《死侍：不死現身》︰血腥開年

粗人敵卡 · 發表於 2016-2-9 22:18

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

呢套戲簡直係今年農曆新年檔期的奇葩，成套電影充斥著對香港人而言係唔多吉利嘅事物，又粗口又死人。但又拍得充滿娛樂性，不失幽默感。

Ryan Reynolds之前係做過狼人外傳裡的Deadpool (Wade Wilson)，對比今次電影，狼人外傳改動相當多，Deadpool喺狼人外傳做得沉沉悶悶，俾小弟嘅印象得好好打，今次《死侍：不死現身》Ryan 做得可以話神采飛揚，性格上相當之囂，不時對著現場觀眾講嘢，最令小弟拍手係開頭以真人示範劇透《127小時》男主角點樣自救。相對Deadpool，其他角色亦做得唔錯，Brianna Hildebrand飾演嘅Warhead與Deadpool互窒，仲有最後決戰形象相當突出。

故事方面，其實算係「英雄救美」不過有少少反傳統，開頭介紹小弟覺得以Marvel電影嚟講，相當突破。開場玩嘢嘅製作人員介紹，沒有先前X-Men於暴力場面上拍得克制，充滿血腥味，對白方面亦寫得好盡，F-Word同Sxxt等於戲中不斷穿插。於打鬥方面拍得有板有眼，Deadpool得到異能後同Ajax對打，另外最後救Deadpool女友拍得相當緊張。文戲拍得叫做OK，之前Deadpool未毀容時如何結識佢嘅最愛小弟覺得好浪漫。

總括而言，Deadpool娛樂性唔錯，主角做得相當抵死，唔怕大吉利是一定要入場睇吓。