《戰爭機器 終極版》(X360四部曲下載碼現已派發)

@肥狗仔@

97樓更新Q&A

8.17

距離遊戲發售仲有一星期，今日XBOX官方終於回應部份粉絲的訴求，將9年前原作的TVCM — Mad World進行重製，然而內容只係將舊版與新版過場動畫mix埋一條片，有偷工減料之嫌。當然Coalition都冇承諾過Gears UE會收錄一支重新製作的TVCM...

[YoutubeHD]rwbYhvlrQbc[/YoutubeHD]

---

8.3

Coalition今日確定X360的4部Gears作品將會通過向後兼容方式登陸XONE，而只要你在今年12月31之前玩過Gears UE就可以免費獲得該4款遊戲喇... 好吧，再睇吓Uncharted, God of War remastered...

---

7.24



The Coalition今日宣佈《Gears of War Ultimate Edition》經已開發完成，並開放預載。除了售價為$269的普通版之外，本作同時發行一個收錄槍枝及角色皮膚包的Deluxe Edition，但售價太高喇，試問有幾多人會比多百幾蚊買哩啲裝飾品?

另外官方亦釋出了一段全新making of及全新的遊戲開場動畫

[YoutubeHD]sb7lq3BdMYw[/YoutubeHD]

[YoutubeHD]qODC-rxITUc[/YoutubeHD]

---

7.10

其實都預咗佢會出... The Coalition今日公佈《Gears of War Ultimate Edition》連XONE同捆套裝。該同捆裝會收錄Gears UE數字版及Superstar Cole皮膚。

此外，官方亦公佈咗一段"過場重製"的製作特輯，可見本作過場不但被重新製作，當中的分鏡﹑角色表現及特效都大有不同。

[YoutubeHD]gBo4civqLYs[/YoutubeHD]

---

6.25

本作Campaign部份的所有過場片段皆被重新製作，不過唔係Halo 2週年版果種CG，而係類似pre-render的方式，連對白都經過翻新呢。官方今日放出了相關teaser, 最後果吓比原版更基喇。

[YoutubeHD]FdVBRNWxlbQ[/YoutubeHD]

---

6.17

之前Phil Spencer所預告將會在E3 PC gaming上發佈的驚喜今日揭盅，除咗XONE的F2P格鬥遊戲《Killer Instinct》登陸PC之外，剛公佈冇耐的《Gears of War Ultimate Edition》亦宣佈登陸PC，發售日未定。PC版相比8.25推出的XONE版本，將享有4K解像，及DX12的新特性。(之前同樣使用Unreal引擎的Fable Legend亦都對應DX12)。然而，是次的跨平台對PC迷而言未必係皆大歡喜，始終遊戲1代本來就已經推出了PC版，包括PC版獨佔的巨龍獸章節，而其後的2,3, Judgement及4代都長駐於XBOX，若果MS有心做好Win10，或者都係時候將Gears of War系列塑造成Win10的新指標。

---

6.16

其實全世界都知道會出，Rod Fergusson在發佈會上長話短說地介紹了Gears of War: Ultimate Edition。8月25日推出確定，應該只係1代重製版而已。但BETA可以今日開始去官網註冊並下載。

[YoutubeHD]Zn-h5D0_LhI[/YoutubeHD]

https://gearsofwar.com/en-us/beta-signup-agreement

---

6.15

好吧~如果屬實，我都要比個讚自己 (如果...) 繼Forza 6之後，Gears俄語站洩露了《Gears of War 3》的資訊，並顯示遊戲將於8月25日推出。經過Google之後，根據資料，60fps， XONE新操作... DLC地圖全包等等。然而網站亦可能顯示是次HD版的確係合集，而非什麼1代重製版only，事關第二項及第五項說明了遊戲會加入什麼PC原版的90分鐘內容及PC版地圖，而玩家都知道系列只有一代有登陸PC。

---

6.4

Rod Fergusson今日正式宣佈，將Black Tusk Studios改名為"The Coalition"，名稱取自Gears of War入面的維安政府聯盟— " Coalition of Ordered Governments "(COG)。Fergusson指出當玩家提起343 industry，自然會唸起Halo，提起Turn 10亦自然會唸起Forza，有見及此，The Coalition的出現亦希望玩家意識到本工作室係為Gears of War而生的。

[YoutubeHD]1_yznxHhfLk[/YoutubeHD]

---

5.14

之前聲稱是洩露圖的，據說只係PC的4K畫面(自稱冇加mod~但色調都變埋~可能係冇加mod但有PS)

但今日，真係慳料，之前秘密進行的多人遊戲BETA，終於有畫面流出喇，雖然圖片質量好差，不過隱若睇得到真係強化咗唔少，應該話幾個mood都唔同咗。

有測試者錄咗DVR~血多咗唔少~色調仍然係一代，不過遠處高光強了不少。

[YoutubeHD]d7LrDIC8o-M[/YoutubeHD]

http://a.pomf.se/truhbr.mp4
http://a.pomf.se/ssejca.mp4

9年前版本:
[YoutubeHD]nDqhGtwBsXo[/YoutubeHD]

---

5.12

早前有外國零售商洩露了Gears 1代重製版的title — 《Gears of War Ultimate Edition》，而今日twitter用戶iHadi Alanzei就公開了本遊戲的首批截圖，大概就係將3代的高光引入，@肥狗仔@睇完覺得原版的色調比較有特色呢。





Source:
https://twitter.com/Sn4kee

---

4.25

睇黎的確係真的，Polygon同爆料王Kotaku同時確定"Gears of War Remastered"(for XBOX ONE)已經進入BETA階段仲有圖洩露。該remastered暫時只有Gears of War第一集，亦相信只有第一集，而唔包含其他作品，雖然兩間媒體都仍然對"合集"抱有期望。其中Polygon引述消息人士指，remaster版本有升級版的畫面，及由動畫公司Plastic Wax所重製的全新過場動畫，Polygon指新過場起始時描述了舊版沒有的獸人入侵動畫。

而就遊戲本身而言，暫時已知開發過《Brink》和《Dirty Bomb》的開發團隊Splash Damage已經正在製作本remastered版本，當然Gears of War的第二把交椅Black Tusk也有參與。至於據說係岩岩舉行的BETA測試，Kotaku據測試者所言，其為多人遊戲BETA，遊戲模式包括了

Team Deathmatch
King of the Hill
1 Life 1V1 Shotgun TDM
1v1 Sudden Death Gnashers Only
4v4 TDM Single Round
4v4 KOTH Single Round.

另一方面，Polygon也觀看了有關BETA的實機畫面，其透露遊戲擁有改進版的光源及升級後的貼圖質素，測試者更表示遊戲是以60fps運行的。

有見來年才是Gears of War誕生10周年，今年推出1代Remastered可能有點出師無名，不過考慮到XONE現在的形勢及若果2016年是Gears of War新作的發售日，那同一年推出兩部作品無疑是自找麻煩。現在就讓我們期待MS在E3 2015正式公佈本遊戲吧!

Source:
http://www.polygon.com/2015/4/24 ... -anniversary-remake
http://kotaku.com/report-gears-o ... xbox-one-1700059889

---

3.18

據說不是改圖~若果係真，咁XBOX掌門人Phil Spencer的回應是否指GOW Collection鐵定會推出?

---

10.26

在接受IGN電台專訪的時候，XBOX部門主管Phil Spencer被問到MS對於《戰爭機器》這個系列會否以"重啟(reboot)"方式發展的時候，Phil斬釘截鐵地回答: "不會"，他指出: "我不會稱它為重啟，事實上我不認為GEOW需要這樣做。我知道《Gears of War Judgement》並不符合玩家期望，但我認為這個系列能夠繼續，我們擁有新的開發團隊，Rod Fergusson的參與確保了開發工作得以進行，這令我們深信我們能夠在下一個十年繼續投資GEOW系列。"

顯然，微軟已經承認了《Gears of War Judgement》的失敗，在否定重啟這一可能性後，Phil補充道希望新作能夠回歸系列三部曲時的神韻: "微軟需要回到過去尋回玩家操控Delta小隊時的感覺 — 巴德，多姆，柯爾...當然還有馬可斯。"Phil表示自己最喜歡早期戰爭機器那史詩式的規模及設定: "在故事和設定上相比Judgement，我會話佢更加感人及黑暗。"

另外對於之前retweet了#TheMarcusFenixCollection，Phil向fans講聲唔好意思，話自己唔應該retweet的。但戰爭機器三部曲係咪真係冇可能登陸XONE呢，出年E3自有分曉。

集結了系列三部曲製作人Rod Fergusson的新工作室Black Tusk現階段正在全力開發戰爭機器新作，而該工作室亦定期發放製作人玩GEOW3的片段，先不論遊戲製作方面，至少睇得出佢地都係班高手。
[YoutubeHD]yVlxWSMP8Bo[/YoutubeHD]

Source:
http://hwcdn.libsyn.com/p/b/5/3/b537fe0c84c35b55/Podcast_Unlocked_Episode_167.mp3?c_id=7774626&expiration=1414261553&hwt=f837d7347f65de8a1d9ba68246a03589

---

10.17

自XONE推出以來玩家對《Gears of War》三部曲移植XONE的呼聲甚高，特別係當微軟向EPIC games買下該IP的版權後，XBOX部門主管Phil Spencer就曾經表示自己聽到玩家對戰爭機器系列重返XBOX ONE的訴求。雖然微軟早前指《Gears of War》新作將於明年正式公開，不過究竟在X360的經典三部曲能否在XONE上重現，官方一直未有正面回應。

數月前，有網友終於按捺不住，在Twitter開了個名為#TheMarcusFenixCollection的tweets讓玩家自發轉播，目的是想讓微軟知道究竟有幾多玩家渴望在XONE主機玩到該遊戲。直到今日Phil Spencer突然retweet了相關訊息，令到一眾Gears迷迅間熱血沸騰。

至於XBOX另一王牌大作HALO的高清合集亦將於下個月登陸XONE，考慮到其中HALO2以完全重製方式示人，或者這個《Gears of War》三部曲合集都可能以同樣的方式推出...可能吧，我估(戴定頭盔)。

當年一代的TVCM，畫面為當期時的業界標竿

[YoutubeHD]ccWrbGEFgI8[/YoutubeHD]

---

8.5

本世代主機亦即是電子遊戲第七代主機隨住當年XBOX360在2005年尾推出正式將高清遊戲帶到玩家的生活當中。近9年來不論是PS3, X360還是老任的Wii都帶俾玩家唔同的歡樂還有不少叫人津津樂道的經典之作。但講到屬於本世代的第一款標竿性作品，如果話係由Epic Games所開發的《戰爭機器》(Gears of War)，相信冇人有異議。該作品在2006年首次發售，其幾可亂真的高品質畫面，及高完成度的掩護射擊系統都對業界有著巨大影響力。時至今日GEOW系列已經推出了四部作品，在"御三家"都先後推出次世代主機後，這款XBOX獨佔大作究竟會以點樣嘅形式回歸亦都係玩家最為關注的。特別係當微軟在今年年初購入GEOW版權並將該作品交由旗下的Black Tusk studio負責嘅時候...

或者外傳作品《Judgement》嘅出現，令唔少人都領略到同一種gameplay，交比唔同人手上都會有明顯嘅優劣之分。最近，同樣關心該系列未來的Polygon就對Black Tusk的製作人Rod Fergusson做咗個訪問，當中了解到Black Tusk對於GEOW有著雄心壯志。Rod表示工作室必須證明自己對得住這個3A級王牌系列，並有能力在改變遊戲之前，先確保系列的核心沒有絲毫偏移: "以往有好多人想複製我們(戰爭機器系列)，不過沒有人成功。例如GEOW的掩護系統中的流暢度，勁度及重量等等所塑造出來的代入感到現時為止我都未曾在其他遊戲中體驗過。"

既然微軟仲未正式公佈《戰爭機器》新作，Rod亦唔方便透露太多，不過對於下一集的故事，Rod指出系列前作在時間線上留下了巨大的空隙以及好多未解開的迷團: "的確有好多可塑空間，例如E-day事件，鐘擺戰爭(詳見小說)等等。"其後表示: "但我唔肯定這是否我們應該去探討的故事，我相信我們還有其他東西想去表達。"

Rod Fergusson是系列1,2集的執行製作人，還有第3集的製作總監，論經驗不會比另起爐灶的GEOW之父Cliff B要少，話佢係系列第二把手亦唔算誇張。不過基於微軟出年主打《HALO 5》還有開發過《Max Payne》及《Alan Wake》工作室Remedy的新作《Quantum Break》，下一部戰爭機器好大機會要到2016年先可以再戰獸人。

bloodkid

呢隻 game 最成功之處是 multiplay
第一集咁成功係因為爽快
可惜一代不如一代
移植,仲有人玩嗎?

momolee

bloodkid 發表於 2014-10-17 16:32
呢隻 game 最成功之處是 multiplay
第一集咁成功係因為爽快
可惜一代不如一代

無錯最好玩係第一代, 特別係對戰個PART
個陣時夜晚一機就有50 - 60 個人玩緊對戰,可以話盛極一時,如果佢重新做過第一隻, 我覺得都有唔少人玩番, 我一定玩!
但隨著GEARS OF WARS 既沒落, 連XBOX 360 個勢都差埋 ,依部XBOX ONE 更加危危地...

點都好, GEARS OF WARS 第一集絕對係我近十年最好玩既一隻CONSOLE GAME
另外一隻就係THE LAST OF US

佢地兩者成功之處都係各自有一個創新而做得好好既操作系統同好靚晝質(以當時計)

bloodkid

momolee 發表於 2014-10-17 20:55
無錯最好玩係第一代, 特別係對戰個PART
個陣時夜晚一機就有50 - 60 個人玩緊對戰,可以話盛極一 ...

當年晚晚打對戰打到唔捨得訓
friend list 上面既朋友都係晚晚打
個個都打到熟哂
對面死剩最後一個就會俾人打低唔殺住
玩插煙,雞姦
打完一場好快去到下一場
第二集佢做過個 lobby
打完一場要出返去再 load
冇哂爽快感

momolee

bloodkid 發表於 2014-10-17 23:47
當年晚晚打對戰打到唔捨得訓
friend list 上面既朋友都係晚晚打
個個都打到熟哂

第二集個對戰我放棄左，太廢
第三集個對戰又好番d,不過始終去唔番第一集高峰。。。

@肥狗仔@

《戰爭機器》第一集嘅成功其實集結天時地利人和所致。一黎隻game推出的目的並唔單純，與虛幻競技場一樣Gears of War的出現好大程度係為EPIC GAMES宣傳Unreal Engine 3，既然係要賣花讚花香，咁畫面必須要有一定水平。要知道X360在顯存部份係因為EPIC的建議微軟先起用512mb RAM，可見EPIC在X360開發期已經對該主機有一定認識及研究。X360推出初期，高清電視遠未普及。而且2006年之前的日本及歐美技術仍未有太大差距，所以當好似《Dead Rising》哩啲日系大作推出之後，只係短短幾個月一款真正稱得上次世代畫面的遊戲橫空出世，整個業界及玩家都被其所吸引。哩個係背景因素。

之後係佢本身個marketing，記得製作人都講過，《戰爭機器》1代開發果陣嘅目標唔係要打造一款原創新遊戲，而係希望打造出一個品牌。你睇佢個title"Gears of War"除咗有個名，背後仲有個紅色的獸人logo，再睇吓遊戲入面的獸人﹑ 電鋸槍﹑ 黎明之鎚﹑機械弓﹑ 夜行蝠﹑ 巨龍獸﹑  狂暴女獸人都叫人過目不忘，我已經好耐冇見過一款遊戲入面會出現咁多象徵性的元素，仲要係一款射擊遊戲。其實之後Crytek都嘗試以《Crysis》來宣傳遊戲引擎及製造品牌效應，但這方面佢地明顯未夠班，除咗畫面實在冇咩噏得出口的特色。

遊戲設計方面其實係重點，GEOW出現之前，第三身射擊其實唔係主流射擊遊戲。時至今日GEOW個系統仍然未被超越因為遊戲入面無論係掩護系統，射擊手感或者係RB快速填充等設計都非常獨特與成熟，節奏上及重量感至今冇人可以模仿成功，例如GEOW1代推出打後第二年PS3的Uncharted就推出，該遊戲的射擊系統同樣引入掩護射擊，但卻要到2代先至大放異彩，反映Uncharted的側重點在於場景設計，而更重要係反映到同一套系統唔係照抄就可以，《戰爭機器》系列可以賣上千幾萬套靠的並唔單止係畫面及宣傳，佢由操作到系統再到美工配樂都配合得接近天衣無縫。

第一集亦係個人最喜歡的一集，其實哩集相對後兩作最特別之處係佢幾乎可以被視為一款驚慄遊戲，入面好多場景及氣氛都異常恐怖神秘，這點配合上獸人大軍的背景其實非常之match。特別係遊戲入面的女獸人，螢光族，夜行蝙關卡本身就已經係如同恐怖game怪物的存在。而第2第3集，系統差不多，但2代已經變咗打杖，而第3集個背景其實可以做成類似《The Last of Us》果種後啟示錄的風格，可惜Epic卻用返2代的套路，但故事規模就大打折扣，出黎嘅效果真心兩頭唔到岸，驚慄肯定冇，但大型戰事亦唔見有。

BTW 若果佢今次要重製/高清化的話個人真係希望微軟可以加返PC版巨龍獸章節入去。

@肥狗仔@

momolee 發表於 2014-10-18 00:17
第二集個對戰我放棄左，太廢
第三集個對戰又好番d,不過始終去唔番第一集高峰。。。 ...

Multiplay係第一集叫做唔錯，查實第一集個多人對戰唔係咁平衡的，但節奏上卻比較明快。之後2代及3代大執咗，反而冇咁爽快，我都係玩持久戰多。

inagawa

@肥狗仔@ 發表於 2014-10-18 02:37
Multiplay係第一集叫做唔錯，查實第一集個多人對戰唔係咁平衡的，但節奏上卻比較明快。之後2代及3代大執 ...

一至3集都係神作。 一集受歡迎因 剛出360同 個時無咩 好玩既online play 對手。

個時我同時入左 gow 同 cod 3. 要識左班朋友先日玩夜玩gow.

二三集 online play 平衡番,無咁屈機。cod mw 抬頭搶左一班客。

但以tps online play 黎講 真係封神
(Post76 Android 手機版送出)

@肥狗仔@

inagawa 發表於 2014-10-18 11:49
一至3集都係神作。 一集受歡迎因 剛出360同 個時無咩 好玩既online play 對手。

個時我同時入左 gow 同  ...

長遠黎講佢一定要平衡返，哩個係大作永恆定律。就算係Uncharted，第二三集整體難度都唔及1代，要吸引新玩家門檻就唔可以咁高。試唸下新手第一次玩Gears多人對戰，一入去全世界人用哂散彈同狙，而自己就用支普通步槍走去突突突，每15秒死一次，幾冇癮。

不過哩個系列我始終覺得單機先係精髓。特別愈後嘅續作，COOP/持久戰的樂趣比對戰要吸引。第三集應該係最平衡果集，不過果陣又有HALO，又有COD同BF。我都冇咩點深入去玩喇。

@肥狗仔@

出年係X360的十周年，其實都有機的...三部曲合集。