《謝謝你，在世界角落中找到我》 不劇透小評

mike384

『この世界の片隅に』《謝謝你，在世界角落中找到我》

話說最初知道這套電影時, 並不是從網站, 甚至亦不是從電影有關的渠道得知, 而是...模型.

以出比例模型為主的FUJIMI, 在去年隨著電影推出了1/3000 吳軍港的模型, 並而該電影的海報為盒面, 在一眾模型中顯得相當出位.

從開始留意該片的上映日, 首映太多人...先去了APM睇了個個細得可憐的原畫展, 再到星期六先去戲院睇左.

結果係出乎意外的, 首先係作畫方面, 咁認真的製作真係好耐冇見了, 尤其係睇了艦娘劇場版後, 一度對動畫電影有D卻步的我, 又燃點返少少.

可以話係自輝耀姬以來, 另一套好有日本味的動畫, 實在要讚一讚.

故事上, 是圍繞一個經常發呆, 平凡得不能再平凡的女孩子的一些日常事, 偶有幽默, 偶有衝突, 人雖然是平凡, 但背景可一點兒也不平凡,
正是發生在戰時的廣島和隔壁的吳港, 港中的各艦船亦無可免地成為片中角色話家常的話題.

太多的唔講了, 與其話係愛情故事, 更不如話係戰時日本平民的寫照, 平淡中帶憂傷, 但絕不是唔係個D催淚戲, 片中的角色或有死或有傷,
但大部份都係正面地, 堅強地努力地活著.

或會有些人會反感呢套戲的背景和設定, 甚至嫌棄個D看似簡單但又很有味道的人設, 但作為一部動畫, 它已經很出色了, 我畀9分.

alleelarry

9分的動畫，唔入場到出碟都一定要看！

Ahfour

它令我想起營火蟲之墓⋯⋯
一套睇完一次絕對不想再睇第二次的戲
當然呢套無咁沉重
但整體來說仍是催淚的
不過並不是所有人都識欣賞
同艦娘呢類戲比更加⋯⋯