Cheer's Track-009：夏天蒙太奇
終於收到。
期唔期待？好似又唔算好期待。
但都好順手就撳咗兩隻，我都唔知點解。
餓得太耐？唔係吖，Track-009已經出過，之前都買咗，今次只係再版設計，重新包裝，歌曲內容完全一樣，可能呢啲就係信仰。
不過噉：
官方話：此版本為《夏天》的改版，如果你已經擁有了《夏天》，或許你不會需要《夏天蒙太奇》。
其實不然。
首先由 Cheerego 改為 Cheerhave 出版。
封面設計比第一版更切合夏天，打開碟後一睇就見到誠意，除咗一樣有唔捨得貼嘅貼紙，連貼紙款式都換埋，圖案碟都係全新設計，重新印刷，歌詞拉頁仲加上英文翻譯歌詞，歌詞部分都由“四十五歲”改到“四十八歲”，更更更有誠意嘅係，連唱歌部分都改埋，根本就係一隻新錄嘅更新版，而音壓明顯比《夏天》大。
平常人可能唔明，呢隻根本就係一隻新碟。
話明單曲，全碟得一首歌，招牌式嘅一支結他、一把靚聲，但聲音有啲脆弱，自傳式嘅歌詞，由十九歲寫到四十八歲（第一版係四十五歲），好多經歷，好觸動，當然故事仲未完，結尾一句：終於來到今年的夏天。恍惚係等緊今日嘅蒞臨，而故事只係啱啱先開始。
相隔五年都未出專輯，唔係佢慢，或者真係呢個世界太快⋯⋯
上一隻 Track-009《夏天》
頁:
[1]