呢隻碟其實小瑟第二日出時已經專登去大眾書局入手, 亦都去過好幾間旺角細鋪都搵唔到, 起初仲以為未出, 又或者會唔會咁誇比人買哂, 最後係大眾問先找到隻出來, 不過隻碟既封面又冇寫係DVD定BR版本, 所以不始下問之下原來手上係DVD版本, 即時叫同事幫幫手問有冇BR版, 終於用$265入手, 好耐等碟買得咁餓, 事緣係電台聽"快的哀艷"已經同自己講, 呢隻碟一定一定要買, 再係佢地FB得知會有BR跟埋, 係咩都未知既情況下, 已經決定入手, 終於都買左返來!!!!
 先講CD方面
老實講, 咁多年來, 小瑟都冇聽佢地既歌, 縱然佢地之前都有好多正歌, 但就係通唔到電, 但今次呢隻《冬 未了》, 唔止係通電, 直頭係小瑟入哂骨, 誠意推介, 入面有成15首歌(雖然有三CUT係空白休息位), 小瑟可以講, 15首有10首可以做主打歌, "痛快的哀艷" 唔洗講一定係必聽, 但聽得多都悶, 不過唔洗擔心, 一路落都有好野, "對殺人狂指控", "地平線", 比較偏風小小, 不過都係值得一聽的, 去到 "我們不懂", 呢首歌好正, 音樂意境, 青峰獨有演繹聲線, 佢唱呢首歌D尾音好正好正, 好舒服, 另到小瑟不其然好想好想跟埋一齊唱埋(雖然我D國語真係爛到不得了, 但都照跟佢個音一同唱, 而老實講, 起初我真係唔知歌詞講咩的, 因為聽唔明丫麻 ), 同埋我好想講, 佢地D歌去到中段一變奏果下真係好正好正, 我唔識形容果種將你既思潮拉起的一下感覺, 亦都因為加入左德國管弦樂團的合作, 係音樂的豐富性同編曲之緊密性都有好完美的表現, 小瑟夠膽講, 呢隻冬未了會係2015年華語音樂界的一隻經典作品呢!!!! 唯一美中不足的就係個錄音未去到發燒級/靚聲的水平, 如果可以將錄音水平提升就真係太好太好了......
再講藍光碟
呢隻藍光畫面上比較粗糙, 多NOSIE的, 小瑟估計可能是特地用呢種處理方法的, 因為係Youtube上睇佢地既MV就冇呢個問題既, 而整個BR碟內有齊哂佢地大碟中所有歌曲的, 做到就好似即場LIVE錄音比大家咁, 但當CD同BR分別聽過就知唔係的, 不過咁仲好, 咁可以聽到青峰同團員們的即場表演(佢地岩岩係台灣蛋蛋開完呢個碟既SHOW, 好想香港都有得聽呀!!!! )同埋德國管弦樂團的表演, 而去到某D歌曲位置, 佢地就會講下點解會有呢首歌的出現, 同埋同德國樂團合作的一點點心情, 有小小似記錄形式的, 就係因為咁, 所以小瑟會更了解佢地同更了解呢張專輯是如何由構思到出世的過程. 最後最後, 大家一定要睇埋最後的特別收錄, 因為真係........好正呀!!!!!!!
講到呢度其實我只係講左三分之一既內容, 仲有三分二其實都真係好想同大家分享, 不過再講好似好長氣咁, 不如就同大家推介呢隻碟必聽既曲目先啦!!!
※※※※※ 滿分
1.痛快的哀艷 (※※※※※一定搶耳, 爆正）
2.對殺人狂指控（※※※）
3.地平線（※※※）
4.___
5.我們不懂（※※※※※）
6.博物館（※※※）
7.回車諾比的夢（※※※※ 呢首一定要睇藍光先知點解有４※的）
8.___
9.下雨的夜晚（※※※※ 比較大路）
10.他舉起右手點名（※※※※※ 藍光碟內，樂團樂手說呢首佢地玩得過過引，一個字＂爽＂呀）
11.Everyone（※※※※ 意境一流）
12.___
13.牆外的風景(※※※※ 又係果句, 變奏果PART好正!!)
14.未了(※※※※)
15.Must Keep Singing(※※※)
|
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2015-12-15 10:08
發表於 2015-12-15 10:44
樓主
