"望聞問切" 第二回試玩天龍AVR-X6300H AV擴音機(加咗訪後感)

kowkow

今次有幸被Post76選中可以玩吓Denon 新機 ，上星期六部機送到屋企，翌日即刻放屋企人大假，獨留於家中自己搞機......!

kowkow

部機到埗，立刻將佢拆骨....

冇用天龍好耐，原來而家有枝火箭送，可以用嚟放咪，又幾方便噃

kowkow

搞咗幾個鐘駁好後即時Cal 機，跟著畫面指示set 咗8個位，好快做完，即時去片

kowkow

睇番經常試的片段，一開始梗係呢段啦，屋企加埋戲院睇咗好多萬次...

即時好....... 發覺啲聲低厚實咗 ，嗰吓雀仔360度飛越的聲音連貫性唔錯，落雨又更真實，空曠感覺立體咗，彷彿置身咗森林一樣，不過行雷嗰嘢就似乎over 咗，啲櫃門啪啪聲，要入去menu再搞下；

再試 unfold 嗰段.....， 好明顯啲嘢係後面連天花咁成塊fold 出嚟，散開，再fold 翻入後面; 又試吓Dolby 啲舊demo 碟 upmix 去Atmos, 同樣效果好好，即時將啲片段都重覆睇好多次，Auto cal 都咁，專業人仕到來搞搞咪不得了⋯⋯{:9_430:}

kowkow

然之後再試幾套常看的電影片段，Star War 7, Tarzan, 老變1-4，13小時， American Snipper, Warcraft, Civil War, Lone survivors ....，一看就五、六個鐘，完全沉迷於光影音效的世界裡 ，直到叮噹一聲，家人放完假返嚟屋企就醒咗！

所以我好期待威廉sir 家訪時，再設定過啲嘢，效果應該會更理想！{:9_407:}

AV 路無崖，唯不斷嘗試是岸，念念不忘，必有迴響，真是一路玩影音的心情


昨天17/11晚已家訪完....... To be continuous !!

alanadc23

等報告 呀 其實我好想知高手會點執低頻
(Post76 Android 手機版送出)

小瑟

星期四晚我地終於上左KOWKOW兄屋企, 佢又係一個幸福的AV友, KOW嫂預備左個大食會比我地, 好幸福呢!!! 最正係佢個洋蔥湯, 真係正到冇朋友!!!



係度講小小, 遲下完整家訪再同大家詳盡講返. 一開機威廉SIR都係用ATMOS隻新碟試下先, 又係SUB仔相位問題, 好彩KOW兄可以拉隻SUB仔出來.....之後就攪攪攪, 攪左4個鐘左右, 可能大家都會話又係要郁個SUB仔, 的確郁SUB係最好既方法, 不過如果SUB仔可以任調相位始終都係好D.

kowkow

見到Post76 團隊到訪，真的十分高興 ，難得有咁多志同道合朋友上來玩一下，分享一下，真係好正，大王小瑟及威廉sir 又好nice, 大家有傾有講，我仲同小瑟大王交流湊小朋友的「樂與惱」添....；嗰晩由七點玩到成十一點幾，我忙到唔記同各位大佬影相留念，更沒有同大王及威亷sir 合照，十分殘念！！

言歸正傳，講翻AV....,

其實用咗（唔敢講玩）AV 十幾廿年，啲喇叭擺位，特別係超低音，往往都是問題多多，得唔到一個有連貫聲效的音場設定，用AV 慨親朋又唔多，兩聲道就反而唔少，所以可以交流的途徑不多，以前只有參考雜誌，而家就好好多，有很多論壇可以分享及討論，真係十分幸福。

kowkow

我在裝修前，已經計劃用7.1.4的設定去製造3D 音效的，曾在此請教一下各位師兄...


https://post76.hk/forum.php?mod=viewthread&tid=205677


之前喇叭就用雜牌軍，前面三隻用MK750，後置就KEF Q100, 左右天花就用bose 骰仔喇叭，駁好後整體出聲怪怪的，又唔係好夠聲响，於是把心一橫，改頭換面下將所有surround & Atmos speaker 都是同一品牌及形號： JBL control one pro;

https://post76.hk/forum.php?mod=viewthread&tid=229542


因計劃日後整好啲兩聲道，所以前面換了B&W CM7, 但發覺空間仍然有得發揮，最後換了Focal Aria 926 及CC900, 希望日後可以AV 及 2 channel 也兼顧到......，可是部AV AMP 又似乎推得吃力

換了後，整體升級很大，特別係環繞效果，左右後天花發聲的感覺很一致，不會令我感到古古怪怪，前三隻聲音亦都比以往更豐厚實凈，唯獨是隻MK KX12F 超低音搞唔掂，搞極都＂㗅㗅＂聲，冇乜低頻，點擺點較都出唔到MK 的Super Deep Fast Bass....，

joe_ho2

咁好ge活動，值得支持！