Sony Bravia OLED A1 超高清電視體驗會現場 (會後遊戲帖)

figo

第三句就是小瑟大王講嘅就係HDR 10同Dolby Vision係有分別，而且呢個分別係相當明顯，呢句說話對於所有玩緊電視的朋友一個相當大的啟示，未来換電視，如果有要求必須有Dolby Vision! 試睇會前曾打算買 Sony 75X9400D，基於不支援Dolby Vision而就此作罷，看來此決定是沒有做錯。


Sony A1的優點，總結如下：

1. Sony A1既有OLED黑位超凡的特色，同時加上Sony的技術令到佢即使用前一代LG的panel 亦能做到新一代panel的光亮度實屬不易，而且顏色的自然表現更勝一籌。


2.Acoustic Surface Technology,對於平常看電視對音效有要求而不想開AV amp的朋友確是一個嶄新的技術，屏幕本身能夠做出聲音的定位有如將無形的sound bar建立在屏幕上，滿足視*聽*需要。


3. Sony的Object Base HDR Remaster，由於採用了同Z9同級的 4K HDR X1 Extreme processor，利用區域形式去處理畫面的細節，能夠同時看出暗位的細節，亦不會令光位的爆光而失去细節，這個很重要。


4.Sony 有6大解決燒印方案，減少了用家的憂慮，其中Stand by後4小時的自動處理燒印技術，以及2000小時後開啟的長時間處理燒印技術是值得注意及期待，其中一項是競争對手没有的技術。


5.再次採用類似HX-850的斜屏設計，當然有Acoustic Surface Technology 的新技術，同時亦相信可以减低正面反光效果。（如錯了可以指正）



正所謂針冇兩頭利，有優點亦有缺點，A1的缺點如下（排名不分先后）


1.刪除左3D技術，令到仍有3D blu-ray的用家好心失望。


2.價格，再次確認Sony係通行同等技術最貴的電視機。


3.Acoustic Surface Technology係優點同時亦係缺點，因為speaker斜版，同時亦係connection panel，所以即使掛牆，不能拆除speaker，使侧面望去不够Slim。


4.掛牆的時候由於connection panel是向下式設計，亦很^貼牆^，如設備上有所改動要重新接駁線材並不方便。


5.試睇會中沒有使用Oppo的 UHD Blu-ray機，現在是接近大家認同最佳效果的播放器，未能充分發揮Sony A1的終極實力。


6.片源，基於時間的關係，没能試更多的影片，如Pacific Rim。AB比較LED與OLED A1的La La Land也是雜訊太多。


除了價錢我心目中對Sony OLED A1的評價確實很高，由於本人已用65吋，所以如有幸入選真的希望能試用65吋A1，至於如何試盡Sony A1，實在非常繁瑣及極力需求Sony的協助，大致計劃如下：


1.首先要將原本的65吋LG電視移走。有兩個方案；方案一，Sony提供協助，將現有的65吋LG拆下移入房內換走46吋的W系列電視，將46吋電視賣走或再想如何處理。如方案一不被接纳，便採用方案二將LG65吋電視賣走，然後再邀請Sony代為安裝。方案一及二都必需要Sony的掛牆安裝，本来的65吋也是掛牆安装。


2.電視的主要用途有5，第一當然是看電視，測試人：阿媽及老婆，長期撈電視汁嘅佢地最清楚電視的畫質。正如老婆的一句，典解LG睇電視冇Sony咁靚嘅？成為一時佳話。我就一時語塞⋯⋯第二就係唱K，我就會用卡啦ok系統係冇upscaling嘅情況下嘅表現，而配合音響器材有mixer（前級），Denon兩聲道後級以及10吋JBL的喇叭，睇吓會唔會正過出面啲K房，測試人，小弟，老婆以及朋友。第三我會用Apple TV經Denon X7200 WA升頻上電視，睇吓佢嘅流暢度同仔细度，測試人：小弟同老婆。第四買Oppo UHD player，以及大量UHD作終極測試 (6/23更新 已買），測試人：小弟以及一位已買LG E6的朋友，我們會作兩地兩檢測試。彼此都配備Denon X7200WA，而小弟亦使用Auro 3D 10.1 作相應的音效配合，相信定能做到声色俱備。

figo

最後就應該試埋打機功能啦，方案有二，第一就係借朋友的PS4作測試經7200上電視，看看玩遊戲的流暢度，第二就係如Sony能同時借出就更加好啦

總括黎講，為左今次Sony A1嘅測試，小弟隆重其事，將會額外投放過萬資源去為測試做準備，希望得到大家神聖嘅一票。（我唔係参選喎，典解咁寫嘅)

小瑟

jerryhayashi 發表於 2017-6-18 21:32
多謝post76 & sony 詳細解釋及示範，本人用緊plasma, 一直想upgrade上4K，但在市面上看到嘅LCD電視，顏色需 ...

正，簡而精地說出重點，今代以我所知應該唔係上代面板，應該係第三代最好的。

xhatax

首先多謝Sony同Post 76安排「Sony Bravia OLED A1 超高清電視體驗會」活動，我就參加左第二場。

A1..有幾好我就唔再講啦，樓上師兄都差唔多講晒。

我而家用緊部sony 65X9300D，我都想由SONY借部A1返屋企試盡佢，玩盡佢，Sony Bravia OLED A1係咪真係甘正。

最好梗係可以借番1年半載可以慢慢試 唔知............

kan888

Real Professional review and analysis...

[youtube]Pa08j30Cbww[/youtube]

hit87761

心思思想換

jach

首先, 多谢post76安排上星期六體驗會。

其實, 點解想借部A1返屋企試盡佢?

事原, 3年前大裝修後, ㄧ心想換部再大啲嘅電視, 就把部末代plasma pioneer 500A搬咗入房, 換咗部sony 65x9000b, ㄧ於感受下4k嘅威力。

我揾電視, 聲音表現都要有番咁上下, 始终部電視有七成時間都係太座用, 要佢開個amp睇電視呢啲高難度動作機乎是冇乜可能,所以之前部pioneer就合哂呢啲要求, 画靚音勁, 正所謂(先鋒音響, 創做hifi新理想). Pioneer 電視啲音質真係唔錯。 (可惜現在pioneer tv已成為大陸貼牌, plasma 完成歷史任務)

選x9000b, 主要因為當年只有呢部個音質有番咁上下, 画質在當時未有oled時算係好, 平衡各方面之後, 唯有買佢。

ㄧ開始由50吋跳到65吋, 果下震撼直頭非筆墨可形容, 同部六/七年嘅plasmaㄧ比, 當然科技先進咗好多, 但始終LCD就係LCD, 画質取向同plasma唔同, 特別係立體感, LCD係比唔倒。

今次终於等到日牌出部OLED, 個種久遺嘅plasma黑色终於返來, 冰冰冷冷上下兩條黑bar, 正如小瑟話, 睇睇個兩條黑bar 都夠, 正。

所以今次希望可以試下部55", 因部500A就到期要揾定部接班人, 會試啲比較貼地嘅嘢: 睇下tv, magictv 錄嘅電視, 打下ps4, 睇下download 放係部NAS嘅日韓劇, media player 又玩下4k source。  呢啲機乎日日都會用到部電視嘅活動.

小瑟

GOGOGO, 仲有冇分享呢!??

小瑟

Versa 發表於 2017-6-18 22:14
本身用緊LG oled-65e6p，今日第一次見Sony A1，感覺A1每方面都比LG做得好少少，不愧是Sony！  

1 ...

E6P好似係唔係今年出的MODEL喎, 對嗎????

小瑟

dtmctmL 發表於 2017-6-19 00:43
我現在用緊Philips 46" LED TV, 解像度只得1920 x 1080全高清, 兼且已用了多年, 雖然仍未壞, 但隨著4K UHD  ...

師兄, 如果希望可以機會大D, 不如POST埋依家屋企的環境比我地睇下丫, 46"上55"一定好正呢~  另外如果借 65"比你又放唔放得落呢???