若果XBO出LoveLive體感遊戲都有得做嘅，但核心遊戲真係唔好唸，佢地內銷果堆日系game仲係停留係PS2的階段，然後高清化。但哩啲已經係佢地最賣得果批...

話說Metro係好遊戲，畫面好正。過幾日睇你地表現。  我哩家仲煩緊10月買咩好，據說Unity中文版有得同步@@

原明

口味…民族性…

inagawa

無新料唔洗攪喇
(Post76 Android 手機版送出)

jamesbond168

不要期望有機戰、龍如，等日式game在xone出現！