匠心獨韻，巨細無遺：Pioneer SE-Master 1

alleelarry

  
前言：
Pioneer SE-Master 1 既定價，比起個人家中既 AV AMP 及 PRE AMP 都要貴，「批文」兩個字講都唔敢講。但人一世物一世，遇到好野又點可以錯過，膽粗粗就問POMA借番屋企玩，除左可以試得真之外，最重要係比埋身邊負責「批文」個位都試試呀嘛……，唔講點解你都明啦（嘩哈哈）！



初探（標準 Hi-Res）：
順道借埋 Pioneer U-05 耳擴，中階級兼接口齊全，遙控可以用來調教「增益」，對於我呢D雜食性既用家來講，非常實用。以三只膠腳支撐起相當厚身既金屬機身，放好了一段時間，膠腳會緊貼平面，要轉位的話得要用點力才可，情況如同還在運作中的老掉牙 Pionner DV−S737 DVD 機一模一樣。



∇ 由於心急試聽，最快既方法就係把手上既 Onkyo DP-X1（按我重溫DP-X1開箱分享），以 USB DAC 接入聽歌，可是 U-05 只支援以 PC / Mac 機環境下才可輸出 DSD 檔。如是者只好試試近日十分愛聽既「THE NEXT GENERATION パトレイバ - オリジナル・サウンドトラック」，早前購於 MORA，雖然規格只有「ハイレゾ｜FLAC｜48.0kHz/24bit」，但錄音相當出色，完勝本土聲稱錄音室原檔。作為 ORIGINAL SOUNDTRACK，使用樂器比率相當高，加埋主題曲（真野恵里菜）及插曲（特車二課整備班合唱部），就成為了這次「初探」既選曲。

• 「プロローグ」：由鼓聲作為引子，「低音」係個人從未聽過，非常之「重」既質感，相當「實淨」，有別於以「重低音」作招徠日系大牌子所比到自己既感覺
  
• 「Highway-section 2」：輕快既音樂使用左大量樂器，亳不吃力「湧」入耳中，充滿力量，十分討好
  
• 「正しい整備員の歌」：一首相當老討既合唱歌，類似「早操」咁邊唱邊跳，純試人聲，感覺自然
  
• 「Ambitious!」：真野恵里菜演繹既主題曲，與一般流行曲無異，女聲甜美，音樂夠哂「澎湃」

初結：起初還以為旗艦級耳機好難推，HEADPHONE AMP 無番咁上下一定無料到，事實係比自己擁有既 AKG Q701 更易推，相同環境下，要開大近一倍音量才有有足夠既音壓。



再探（藍光 2-Channel）：
外國推出既電影藍光，偶爾會原生提供兩聲道，意思是指 DOWNMIX 多聲道成為兩聲道既音軌，效果未必太突出。

∇ 自從 DTS Headphone: X 面世，一直都有個假想，如果用上貴族耳機，效果又會唔會更加正斗呢？於是找來一致認為好聲既《血色莊園》藍光，選播了一段較小對白片段（個人始終覺得 DTS Headphone: X 人聲始終有點假），環境既定位好有感覺，配合埋畫面真係有少少驚。



∇ 兩聲道又點少得試一試同音樂有關既東西，於是找來自己十分喜歡既「天碟」- Eric Clapton Slowhand at 70（按我重溫藍光碟評），選播當中最喜歡的曲目 Tears in Heaven，音場並不闊，反而有點窄，但感覺又相當有趣，自己彷彿變成了 Eric 本人在彈結他，身邊的人不是在伴奏的話就是和唱。



再結：SE-Master 1 通吃不同類型既音樂 / 音效，一個耳機看來就能應付，像我這類雜食者的龐大曲庫。

探究（Native DSD 播放）：
為左探究手上既自家器材，同 SE-Master 1 夾唔夾得黎，Onkyo DP-X1，以 USB DAC 接上 Oppo HA-1，接線用 AudioQuest Forest USB A to B（借人家既仲好耐未還添，哈！），再加埋近期係德發買既 AudioQuest JitterBug；無諗過呢件新玩具，可以咁有效果，將本來既音場推得更加闊；同一個音量下相比，音壓明顯係大少少，或許這就是淨化音源帶來既效果吧！



今次既選曲主要以係 Hdtracks 買既 DSD 檔為主：
∇ Footloose，昔日跳舞電影經典，當中 Footloose 同 Dancing In The Sheet，澎湃有力，濃厚的士高味道


∇ Thriller，King of POP，試左中慢既 Bille Jean 同相對溫柔既 The Girl Is Mine，細節清晰，流行味百份百


探結：音場既廣闊就好似戴住個喇叭係頭到，但同時可以享受到頭戴式 / 入耳式耳機相對聽得多一點細節既特性，兩重口味同時擁有。耳機跟來就只有 6.5mm既非平衡既接線，假如他日有「批文」入手的話，定必要同時入手埋平衡接線，或許 SE-Master 1 既潛力就可以完全釋放。



Conclusion：匠心獨韻，巨細無遺
開放式的 SE-Master 1，戴上頭的確有一點重量，只要調整好左右位置，長時間戴上問題不大；低音實淨，音場廣闊，充滿力量，細緻自然。每一只耳機都係日本以人手打造，絕對配得上「匠」這一個名號，只要認真聽聽，絕對難忘；假如手頭不夠充裕，千萬不要胡亂去試，試左就保證心思思，但又無得買既心情，的確係把自己惡搞。

boy1420

alleelarry兄,先多謝你的好文分享!
我已有Onkyo DP-X1,剛考慮買Pioneer U-05 , 請問Onkyo DP-X1點用USB連接Pioneer U-05?
因我睇網上資料Pioneer U-05 的USB 是 typeB,
另外"可是 U-05 只支援以 PC / Mac 機環境下才可輸出 DSD 檔" , 是否Onkyo DP-X1用USB連到U-05都不能以DSD輸入?
新手乜都唔明,所以好多野要問.....thx  

alleelarry

boy1420 發表於 2016-9-12 14:35
alleelarry兄,先多謝你的好文分享!
我已有Onkyo DP-X1,剛考慮買Pioneer U-05 , 請問Onkyo DP-X1點用USB連接 ...

DP-X1 接入 U-05，基本上要加一條OTG線（即係分享圖中個條白色既物體），咁就可以用到 USB A to B，試過好多方法都係播唔到 DSD 檔，亦了解過 U-05 屬於早期既設計，對 Android 既支援不足就唔太出奇。

但如果真的要用 U-05 聽 DSD 檔，可以考慮以下兩個方案：

• 唔怕煩可以自組草莓電腦
• 簡單D既可以用 Windows 10 平板
  

以上兩重方式既好處係，無左一般電腦既大火牛，對於訊噪方面有一定既優勢。

軟件方面可以用 foobar2000，但設定比較多，想簡單D既可以用日本仔寫既免費軟件，Hysolid Tool，設定都好簡單，安裝及登記後，係唔登入電腦既情況下就可以輸出音樂檔。

有問題即管問，當係交流嘛！

boy1420

唔該alleelarry兄寶貴的意見 , 睇黎都係要買D新款機至得!
thx~

alleelarry

boy1420 發表於 2016-9-12 19:26
唔該alleelarry兄寶貴的意見 , 睇黎都係要買D新款機至得!
thx~

不客氣！

boy1420

alleelarry兄 :
想再清楚再問一問,
Onkyo DP-X1是可以用OTG線連接到U-05 (要唔要特別的設定?) ,
除DSD 檔外播放其他格式是否都冇問題?
因為只是不能播DSD 檔,應該都會考慮買...
thx~

nikfung

年前, 當初有十分高的意慾購買, 但有幸在年初能一睹真身..............評語是"好膠、好普通".....這評語可能對MIJ粉造成傷害(但本人正是MIJ粉)....那個银色外圈用久了就會掉漆而露出黑膠, 那條"威也"也是十分容易脫落!! 平它一半的Technics T700比它實凈和舒服, 是它四分一價錢的鐵三角AD2000, 造功和聲音也不輸它.....而本人有幸一睹的原因,正是那個MMCX頭....壞了......................

alleelarry

boy1420 發表於 2016-9-13 14:04
alleelarry兄 :
想再清楚再問一問,
Onkyo DP-X1是可以用OTG線連接到U-05 (要唔要特別的設定?) ,

基本上係零設定，U-05 調去 USB DAC 模式，DP-X1 以OTG接入，係開機後就會問你係咪用自家既 Player 去用呢個DAC功能，確定後會顯示已成功啟動，坊間如海貝都可以順利用到呢個功能添！

alleelarry

nikfung 發表於 2016-9-13 16:21
年前, 當初有十分高的意慾購買, 但有幸在年初能一睹真身..............評語是"好膠、好普通".....這評語可 ...

今次借回來的實則是硬搶回來，亦等待了好一段時間才到手，相信它曾經歷了不少風浪，狀態比預備中既要好，但始終口味呢一個課題永遠都係見仁見智

wan1984

(Post76 Android 手機版送出)