個人對一些不同CD格式分析

tinsly · 發表於 2011-6-29 12:04

ching未講用D乜器材比較.
可否相告.
THX
伏喱哩發表於 2011-6-29 09:44

用TEAC的SACD player + little dot 膽機 +四款唔同耳機(兩款入耳/兩款耳牛)
不過每次比較都公平,每首歌都會用同一耳機比較,但當想聽真首歌的特定部分,就轉用指定耳機聽.

伏喱哩 · 發表於 2011-6-29 13:47

用TEAC的SACD player + little dot 膽機 +四款唔同耳機(兩款入耳/兩款耳牛)
不過每次比較都公平,每 ...
tinsly 發表於 2011-6-29 12:04

thx

tinsly · 發表於 2011-6-30 02:28

本帖最後由 tinsly 於 2011-6-30 02:47 編輯

Did blue spec CD is 16bit 44kHz... same with original CD?
36c036 發表於 2011-6-29 10:12

我返去check咗,但唔知啱唔啱.
blu-spec cd只係講緊隻CD的物料;而你講16bit 44kHz係講緊Mastering問題.
你可以講blu-spec cd 和 original CD,兩者取材係一樣,但不過blu-spec cd可以幫D材料推得好點.
況且blu-spec cd 和 original CD兩者的燒錄方法都不同,用blu-spec cd的燒錄方法穩定性高D,唔會因為燒錄得過多,影響了質素.
假設有日能出到“XR Blu-Spec CD”,咁就做到ching所講與16bit 44kHz的original CD不同了. <<<< 『其實依家我都試緊(陶醉)一款類似以上例子嘅恐怖野,不過遲D先講!』
不過以上係本人爬過下文,用我理解得出來的答案,真係唔知啱唔啱.

而且我都揀定咗我玩那一款CD格式,所以我唔會對blu-spec cd作太過深入研究了!

tinsly · 發表於 2011-7-3 23:53

AQCD vs CD
古巨基 ---- 時代
左為AQCD,右為頭版CD

頭版CD,包裝其實幾有心思,又有DVD送!!

AQCD版,幾「簡約主義」!!!

時代
點題作品,兩者在編曲上的分野不大,很接近的.不過人聲就有些少分別,AQCD的人聲會放入咗,相對地實正D,最易分到在“哪有膽敢不進取”之後一聲的嘆氣.

HEA
AQCD的人聲同樣地實正D,但首歌玩野成分很高,人聲做得太真會唔係嗰隻味,無咁好玩.

蝸居
聽過之前嗰D,發覺兩者之間分野真係好少好少,雖然AQCD人聲係出D,但其實都差無幾.於是揀隻我最愛的歌----蝸居!!
一把人聲,一個鋼琴搞掂全歌,好觸動心靈的歌.這簡單編曲,理應會更易test到,可是我聽完後,得出唯一結論係-----AQCD和CD係無分別!!!!!!

陳奕迅 ---- 陳奕迅廣東精選AQCD vs 各陳奕迅初版CD
右上角為AQCD版.

一張古巨基-- 時代AQCD唔好下判斷住,試埋隻陳奕迅廣東精選AQCD先…
歲月如歌
先講編曲,AQCD鋼琴仔細D,第一段的結他在原版係淺一點,而大約在1:30的“和音”AQCD定位明顯點;人聲方面AQ比普通版近了兩步到,分別差不多.

明年今日
金曲.當我分析交換聽時,一聽頭版,嘩!!!「人聲」遠到亞媽都唔認得,成塊玻璃隔住!!!琴就擺到出奇地前.
AQCD就平衡好多,如一些細節位的小提琴伴奏,AQ比頭版突出好多.

人來人往
有趣的歌!!!我原本好喜愛此歌,但當我用齊“架生”聽後,就有所保留…
00:38時有怪聲!!! >>>> 用AQCD聽得仲清楚D添!!!!
1:40的music break右耳不斷有沙聲雜音!!!! >>>>> 用AQCD聽得仲清楚D添!!!!
頭段的“剛升職”明顯用電腦執過 >>>>> 用AQCD聽得仲清楚D添!!!!
基本上,AQCD將全首歌D聲都做得清楚D,但係好定係差……不過肯定這首歌本身錄得差!!!

失戀太少
試人聲好方便的歌,頭版明顯多層隔幕,還有AQCD在0:50聽得到結他的瑕疵,幾正!
不過這首歌本身又係錄得差,第二段唱“不要燒”這三粒音怪怪地.

打得火熱
聽intro頭30秒就知咩事!!!AQCD聲音實正好多,層次感強極多,之前都無留意這首歌個編曲係咁好玩!!!!

總結:
當我試完“蝸居”後,已無心機再試.AQCD全碟質素很參次,分野又不明顯!!!
感覺上係第一版買晒,但跟第一版包裝成本貴,出第二版又諗唔到加D咩可吸引人去買,唯有用最平又最方便方法,拎上大陸做囉!!!呃你用咗唔同物料做嫁,有唔同嫁,買返隻畀佢地昆吓啦!!!
相反Eason嗰隻明顯有用心處理過,靚聲好多!!!
大總結係:每隻不同的AQCD,質素上真係有好大好大分野,其實係好易中招,因此本人就如非必要都唔會買AQCD了!!!尤其一些之前斷咗頭版再翻出嗰D AQCD版!!!
PS.隻頭版時代係貴過AQCD版的,大家衡量吓啦!

tinsly · 發表於 2011-7-4 03:44

LPCD 45  vs  CD

陳奕迅 SUPER MASTR  LPCD 45  vs  各陳奕迅華星頭版CD

右下角為“陳奕迅 SUPER MASTR  LPCD 45”,另外隻“我的快樂時代”係正版嚟嫁!我無咗個盒咋!

黃金時代
LPCD幾特別,佢Cut走幾多野,佢將首歌D編曲教到好細聲,intro嗰幾吓結他尾音左邊削弱了.不過人聲又無特別走前咗,人聲在每句前後D音細膩了,口水聲明顯咗!但老實講,LPCD版的味道我一般姐.

與我常在
好掛住Eason這種britpop…本身此歌人聲set得較後,在LPCD中會近兩步空間,不過LPCD明顯易聽到「當年」的「靚聲」;可是聽編曲就不堪入耳!!!所有樂器放後晒,那些britpop式的結他呀!無咗個澎湃呀!中間個music break無晒Feel!!!

時光倒流二十年
最突顯到LPCD強項的一首歌.Eason的低音,他美麗的瑕疵位,盡在此曲表現出來!!!如其中一“可以麼~~”尾音不用震音,做出一個不穩定但有感情效果,勁!可惜樂器聲又削弱了,如2:28一丁點鈴聲,淺了,又做唔到左右穿梭效果;在2:38嗰吓鼓聲,無咗嗰種震撼力!!!

總結:
LPCD在人聲方面刻畫得很清楚,可是就大幅削弱了很多其餘元素,無咗一首個的平衡感.我就覺得這處理效果有點奇怪啦.

tinsly · 發表於 2011-7-4 04:32

本帖最後由 tinsly 於 2011-7-4 05:03 編輯

SACD才是皇道!!!!

小弟試咗咁多款不同格式的CD,其實一早已搵定我要追隨的門派 ---- SACD
Nat King Cole ---- The King Of Sound

這是小弟第一隻SACD,當時我買此碟,部SACD機還未入手的,也因為買了此碟,驅使我跌入這個深淵!!買齊所有“架生”去試何謂SACD!!!(一隻二百蚊cd,換來兩皮幾的代價,唉~)
試SACD有個好處,就係有Hybrid,可以tune只聽CD層,唔洗轉碟方便D.
我只講一首歌就得,因為我係一聽此曲就畀佢攝咗入去!!!!

Unforgettable
真係Unforgettable!!!!我先聽cd層,Nat King Cole把聲已經好正;
但一轉聽SACD層,係我有生以來,聽到最真實最完美的音樂!!!真係Unforgettable!!!!
Nat King Cole第一吓個“un”這粒音,好似在我身體內發出般;之後“forgettable”的震音,相比CD版,完全贏兩班波!!!那喉嚨震到我個腦呀!!!絕不誇張!!!那震音尤如小提琴的尾音,永遠不散~~~
總結:
就是這短短十幾秒,我就咁便成為了SACD奴隸了!!!!

等閒會講埋這隻:
Pink Floyd ---- Dark Side Of The Moon

另一隻令我發狂的SACD!!!