會後討論: KEF 全方位體驗串流Wireless音響工作坊(#更新報導)

小瑟

昨天活動我哋用咗一個全新嘅方法，讓大家可以試到呢一對全功能嘅喇叭音響系統。過程中其實每一場只得一小時30分比較緊張。我都好想知道大家對於今次嘅活動有什麼意見！歡迎大家喺度留言話畀我知啦！

剛於 3 月頭我們就與 KEF 在中環 KEF Music Gallery（KMG）一連舉辦了兩場「KEF 全方位體驗 - 串流 Wireless 音響工作坊 」活動！今次焦點除了可清晰體驗最新推出 KEF LSX II LT 實際表現，同場更可感受到 KC92 及 Kube MIE系列最新超重低音震撼效果！比較有特色的是今次核心體驗活動會分爲三大區域進行，分別針對串流播放方案、蝸居睇戲體驗以及KEF Connect App實際應用效果！

jimmy

我本身係LSX一代用家,聽歌睇戲其實都已經幾滿意！參加目的係想試吓加左Sub仔有咩效果！今次嘅講座真係全面咁試到LSX II LT嘅功力,加左sub仔睇戲效果明顯！我都見到即場有會員入手！我諗如果測試時段加多少少時間就更加好

wil-wil

類次分組試嘅 Workshop，76 其實都搞唔少，電視、音響、耳機，乜都玩過，但係 KEF 嘅場最正有好多開放式場境似家居感覺，亦有個大房可以好多人一齊想點爆都得，今時今日香港要有呢啲場，基於商業考慮，好多廠商或代理都唔會做!! KEF 係少有其中一個仲肯投放資源 ~~ 其中原因係老板都係音響發燒友，真正知大家所需!!

講返搞 Workshop ，每次都總會有一啲問題要解決，而呢次係開放式場境係試音響上要做到比大家試到之餘，又唔好互相影響到 ... 唔係話今次完美到無影響，但就希望盡量減到最少!! 而且小瑟分享及試玩部份亦要就到唔好太長，內容太深等 ~ 大家都知要聽大王分享，真係可以好似睇演唱會咁，每場幾個鐘，做成個月巡迴佢都仲可以講唔完咁!! 如果咁搞嘅話，其他位置會員就有排等!!



今轉活動看似幾個場區無乜野，even 拍片如何同步三個區發生緊都要記錄到，之後活動記錄片點呈現出黎都要度好，所以今轉活動花嘅心機同時絕對不少!! 好彩 KEF 非常配合我地諗法，知我地都好想係玩家、音樂同好、對影音要求嘅朋友角度出法，買到佢地真正所需，所以我地記有串流嘅基本知識分享，亦會有比對部份，等大家親身試到個人感受，亦有睇片炸機配合開閂 Subwoofer，等不同喜好都知部 LT 本身低音部份都讓大家清晰，就連新開對喇叭點簡單接到 App，有乜野比用家調校到都有 cover ~ 咁豐富內容，因此 KEF 除左 Music Gallery 同事出場，連帶 KEF 係 office 甚少企到咁前嘅同事都黎埋幫手!! 細心一諗，今轉活動 KEF + Post76 原黎都有 14 人 。



今轉最正係唔同年齡群嘅人都有，最重要女士都有唔少 ~ 講緊唔係話同老公一齊黎，係獨自一位或與同樣女性朋友黎參加個種 ~ 仲要係想玩好串流嘅而成為 76 會員報名參加!! 如果講比例上單獨女士因自己喜好黎報名參加 76 活動，今轉算好多女士報名參加，同樣抱埋 BB 黎撐老公參加都有，仲要 BB 咸呢位太太怕阻到我地，自己獨自帶 BB 落留下，等老公繼續慢慢試，真係好感動!!

今次活動亦証明現在玩音響再唔係只有男士玩意，而黎嘅女土及後生嘅對 Hi-Res 音樂 或 音響都有一定認識，就算入門嘅，不論男女或後生嘅都有一共通點，就係對生活與享樂有一定要求!! 希望往後再搞多啲類似入門或中階程度嘅 workshop，吸引到更多想玩敢行出黎試嘅朋友，所以今轉無論有無黎到或之後睇片先知有呢個活動，甚或當刻先認識我地 76，都可以係到留言比我地講下感受或你想我地再搞乜野活動，我地都會設法達成!

chuen100

一直都有用開KEF product ，係串流喇叭方面由X300a wireless、LSX 及 LSXII 都用過，到今次 Post76 舉辦 LSXII LT 串流 Wireless 音響工作坊 ，有機會可以試到由聽歌睇戲再加上Subwoofer 分別，再加上職員細心解釋 KEF Connect app 使用方法，可以更了解怎樣調教自己喜愛聲音，如果音樂測試方面，可以試多幾種高清格式音樂就更能夠聽得到LSXII LT 靚聲效果。

再次感謝小瑟師兄同Post76 一眾有份幫忙師兄師姐及KEF 工作人員舉辦今次音響工作坊！

小瑟

chuen100 發表於 2024-3-4 00:47
一直都有用開KEF product ，係串流喇叭方面由X300a wireless、LSX 及 LSXII 都用過，到今次 Post76 舉辦 LS ...

多謝你的意見，我都想播多小小歌比大家聽。希望下次度到個玩法係可以聽多D歌比大家試真D！

另外如果想再約時間去KEF KMG/尖沙咀海港城聽既版友們，記得話出席過我地 Post76 既活動呀！！😁😁😁🧧

小瑟

🎉活動報導 : KEF LSX II LT 全方位體驗 : 聽歌、睇戲、輕鬆串流Wireless音響工作坊！

剛於 3 月頭我們就與 KEF 在中環 KEF Music Gallery（KMG）一連舉辦了兩場「KEF 全方位體驗 - 串流 Wireless 音響工作坊 」活動！今次焦點除了可清晰體驗最新推出 KEF LSX II LT 實際表現，同場更可感受到 KC92 及 Kube MIE系列最新超重低音震撼效果！比較有特色的是今次核心體驗活動會分爲三大區域進行，分別針對串流播放方案、蝸居睇戲體驗以及KEF Connect App實際應用效果！

💥詳細報導 : https://news.post76.hk/2024/03/kef-lsx-ii-lt-user-event/