以漫畫元素包裝的溫情片 -《盧根》劇透影評

影音小編輯

小編坦言《盧根》最出色地方的並非是其凶狠的打鬥情節，而是其拍得絲絲入扣的人物關係和情感鋪排。如 盧根 與 X教授 一段亦師亦友的關係在片中就出乎意料的令人動容。兩位演員真摯的演技和眼神交流絕對可媲美 2011 年的窩心作《閃亮人生》。值得大讚是今集不須再顧及電檢因素，兩位演員在言語上去得頗盡，二人的對手戲不再拘泥於 “字眼"，將自己 (角色) 的內心掙扎發揮得淋漓盡致。片中可見兩位演員 (Hugh Jackman 及 Patrick Stewart) 在眉頭眼額見都並非為交戲而交戲，完全已將心中的一份真感情融合到角色中。

https://www.post76.com/wordpress/?p=123207

粗人敵卡

呢集狼人應該係最悲情嘅一集

另外套戲幾血腥吓

edlsang

美中不足時開頭欠缺交代為什麼狼人只同 x 博士一起 , 及其它變種特工去了那或是否已不存在..........

WCHK

三級+英雄打鬥, 當然第一時間唔預老婆, 自己去睇

但睇睇下已經覺得老婆可能啱睇, 有種睇文藝戲嘅感覺.... 不過文戲去到咁上下, 又嚟殺戮幾下, 唔會悶.

最後結局見附近有女士睇到喊, 我睇咁耐美國英雄片都係第一次見.

Hugo Fok

edlsang 發表於 2017-3-4 17:16
美中不足時開頭欠缺交代為什麼狼人只同 x 博士一起 , 及其它變種特工去了那或是否已不存在.......... ...

如果無記錯, 三人離開左酒店 (賭場) 後, 無人駕駛貨車一段戲 (幫手趕返 D馬上車個場戲)，Logan 架車既收音機岩岩聽緊電台話三人岩岩離開間酒店出現 "集體腦癇" 事件, 同多年前系 威徹斯特 (X 大宅 即 變種特攻 總部舊址) 出現的 "集體腦癇" 一樣. 電台指當年有七百人死左, 其中包括七名為 "變種特攻".... 所以教授臨死前一刻亦突然會憶起舊事,  而 狼人 猛逼 教授 食藥就系要唔想再有人死系教授手上。但 教授 一食藥就會斷晒所有對外界既感應力，最終比 X-24 突襲. 值得留意系片首 大水缸 (形狀類如超腦室,但功能相反) 既作用其實系阻隔 教授 既然腦波與外界通信, 但因為日久失修 (卡利班 一開口已話水缸穿窿) , 比教授感應到 X-23 同護士兩人, 為故事埋下左伏線。 (小弟都是第二次睇先串連得晒 D 細節部分 )

Hugo Fok

想講今集真系一套 "西部片格"，但 "七俠" 就死淨一個 Logan, 而佢最尾仲要捨身相助, 非常之有以前舊式武俠片既氣概. 之前套 "七俠" 順然大正旗號 Reboot，但完全搵唔返各種大義既氣勢...  Logan 今次玩 西部片 X 溫情元素，真系睇到眼濕濕. (之前聽過不少訪問指導演細個時候超中意西部片, 今次Logan 可謂將自己個股熱血完美發揮了呢 )

wopa1969

睇到會喊嘅英雄戲！熱血感人！

RICKYMUI

狼人最完美既落幕……

lkljason

bluray1080p 發表於 2017-3-4 22:08
如果無記錯, 三人離開左酒店 (賭場) 後, 無人駕駛貨車一段戲 (幫手趕返 D馬上車個場戲)，Logan 架車既收 ...

scott0208

呢套真係無得輸,响我心目中係繼“黑夜之神”後另一套超英片神作