《美人魚》•史提芬周好嘢 (少量劇透)

bellyjerry

賀歲片第二撃,剛剛散場,感覺上非常良好,故事內容就不詳細介紹喇,有興趣嘅師兄就search search啦
睇完第一個感覺係不得不承認周星馳真係唔係一個正常人,呢套戲個故事其實相當簡單,說穿了其實係一部以特技包裝嘅愛情片,再加入少少環保元素,但能夠拍到有聲有色真係一啲都唔容易,節奏一如之前套《西遊》般明快,亦都睇得出星爺駕馭故事嘅能力相當高,有部分橋段同對白重間唔中滲入自己以往電影嘅影子,臨尾一段重隱約地有少少《西遊記》嗰份情懷,能夠破舊立新,真係要嗌番句:食神好嘢!!!!
特技場面方面如果以華語電影水平嚟計已經收貨有餘,不論係美人魚嘅動作,身型,打鬥場面都做得唔錯,抵讚!
演員方面男主角鄧超表現出眾,無論是早段嘅有錢佬氣焰,寸,為富不仁,為求目的不擇手段,或者到尾段同女主角談情後嘅轉變,去救女主角嘅深情,都表現得出色,唔怪得連星爺都讚到佢不得了. 至於新一代星女郎林允,以第一套電影嘅表現嚟計已經合格有餘,氣質清新純樸,夠靚女,攪笑,喊戲都表現出色,真係大把前途呀!主角以外就連配角(張雨綺,小豬),綠葉都有表現,值得加許.加上睇番製作特輯成班演員都係喺舊年冬天拍,天寒地凍之下拍落水戲,真係隔住個Mon都feel到凍呀,值得加分!
最後總括一句呢套作為賀歲片有齊晒所有商業元素,演員表現出色,作為星爺嘅導演作品絕對值得入場支持呀!

kenlaw1228

好睇過賭城多多聲

bellyjerry

kenlaw1228 發表於 2016-2-9 16:24
好睇過賭城多多聲

贊成!!呢套起碼故事有紋有路,導演拍出一個"情"字,而"賭城3"只係一嚿用2億撘出嚟嘅垃圾

PCM.DSD

今日赤口入場睇左, 是套一貫周星星喜劇式片子, 在十多年前這款電影還會受落; 可惜今時今日仲係用這老手法來拍片真的受不了...多個笑料場景完全笑唔出, 回顧上果套《西遊：降魔篇》反而有點新意; 絕對比今套美人魚好看得多。

mike384

睇左, 故事OK, 手法亦好有周星星味, 不過對於陣[大陸除]始終唔係太慣.
仍然係周星星FORMULA = 小人物去到大舞台, 再加一班騎呢配角, 一齊一嗚驚人.
故事整體流暢, 但不滿都有D:
1. 男女主角毫不吸引...成套戲最有型係趙師傅...
2. 畫面真係唔多得
3. 劇情太有以前周星星的影子, 略嫌冇新意同HARD SELL

Hon

其實星爺家下用返佢以前既笑位用落新戲, 某程度上都係想將我地對佢以前電影上既感覺勾返出黎only, 所以笑位佢照做, 想回顧就感受到, 對第一次接觸既人又有一個嘗試, 唔知叫好定壞.

利申: 我等出碟至睇呢套戲, 我只係從佢對上幾套戲所帶出既感覺做一個結論.

ctmk

今日睇咗, 老細都話收貨
片中對暴發戶頗有批判。有D對白都好精警, 又有屎尿屁, 夠地道
話時話,呀女主角有少少似大S....

PP-HK

呢套我未睇, 之前套西遊悶到震, 對呢套總有點戒心。

PCM.DSD

《美人魚》四天國內票房累計已突破十億元人民幣，刷新華語影史最快破十億紀錄！

好感慨...現在的華語片是拍給內地人看, "香港口味"真係要靠邊站!

Hon

本來話左等出碟至睇, 但見爆場兼其他forum都話唔錯就入場睇下...

一陣開個影評講下先.