1984年的唱片鋪舊照

takeishi

  晌FACEBOOK俾我發現呢張咁珍貴既舊相.
應該係1984-85年間既遺照. 地點聽講係晌北角.
當時既唱片鋪就係咁樣架啦. 賣唱片同埋卡帶為主. 真係十分懷念. 還有走鬼魚旦檔. 1蚊串魚旦.豬皮.羅白.

果陣買張黑膠碟都係20-30左右~呢家. 閒閒地加個零晌後面啦.



  大家細心留意下檔口前面擺果幾隻碟. 你又估唔估到係邊幾隻呢, 我估到其中之一隻.



哈哈~放晌中間果排. 應該就係...................  
陳慧嫻 + 黎芷姍 + 陳樂敏 ----- 少女雜誌



  都話呢度D師兄師姐~勁架啦. 真係要俾十萬個讚你地.
話咁快就估晒出黎啦. 重爭一張唔知. C兄估可能係粵曲.

  首先~呢間唱片鋪叫做"百合唱片有限公司.
晌灣仔, 而唔係晌北角既. 跟住. 鋪頭前面放既黑膠碟. 第一隻....係...鄧麗君15 週年, 第2隻係"少女雜誌. 第3隻~唔知 (未估到), 第4隻係~徐小明'既"劍胆琴心". 連側邊張海報都俾位C姐估埋出黎啦. 係"劉鳳屏"姐姐,最勁既就係, 擋口前面2條死靚仔都起埋佢底啦. 係來自......威靈頓中學既小朋友.  


  你都真係唔可以唔寫個"服"字. 勁呀. 各位CHING. C姐.

smokeyduck

'84.... was it $0.5 for 1串魚旦

文次郎

這間舖頭唔似北角區，真係好感動呀，想爆頭都UP唔出……有無知，講吓嘢啦……

old8woman

唱片右下角張海報係嬌嬌女"劉鳳屏",當年是歡樂今宵常客之一

old8woman

1984年,我仲好年青

takeishi

樓上位師姐~勁呀. 估到張海報主角就係........劉鳳屏, 勁呀, 真係要俾十萬個讚妳.
好野~呢家有兩個估到. 重有無人估埋其餘幾隻碟係咩野???

Soundboy

I think the record on the right side of the rack, above the poster of 劉鳳屏, is 徐小明's [劍胆琴心].

psb

放工時間等小弟也扮下代表，少女雜誌旁靠最左邊果隻應該係鄧麗君15 週年，雖然小弟冇聽佢，但呢個封面再版CD時時見

ernietse

呢間唱片舖應該係喺灣仔巴路士街 (Burrows Street) 角地舖

marsover

服
各位師兄師姐真係勁

隻5週年聽左幾百次, 竟然看不出