用平凡手法拍攝出懾人驚魄的好電影——挪威的The Innocents

龍無忌@FB

#無辜者 #我覺得應該譯做稚者或稚童
#TheInnocents
#很久沒看過這麼好的驚慄電影
033/2022

實在太驚人了！我絕對推薦你看這電影！
無論係呢部電影嘅劇情，抑或係呢部電影嘅風格同手法，都實在令人佩服！
想不到驚慄電影是可以這樣拍的，終於明白什麼叫不寒而慄！

電影製作一切都來得平淡平凡，不用多餘特技，無需勁量音效，沒有驚心動魄動作，更加冇爆炸場面⋯⋯咁有咩好睇呢？
答案係絕佳的故事情節氣氛來懾人心魄！

我係相信人之初性本惡，唔使問人，因為我自己都係，只係因為有惻隱之心和受了教育才會慢慢變善良。稚童如是，有佢自己嘅黑暗一面，會頑皮地搗蛋做一些壞事惡事。

電影講四個同區小孩分別發現自己有超自然能力，一個是弱智的，一個皮膚有白蝕，她倆都心地善良；另兩個都係正常小孩，但一個壞，另一個由壞然後有惻隱之心而從良。故事就講佢哋正邪鬥法保護社區。

如果係荷里活一定會將佢哋變成英雄片打到石破天驚，但係呢部電影反傳統地有創意地以平實嘅劇情片作基礎，將故事娓娓道來，但看得人心驚膽戰，所以十分佩服編導對觀眾嘅心理拿揑。

這部非常好看的電影叫《無辜者》（The Innocents, 2021) ，來自挪威，編劇和導演同是Eskil Vogt。代表挪威入選奧斯卡最佳國際電影15強的《世界上最爛的人》（The Worst Person In The World, 2021)，正是他的劇本。

不劇透，請花少少時間看好頭45分鐘，你會慢慢習慣然後覺得趣味盎然兼心理恐懼。

極度推薦九分片！