WSC 黑騎士 Vatshu The Black Knight 五星物語製作進度

大佬John · 發表於 2016-2-21 01:58

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由大佬John 於 2016-2-21 02:15 編輯

呢排睇多左AOA果D韓妹, 單手砌砌下就諗多左野
研究企pose,股位脊骨,手臂線條, 亦係砌完Gastness Temple之後感想
WSC D股位, 膝同腳眼都係freepose, 有時見set反膝過份
以下探討何謂"S"立, 純綷自己搜集見解, 會同坊間既觀念離地, 只係我係咁睇法。友人質疑:個個廿幾年都係咁砌, 係得你唔同, 唔通你叻D?! 其實我係諗住細個果時行入機舖, 睇人出升龍拳, 係則邊睇住學, 見佢隻手向後咁打圈, 同學之間就開始傳 '向後打細圈' 既秘技。因為個個都盲摸摸, 自然要多撞板先會出到一次升龍拳。
如果有人話俾班小學雞知, 其實個指令係 ↓\→ ↓\→ 拳, 咁人人有普練功咪好快學成呢囉。
依我觀察, 改高達有一種凸 jer jer既"S"立
從下圖可見, 盤骨或褲頭水平向後斜, 脊骨變成肧胎咁捲起

從時裝角度, 著高踭鞋既作用, 係令蘿pat翹起, 脊骨變得更S形。
最左邊係平底鞋, 中間著左高踭鞋, 盤骨水平向前斜落, 蘿pat翹起, 凸肚, 肩拉後(紫色線), 並冇凸 jer之效, 盤骨水平亦冇向後斜。
右邊我加左上面nu高達果種盤骨向後斜(紅線)的縮肚凸 jer jer pose, 脊骨變成肧胎咁樣捲起。

觀察林浩己figures同眾多女囡, 可見女體除左以上提到的翹蘿柚, 凸肚, 肩拉後之外, 膝頭有少反屈, 大腿前面線條是15至20度的斜線(春麗可能會勁D), 呢樣我理解成五星反膝在視覺上既功能。純綷o係網上先量化咁講幾多度。(睇咁多女都係白睇啦)

我件Gastness同黑騎只係反膝15-20度, 見肩,肚,蘿柚,大腿 D線條都OK唿合。(由膊頭至腳眼,不計頭同腳掌)

股位移前既用意, 幾乎肯肯定, 係為左將腹部比堅尼位同大腿前連成一線, 麻甩Hard Gay的凸 jer jer不是主調。綠色線已經係S字, 不用將對腳猛抽後。

常見為左拗多D曲線, 反膝腳抽後多D令到佢多D凸 jer。
大腿成30度的例子,視覺上似凸 jer多過似凸肚, 翹蘿柚線條被中和抵消。而且角度突然, 似"Z"字多過"S"字。

WSC多厚身立體不能格硬拗大S字, 反膝太多又會矮左, 尤其WSC正常長度沒有過份長腳。
左圖可見上身至股位長度一樣時, 對腳長度可以差咁遠

用類似cranial units既方法, 將拳頭至膊頭分成4個圈圈, 不計手指。正常比例, 條腳應該有6個圈圈。
左邊既Gastness反膝30度頂前股腳抽後, 腳只得5個圈, 矮左足足1個圈。
右邊係我既, 有6個圈, 就算高炒都唔會矮好多。

腳抽後又會令到裙尾黐住對腳, 見唔到翹蘿柚, 比較下圖粉紅色空間和大腿角度。

入正題, Set 黑騎腳

通常的手臂硬直

呢幾part好多時見推貼晒黎set, 就會似打石膏

針對硬直線條搞搞佢

隙位用曲手optional part磨細改入去

腳腕移開, 喇叭腳順返D冇咁突然

校對稱

後面棟起塊cutting mat, 用上面D格仔睇對稱

呢個pose係set左十次左右先接近滿意

個盾舉出膊頭甲以外, 向下少少, 但拳頭曲上, 如果拳頭曲入就會好似好用力咁舉個盾(攰look)。盾太貼身又怕似只顧防守唔進攻咁(turtling)

開窿之後, 用顏色印去另一邊

入兩條銅支, 平行, 分開少少

另一邊刨鬆佢 (一邊緊, 另一邊鬆)

CA膠同AB膠, 建議用軟身D(圖中呢隻有D硬), 或原子灰

滴CA膠(少少)入去, 茶個窿內壁, 再塞入AB膠/ 原子灰, 之後印落去另一邊, 等乾

膊頭, 胸下面呢D罅

搓一條幼長epoxy

茶CA膠o係條邊度, 圍上去

另一邊茶爽身粉, 之後印落去

等硬

係咁易修下之後

高低級分模線

要填左佢先, 唔可以就咁削

背脊呢兩塊, 就咁set會唔對稱

攪一攪

其他對稱/平衡

腳掌再set過改善貼地/鬆(唔駛橡筋), 結果膝股等要set過晒, 依家結構受力位都好實.
另外上左甲之後, 將對手臂貼近身DD。改善之前睇落太橫, 令到個頭睇落好窄等問題, 不過側身冇咁型仔。
新舊對比(左係新), 會將個盾轉去側面少少, 至到正面見到整條手臂內側線條, 由格肋底至手指公, 同時露出成套裙甲, 唔會摭左一角。