2017年 日本摷碟全攻略~ 名古屋 (關西篇)

takeishi

我TAKEISHI 貴司兄~岩岩完成了左11天的日本摷碟之旅

由關西攻到落去關東. 我第一站其實係大阪. 第二站先至係 " 名古屋 " 最後一站係東京 , 不過. 首先介紹左名古屋先. 因為有好多朋友都熟大阪同東京. 名古屋就無咩人識. 其實名古屋係日本第三大城市. 名古屋話大唔大. 話細唔細. 不過. 佢有著好多值得去的地方. 例如. 白川鄉 ~ 呢個地方. 一生人一定要去一次. 靚到真係無辨法用文字黎形容. 去名古屋. 必定要去白川鄉. 我都唔例外. 去摷碟之餘亦都不忘遊覽下當地名勝.  



唔知點解. 忽然愛上左 名古屋 呢個地方. 佢無大阪或東京咁嘈.好行之餘. D野又夠集中. 行得舒服. 無論食. 玩. 或掃碟. 各方面都有. 所以我今年2017年的日本第一篇介紹俾大家既就係....NAGOYA 名古屋.   至於. 大阪. 東京. 稍後會遂一再出POST介紹俾大家.

  馬上出發~帶大家去名古屋掃碟. 其實我係由大阪坐長途巴去名古屋既. 車程大約係3個鍾. 日本既巴士好舒服. 上車. 休息下. 沿途欣賞下山村美景. 中途亦都會停車俾你食下野買下手信. 中途係會晌京都既"草津"停半個鍾休息下. 順便可以食碗拉面買下手信. 就咁坐長途巴都有得你濕平. 真係估佢唔到.








  白川鄉我唔介紹啦. 留番俾杜如風講啦. 呢個地方唔會有碟掃架啦. 想搵間7仔都難呀. 去名古屋掃碟既. 梗係去名古屋市中心啦. 名古屋呢個地方話大唔大話細唔細. 酒店呢. 通常好多人都會揀"伏見"呢個地方, 因為佢晌正市中心鐵三角中間. 行去 "栄" "大須" "名城" 佢就係晌到正中間. 基本上你可以步行去晒呢三個地方, 唔駛坐車都ok架. 最遠既都只係行去名城站. 但遠極都係15-20分鐘. 而且十分好行. 一條大直路, 你只須要沿住條"広小路"直行就到伏見架啦. 去"栄" "大須"更方便., 根本就晌後面. 行5-10分鐘就到架啦.



  言歸正傳~ 名古屋 , 搵碟. 摷碟. 掃碟. 唔駛講. 一定係. BANANA RECORD
佢可以話係名古屋二手碟鋪既代表者. 佢以名古屋為主. 晌名城佢有3間店. 分別係名 "古屋城". "栄" .  "大須" 各有一間.
3間都唔算細. 亦都各有唔同類型既碟. 所以~我建議你3間都要去晒佢. 要去晒佢亦都唔係難事. 唔駛坐車. 你根本行都行得晒3間.




  就由我第一間去既BANANA RECORD開始介紹啦.
佢就晌我酒店 (伏見) 行後5分鐘路程就到.
  "栄"  的 BANANA RECORD.





















  而另外"栄" 呢個地方呢. 佢亦都有唔小碟鋪.
例如係. HMV啦. BOOK-OFF (BAZZAR) , 呢間BOOK OFF BAZZAR係超大間同勁多野買架.
所以. 去"栄" 絕對不能錯過既掃碟好地方. 首先帶大家參觀下名古屋既HMV, 佢比起東京HMV
都算係最大型架啦. 渋谷間HMV都唔夠佢大. 而且亦都好多選擇.






































"栄" 呢間BOOK OFF 係名古屋入面最大間既BOOK OFF
裡面除左碟之外. 書. 玩具. 應有盡有. 價錢又平. 相信大家都知. 晌BOOK OFF掃碟.
真係掃到你傻架. 1千幾百円、貨色又好. 晌信和垃垃圾圾二手碟賣80蚊1百蚊既. 佢果度
你真係500円300円都大把你掃. 重要係日本版有側紙又靚仔無花. 真係買碟既天堂.






















"栄" ~ 就係咁多啦. 下一站帶你去大須. 大須好多碟鋪.
之後再去"名城" 同埋 "金山"

takeishi

  好啦~行完"栄”啦. 栄呢. 呢個地方有好多百貨公司. 基本上算係買貴野既地方.
跟住帶大家去......."大須" ,  大須呢度就較為平民化D. 大須呢. 基本上同栄都係同一條線.
其實行都行到過去. 相隔兩個站既姐. 大須呢. 最出名當然係大須觀音寺同埋大須商店街.
淨係行大須都睇怕夠你行足一日囉.






  大須~似咩野呢. 似香港既女人街. 咩野都有. 食又有. 玩又有. 買又有. D野又平.
對於我黎講. 最重要梗係"掃碟"啦. 大須呢度就滿足晒我所有既要求. 淨係計二手碟鋪都起碼有十間八間.
TOWER RECORD 都有. 總之. 濕平既好去處. 保證你滿載而歸.









  就咁大須商品街入面. 數得出既已經有5-6間賣碟架啦.
亦有好多地方賣音響. 賣HI-FI既. 都有D碟可以掃下架. 去到唔好漏左佢.
分分鍾俾你掃到D好野番黎架.



















  轉番出去大街. 連續有幾間唱片鋪. 其中兩間. 晌正馬路邊.
兩間痴埋一齊. 好似TWINS咁.  淨係呢兩間都夠你行兩粒鍾啦. 兩間都鬼死咁多碟.
搵到搵到你傻鬼左呀.




































  大須~唔小得既當然係名古屋既特徵. BANANA RECORD啦. 呢間BANANA RECORD有兩層.
都算好大間. 碟類又多. 價錢好公道. 唔算貴. 你可以晌佢度搵到好多東京或者係大阪搵唔到既碟.
去名古屋既好處就係. 小左好多人同你爭碟.






















另外. 有兩間唱片鋪晌附近, 可惜. 去到有一間無開. 定休日. 所以大家去買碟要留意下, 好多都休星期一架.








不過好彩. 第日我補番再去. 好彩佢有開. 晌大須寺對出. 連續兩間都晌同一座大廈入面.
1間晌地庫. 1間晌3樓. 去到你就見到架啦. 不過~D碟好亂. 我搵左好耐都搵唔到想要既野.




















  唔小得既~梗係. 有間好大間既TOWER RECORD啦. 不過要行十分鍾左右先搵到. 都幾遠
呢間TOWER RECORD都算係名古屋最大既唱片店. 當然唔夠東京果間大啦. 之不過. 我晌佢度掃到幾隻東京大阪都買唔到斷左貨既碟,
所以~去下呢D小人D既地方係有著數既.




































  重有架. 唔好以為無啦. 重有 TSUTAYA 呀. 呢家 TSUTAYA 開始轉營啦.
好似HMV咁. 咩野都有得賣. 好似百貨公司咁. 唔好以為無黑膠呀. 有呀. 居然有黑膠賣呀.
不過. 碟量就當然唔及得BANANA RECORD咁多啦. 之不過. 去開行下都無所謂呀. 反正.
佢收好夜. 幾乎24小時營業, 食完飯先去都未遲.  

takeishi

  名古屋城..+  栄、大須 , 呢三個地方. 基本上去得名古屋都無可能唔去架啦.
除此之外. 金山 ~ 亦都係一個好去處. 金山~起碼都有3間.  新星堂 + BANANA RECORD + SOUND BAY
都值得一去的. 同埋. 佢好快會有LEGO LAND, 到時LEGO LAND開左. 更加值得去.
所以我推薦埋呢個地方俾大家.  





















  BANANA RECORD 就晌新星堂附近. 都晌埋同一個SHOPPING MALL入面
呢間BANANAN RECORD唔算好大. 不過好多碟. 我晌佢度都掃左十幾隻碟走.











   另外重有一間好大間既. 叫做 SOUND BAY , 呢間一定要去架. 晌附近.
呢間二手碟鋪好大. 好多野睇. 好多碟. 所以. 必去. 我誠意推薦.
絕對係正野.



























  最後我返番去名古屋城啦. 名城呢度呢. 有最後一間既BANANA RECORD, 行埋呢間. 我就行晒所有三間晌名古屋既BANANA RECORD啦. 所以未話囉, 唔難去. 3間去晒亦都好容易. 呢個就係名古屋既好處啦.




















好啦~名古屋呢一站就到此為止啦. 最後. 強烈推介. 去名古屋,
一定要試下飛彈牛奶, 好飲到唔識形容. 只係晌名古屋先買得到. 東京大阪係無架.
所以~你地去既, 一定要買支黎飲. 包你話正.








  

yard

名古屋食嘢都好正，蓬萊軒、矢場、山Gor、馬喰一代

Cheong448

名古屋

Mac

請問 C Hing在大阪那處乘巴士去名古屋和幾錢？THX

alexming0101

師兄！在Tower Records 找到咩好碟呀？些牙下啦

Sporty

多謝分享！
見到啲日本版就身痕！

machihck

超級正報告、萬分多謝。另外  請問有什麼收穫? 好想看

粗人敵卡

多謝分享

榮間book off好正