LG OLED E6 終於等到你 （簡短報告26樓）

sharkpigyu

keke323 發表於 2016-9-25 13:52
幾時開苞

已開了 測試中

jason1969

LG OLED HDR 65" 恭喜有$真開心

sharkpigyu

Versa 發表於 2016-9-25 15:37
羨慕
試下download 4k demo試機，好多都好靚，有一段仲係維港景
http://demo-uhd3d.com/categorie ...

多謝Versa兄推介 真係好正呢部電視 同我之前個部差太遠啦！

sharkpigyu

jason1969 發表於 2016-9-26 10:03
LG OLED HDR 65"  恭喜有$真開心

多謝精神兄加分!

jason1969

sharkpigyu 發表於 2016-9-26 16:00
多謝精神兄加分!

下一個Target OPPO UHD player 205

sharkpigyu

簡短不專業報告：我只可以講呢部e6有買貴 無買錯 無倫立體感 色水 黑位 外型 設計 遠遠超出我部Sony x9000a 除左個浮磁喇叭 好過LG個Harman Kardon幾多下 x9000a個喇叭真係做得好好 無論中高低音 每樣都有啲 完全唔似電視喇叭！e6感覺低音差啲 我都幾重視電視喇叭質素 因為我睇電視係唔會開amp！

講黑位 以前部x9000a因爲有少少漏光 所以當睇演唱會 Batman呢啲黑位比較多嘅碟時 硬係有少少唔順眼 而家完全無呢個問題 oled真係太正啦 而家睇到好多以前睇唔到嘅野 好似演唱會觀眾個樣 以前係一pat野 又好似Batman身後座大廈同垃圾桶外型輪廓 而家一一睇得比以前清楚好多！輪黑位 e6實在太出色啦！

至於顏色 經過自己不專業調教後 尚算濃淡適中 跟機setting實在太sharp太光啦 如果用佢個standard mode睇電視劇 我相信應該頂唔到一節！至於細緻度一絕 以前睇演唱會啲乾冰煙 只會睇到一渣煙 而家係睇到有層次落差嘅煙！

呢部e6立體感超強 電影主角非常活靈活現 我相信因為黑位做得好 從而令到戲中主角更加突出！

E6外型本人非常喜歡 簡直好似藝術品一樣 背後塊玻璃簡直又係一絕 部電視非常之薄 好利害！不過相對安裝係牆身時真的要加倍小心 因為你一失手 就可以講拜拜 所以我建議新手唔好慳嗰個安裝費 呢部電視都係交比啲專業師傅安裝會穩陣好多！LG師傅上來幫我check機時非常專業 亦非常有耐性 呢個係我萬萬估計不到 每check一個組件 每次都叫我慢慢睇清楚 尢其check屏幕同背後玻璃 非常有耐性叫我睇清楚啲 我每check完一樣野 師傅都會用電話影低做證據 至於講解部機功能時亦非常詳盡 唔介意你重覆問多次 呢個師傅真係要俾個讚佢！

講左甘多優點 都講下缺點先 就係個內置系統webos 用一陣問題不大 用耐左 好似電腦唔夠RAM甘 越用越慢 好明顯部e6主力唔係擺係呢個system度！

以上就係我用左兩日自我感覺良好嘅報告 呢一刻我非常滿意e6嘅表現 尤其黑位嘅表現係lcd比唔到你！至於3D，HDR功能 我還未試得好清楚 如果有機會 希望再同大家分享！

sharkpigyu

jason1969 發表於 2016-9-26 16:17
下一個Target OPPO UHD player 205

呢部都係target之一 不過又想等下Pioneer

jason1969

sharkpigyu 發表於 2016-9-26 17:38
簡短不專業報告：我只可以講呢部e6有買貴 無買錯 無倫立體感 色水 黑位 外型 設計 遠遠超出我部Sony x9000a ...

你套嘢 太幸福啦

ming415

㳟喜師兄~

jason1969

sharkpigyu 發表於 2016-9-26 17:42
呢部都係target之一 不過又想等下Pioneer

比較下都好