<拆彈雄心>The Hurt Locker:美版BD"(實物圖)"

劉一舟 · 發表於 2010-3-11 13:21

拆彈雄心我未睇，所以唔講得佢值唔值最佳影片，但阿凡達我就睇咗兩次，最近果次喺LA，而對上果次就喺香港megabox，係年初一晚嘅子夜場，果晚初入場其實好攰，但我睇兩次最後都非常非常之enjoy。就阿凡達而言，我夠胆講金馬倫應該係當今最偉大嘅導演。大家諗吓現今有冇一個導演有咁嘅功力 (金錢反而其次) 可以花咗＋幾年時間之後，重可以「貫徹如一(至底)」拍出一部完成度咁高嘅電影呢？而且係帶俾觀眾完全創新同完美嘅立體視覺効果添，更重要龥論係一致有讚冇彈嘅。過去曾經有不少導演話花咗好多好多年 (就係難在要經歷咁長時間嘅考驗) 時間同金錢去拍一啲所謂大片，但到頭來大多數結果咪係啲眼高手低、曲高和寡又或者係啲閉門造車、迷失 (導演) 自我方向之類嘅成品。所以當日睇到電視直播 Kathryn Bigelow 得最佳導演時，我的確感到好失望。就喺度作個假設吖，就當兩部戲當日掉轉導演嚟拍，因我未睇拆彈雄心，所以我唔知金馬倫會否拍到一樣咁出色，但我就可以肯定 Kathryn Bigelow 一定冇咁嘅功力去完成今日我哋所睇到嘅阿凡達。所以我暫時唔會去質疑拆彈雄心得最佳影片，但我就的確唔認同最佳導演嘅賽果囉。
AstroSniks 發表於 2010-3-11 08:16

得獎嘅嘢太多估計和影響，所以我都話各花入各眼，選出嚟並不是啱晒所有觀眾的口味，但我不認同ching講兩個導演掉轉嚟拍 Kathryn Bigelow會遜色，掉轉James Cameron拍 "拆" 片都未必拍到其前妻的風格，就如一套虎鶴雙形拳法，搵兩個人嚟練都會唔同，招式係一樣但內裏其實可以有好大分別，你不妨去睇 "拆" 片再作後論也未遲！！！