黑膠碟~(對不起) 我曾經離棄過你

takeishi

{:9_426:}  黑膠碟~對於我黎講. 真係笨不是什麼潮物. 如果你係70後. 相信你亦都同我一樣.
學生時代聽的音樂. 絕對都是去租黑膠碟去聽. 那時候要聽歌. 就只係得呢一個方法. 就係買隻碟.
重記得果陣. 買左隻碟~幾乎全班同學輪住去聽. 我買madonna, 佢買劉美君. 邊個有既. 就問佢借.
借左返屋企錄落餅錄影帶度慢慢聽. . . . . . 呢d就係我地童年時聽歌既樂趣. 所以我成日都覺得.
聽歌唔係孤獨架. 係可以一齊分享. 獨樂樂不如眾樂樂. 分享才是最快樂的.

{:9_426:} 不過~從80年代開始. 黑膠碟出現了勁敵. 就係...CD的發明.
的而且確. 我都承認. CD真係好方便. 又細張. 又易打理. 初時接觸到CD既時候.
簡直感覺到係完美的化身. 聽歌從此變得如此輕鬆同埋簡單. 而且CD又無雜音.
又唔駛洗碟. 又唔駛麻鬼煩下下要拎隻碟出黎攪呢樣攪果樣先至PLAY到黎聽.



{:9_426:}  所以~那時候就連我咁鍾意黑膠都開始離棄了它. 開始轉投CD的世界裡面.
而且最重要的原因就係. 果陣黑膠碟開始被人淘汰啦. 好多歌手都只係出CD唔再出黑膠.
香港好多碟鋪都根本唔再入黑膠. 只係賣CD. 所以, 就算我想買. 根本都好多時買唔到.
要特登去訂先至有.



{:9_426:}  以前細個~無咁多財力去儲. 所以就只好買一隻就已經心滿意足了.
所以我都係選擇左買CD, 放棄了儲黑膠碟.



{:9_426:} 但係~廿年後的我. 如今我十分之後悔. 當年離棄了你. 其實我個唱盤已經壞左好多年.
就係因為怕麻煩所以先無理佢. 不過前一排我又買左個新唱盤. 又再次重新欣賞黑膠碟的世界裡面.
可能好幾年無聽過黑膠碟發出的炒豆聲啦. 再聽返. 真係覺得特別親切. 而且~再比較返黑膠碟同埋CD既聲.
你會發現. 黑膠碟既聲真係好清晰. 好有層次感. 人聲係特別出架. 呢家我先至發現. CD既聲原來係咁平平無奇.
比起隻黑膠碟真係完全係兩個世界.

{:9_426:}  真係要晌度大聲咁同黑膠碟講~我曾經離棄過你 (我對唔住你) 我唔會再唔要你架啦. 我永遠都係咁愛你.

takeishi

  不過~最慶幸既就係. 咁多年來. 我一直都係無停過咁買MADONNA既黑膠碟.
淨係儲MADONNA佢1個既膠至今都已經超過5百張啦. 佢D碟就唔難買. 不過真係多. 而且貴.
間間見到MADONNA呢個名. 自不然識炒. 最慘既就係真係有傻仔買. 幾千蚊都肯去買隻膠.

takeishi

Deleted

takeishi

  最後留個位~心斉橋

andy7fai

takeishi 發表於 2017-3-3 12:48
今次我專登搵D山卡拉地方發掘下有無新既摷碟好地方.
哈~俾我發現有個好地方. 好值得一去既. 就 ...

正呀! 期待師兄寫埋其他地方, 小弟7月想去大阪

yiyiallall

takeishi 發表於 2017-3-3 12:50
最後留個位~心斉橋

謝謝詳盡報導

我一月尾去京阪神, 只係行左難波同美國村咋

師兄你覺得日本果邊多唱片鋪過HK咁多, 係乜野原因?

日本人肯花錢買碟聽歌? 佢地少非法下載? 定係其他因由?

takeishi

yiyiallall 發表於 2017-3-3 14:35
謝謝詳盡報導

我一月尾去京阪神, 只係行左難波同美國村咋

  真係無辨法同日本比較架. 香港人口7百幾萬, 日本人口係差不多1億3千幾萬.
但偏偏香港既租金係貴過日本. 淨係呢樣野. 香港已經輸晒俾人啦. 再加上. 人地日本人聽音樂既口味好廣泛.
接受能力亦都好強. 同你香港相比. 香港人只係聽某一D熱門既野. 冷門既野就無人會去嘗試欣賞. 所以未無人地咁多方面既發展囉.
香港既碟價真係貴到嚇死你. 明明$廿幾蚊美金既野. 黎到香港就要賣3百幾蚊. 二手碟更加俾人炒到去癲價. 人地日本雖然都有炒價.
但都無咁離譜呀. 人地炒到5千円既碟. 你俾"德記" 或者係"信和7樓" 佢呢兩間野搵到. 佢起碼賣1000-1500蚊. 咁你會唔會買呀??
點解香港碟鋪無得做. 呢個問題真係實在太復雜啦. 天時. 地行. 人和都不利香港. 所以~無辨法. 我只好每年飛日本幾轉搵碟囉.   

kl122002

takeishi 發表於 2017-3-3 15:22
真係無辨法同日本比較架. 香港人口7百幾萬, 日本人口係差不多1億3千幾萬.
但偏偏香港既租金係 ...

係班2手佬炒碟搵食姐.
幾次去13樓, KT要塞, 鴨記仲有其他賣黑膠的地方, 成日聽到班老而不不停吹到D碟可以幾貴幾貴,
問心, 就係深死怕自己D野會忽然一毫子都唔值.  

cwyip

神户元町站一出都有一間賣外國流行同jazz cd lp 的二手shop. 價錢合理 剛去完 不過吾記得乜名 要上二樓的

joooe

神 post 留名