趁機票平飛轉"東京"狂摷碟

takeishi

  十月趁有假~又撲到平價既廉航機票. 一於同朋友仔飛轉東京5日摷碟之旅.
順便吃喝玩樂. 大手入貨. 買衫買褲買鞋. 當然唔小得既節目就梗係買碟啦. CD+膠膠.
各大二手鋪都俾我掃盡啦. 池袋. 新宿. 神保町. 上野. 秋葉原.横浜. 走盡每個角落為尋寶.
最後雖然唔係買得太多野. 不過依然開心難忘. 唔緊要. 留番下次一月尾過年果陣再去.

  今次為大家報導下現時東京最新既情況先啦. 去片.


  未出發~先興奮. 第一次坐廉航. 架機仔 (空中巴士) 真係好細. 不過個位都尚算幾舒服.



  今次同幾個朋友一齊去. 租左間日式既屋一齊住. 好大間. 好傳統日式既タタミ既屋,好有特色.  
好玩過住酒店呀.






  第一站去到上野. 有一間二手碟鋪既. 同埋上野廣小路果邊有間幾大間既BOOK-OFF















  路經東京一番地下街. 買下手信. 當然唔小得既就梗係行下  TOWER RECORD, 不過呢間只係MINI SHOP, 要行既就梗係去渋谷果間旗艦店啦.

















  去到一番街梗係去買下 蝦毛KITTY 同埋咸蛋超人SHOP啦







  お茶の水~必去既地方. 因為果間 DISC-UNION 係勁大間同埋勁多野買架.
我晌佢度掃左十幾隻黑膠同CD呀. 勁滿足.







  今次行程我去左横浜～發現佢有間好大間既RECO-FANS, 大過渋谷果間.
裡面勁多碟呀. 包你搵足半日呀. 而且. TOWER RECORD 就晌佢附近. 淨係呢度都有幾間碟鋪.
包你可以行足一日呀.



















俾我掃左一大埋BJORK碟走. 真開心


  去完横浜夜晚就必定係去渋谷架啦. 唔小得既地方.













  第日再轉戰中野. 呢個地方我最鍾意. 又多野買又多野食.













  之後再戰神保町. 古書街. 呢度又係好多野行. 好多鋪頭仔. 碟鋪都唔小.
總之夠你行足一整日時間啦. 行完可以去秋葉原行下街街.















  新宿就當然唔小得. 有好多間既 DISC-UNION 同埋 BOOKOFF TOWER RECORD,ＨＭＶ呀。　應有盡有



















  去到秋葉原當然唔小得既就係買下玩具同埋行下BOOKOFF啦. 不過秋葉原無咩大型CD鋪架.

















  日本新星堂~呢家只係得番一間晌淺草. 以前好多分店架. 香港都有. 不過. 全部都執晒啦
真係好可惜. 呢家賣新碟既小之又小啦. 無辨法啦. 好多都已經做唔住.



















晌日本唔小得既就梗係買................藥啦.



  最後一晚既行程係去台場浸下大江戶溫泉同埋行下台場. 台場都有間TOWER RECORD既.
不過二手碟鋪就肯定無架啦.

























  唔小得既就梗係同佢影張相打下卡先啦

psb

Wow, 大開眼界，仲可以見到咁多 CD singles , 好正

粗人敵卡

震撼

alexming0101

謝謝師兄分享
放工後先慢慢睇

Ahfour

Ching真好腳骨力，小弟近年已經腳軟無力行！

kh22

新宿間 disk union 好正, 有一層全部賣 hard rock, heavy metal, 好多日版, 地下就全部昭和選歌, 雖然不大,上次逗留左三粒鐘

pinkspider

上野蓄晃堂近邊個位?? 上次去搵咗好耐都搵唔到....

Grandmaster

师兄有何收获,可否分享

slche2001

我現在都身在東京, 住在新宿, 但感冒在身, 無咩精神, 應該明天只去涉谷 Tower Records 走一轉咋！

leonspacey