<第五天劫> - 一套百無既災難+科幻片 (含丁點兒劇透)

SonSon

早前睇預告片................嘩正呀, 有天災又有科幻, 兩者加埋正合我意 . 一路睇住幾時有預售或有優先場咁, 點知冇乜聲氣. 算....上畫再睇心中首既海運...............唉..............無Atmos版, 再睇原來呢套係冇IMAX冇3D冇Atmos既原味版, 當時已覺有D暗湧 , 以今時今日既大片邊有可能得普通2D版?? 最後比面女主角Chloe同老婆(佢指定要入場)博一博啦

首先千奇咪遲入場, 因為要睇既頭20分鐘已有晒, 之但係第一劫黑暗冇電...........原來預告片你已睇咗 , 第二劫大規模破壞..........如果同加州大地震特技比較, sorry..............海嘯個一兩幕特技仍停留係12年前既The Day after Tomorrow明日之後 , 第三劫傳染病...........唔係嘛又係得預告片個幕, 比D爛口爛面既化妝都冇 , 第四劫侵略...............噢其中一幕我以為自己玩緊House of The Dead , 至於第五劫重搞嘢，係乜...........自己入場搵答案啦

全片差不多兩粒鐘, 唔好以為係第一章會詳細交待人物關係, 外星人點解會搞D乜乜劫點解會黎地球搞搞陣等, 因為Chloe會好似先知咁一一用旁白解釋晒 , 到散場時重未知外星人係乜樣點解要係地球搞場大龍鳳, 直情可向當年套Skyline天凶之城致敬 . 劇情反駁度滿分, 中段森林一幕冇啦啦玩愛情片玩情竇初開, 外星間諜三言兩語解釋晒動機同點解要變節, Chloe身為中學生但如有神助既身手可KO件外星旦散, 完全唔明點解外星間諜身手咁掂但原裝正版不堪一擊 , 外星間諜憑一人之力一方面要跟蹤Chloe又要花時間放置炸彈炸晒成個基地又唔會比人發現............一個字勁呀 , Chloe得10分鐘時間搵細路, 但係就花咗幾分鐘係度卿卿我我同咀咀行先, 明明主角兩人著緊唔同色軍服, 但混入清一色藍色軍服時冇比企係兩邊既人發現之餘重可施施然由後門逃走 . 坦白講如果動作特技連場還可以遮醜, 但呢套第五天劫直情好似係冇budget拍咁, 未睇過原註小說, 如果小說都係咁既話, 第二及第三部曲唔駛再預我了 , 又再一次證明一條成功既預告片係足可以呃到我呢類小市民買飛入場, 咁就冇咗百六蚊 .
(Post76 Android 手機版送出)

粗人敵卡

真係咁爛
好彩無睇

Nolan

SonSon has long not been writing movie reviews, I never thought you would start writing again!

ctmk

CHING幫大家慳$, 真偉大

alleelarry

無做會員嗎？無得折既！

SonSon

粗人敵卡 發表於 2016-1-17 19:19
真係咁爛
好彩無睇

但呢套爛得黎好有娛樂性
(Post76 Android 手機版送出)

SonSon

Nolan 發表於 2016-1-17 19:58
SonSon has long not been writing movie reviews, I never thought you would start writing again!

依家少去戲院，加上文筆唔係咁好，吹吓水就得
(Post76 Android 手機版送出)

SonSon

alleelarry 發表於 2016-1-18 00:07
無做會員嗎？無得折既！

都唔係UA Fans
(Post76 Android 手機版送出)

SonSon

ctmk 發表於 2016-1-17 20:49
CHING幫大家慳$, 真偉大

爛得黎一路睇一路笑一路鬧都唔錯㗎
(Post76 Android 手機版送出)

alleelarry

SonSon 發表於 2016-1-18 10:27
都唔係UA Fans
(Post76 Android 手機版送出)

呢期入會平左，即比90元，送多左300分就有成1500分，可以係屯門UA既時兌換兩張戲票，到生日個個月又多一張，仲有2元汽水劵，點計都平過淨比160元啊！