今天在二手CD店所聽到的對話分享

slche2001

今日響信和地庫行某二手CD店嘅時候見到有一位舖頭熟客攞起一隻碟，之後同店主有以下對話：

買家: 隻碟標價貴左啲喎

店主: 唔係呀，而家舊碟難求，家吓買碟唔諗得架，諗一諗想返轉頭買都可能冇左，港人又買, 同胞又買, 邊有咁多貨? 而家唔買遲啲可能得返容XX楊XX呢啲舊碟買，到時你仲買唔買？

買家: 咁又好似係

當然，大家可以話店主為左做生意梗係咁講，但其實每星期都會去信和行二手CD店的我都發覺二手CD店的貨好似少左好多, 好似上星期行信和10/F, 又聽到以下對話:

買家: 做咩仲唔上新貨? (當時大約5:15)

收銀: 上咩呀,今日冇貨上,今朝都只係得4隻廣東碟上架,其他全部都係英文日文碟,你話死唔死?

買家: 唔係怪!!!!

我好concern"而家買碟唔諗得架"呢句說話, 因為而家真係見到心水碟就要買, 冇得諗, 如果唔係真係返轉頭就冇左, 因為近來試過幾次都係咁.

純綷分享, 不喜勿插.

lamwaikit007

其實都是正常的。返番轉頭之前講的帖 "少咗人買碟"，看來是真的，試問一手都冇人買，又何來2手。

agic

lamwaikit007 發表於 2013-6-4 22:16
其實都是正常的。返番轉頭之前講的帖 "少咗人買碟"，看來是真的，試問一手都冇人買，又何來2手。

guppyguppyguppy

lamwaikit007 發表於 2013-6-4 22:16
其實都是正常的。返番轉頭之前講的帖 "少咗人買碟"，看來是真的，試問一手都冇人買，又何來2手。

試問一手都冇人買，又何來2手。

呢句看來是發自咁多人既內心話
{:9_430:}

ripslyme05

無一手碟何來有二手碟, 講得無錯
但仲有個現象就係...
依家多左網上平台, 好似丫烏, 數字台, 或者76呢度都可以俾大家放碟
試問仲邊有咁多人會去二手鋪放碟
好似之前有師兄問去邊度放碟好, 唔少人話唔好去二手鋪放, 話個價賤
話係講得無錯, 不過變相人地在二手鋪買到好野的機會又少左
眼見有二手鋪老板都要上丫烏"收碟", 可想而知依家仲有幾多人去二手鋪放碟

我唔係鼓勵大家一定要去二手鋪放碟 (申利 : 我本人不時都有上網放碟)
有時師兄有碟想放, 可以先試下上網放, 假如最後無人要咪拎去二手鋪放
可能只係收返幾草野, 或者幾蚊,
但假如日後人地在同一處買到你呢隻碟, 而感到滿足, 開心,
何嘗唔係一件好事?

keke323

信和 10f 我間中都有去....其實反正個價唔貴....有 d 仲 $18 有交易
唔立即買仲邊有得淨

jkd_ryan

師兄家陣碟可以即掃別想!真係轉頭就無!時下都上網拍碟,店都少貨了.另很多都被強國人掃起曬!唉!所以心想平平地可以便入啦!

lamwaikit007

因為小弟住香港 , 所以通常去 "信和10樓" 在銅鑼灣塘街的分店 及 地牢嗰間. 個度都分別幫襯超過10年及24年了.

Gentleho

lamwaikit007 發表於 2013-6-5 10:57
因為小弟住香港 , 所以通常去 "信和10樓" 在銅鑼灣塘街的分店 及 地牢嗰間. 個度都分別幫襯超過10年及24年 ...

Hi, chng, can you tell me where is the "銅鑼灣塘街的分店 及 地牢嗰間"? I live in N.T., so I am not sure ar, thanks