總算叫組好左自己嘅第一套野……LKS + 舊膽機 + KEF R300

windwolf447 · 發表於 2015-3-2 04:01

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 windwolf447 於 2015-3-2 04:03 編輯

小弟以前一直都係玩耳機耳牛同CAS，DAC係用LKS 雙ESS9018摩改版，再搭多部IFI IUSBPOWER訊號淨化。

近來開始踏入2聲道嘅世界，第一次搵喇叭嘅時候聽左KEF LS50一陣，感覺幾驚艷，再加上作為一個工程系嘅學生我對KEF嘅UNI-Q單元設計好認同好喜歡，由此就對KEF呢個牌子產生左好感。不過後來再試下其他喇叭同其他組合之後，又覺得LS50薄聲左DD，低音又有D唔太夠，但你話其他我BUDGET範圍內嘅喇叭呢，又唔係話好合口味，一係就仲薄聲，一係就難推。結果新年過後我BUDGET提高左，又去試聽，第一部就試左KEF R300，一聽我就覺得係我要搵嘅野!

R300比LS50要厚聲D，人聲比較厚潤D啱我口味，有個低音單元亦補足番LS50唔夠嘅低頻，潛得幾深亦Feel到幾有衝擊力，音樂嘅結像好清楚，D人聲同樂器好似你面前咁好立體，分析力唔錯，音場亦大，高頻亮而不刺，整體調音幾均衡中性，聽咩類型嘅歌都唔差。

不過由於我大部分時間都住宿舍，雖然我知咁樣放係枱面唔好，但都冇計，畢業搬番屋企再搞番腳架D野啦。

係店內試機時唯一我覺得R300有D不足嘅係欠左D空氣感(果時好似搭部成3皮嘅石機，牌子記唔清，P字頭)，所以我就想搭台膽機去推，因為以前係朋友度聽過佢SET野，果種開揚細膩又有D空氣感嘅聲我印象好深刻，佢果部係好耐以前出嘅叫藝術家CLASSIC NO 16.0 嘅膽機，唔出名，係北京一間叫羽商嘅公司出的，2003年果時攞過2個獎。本來佢打算放比我用，但因為某D原因佢又唔賣了，即時頭都大埋

。

好啦，去試AMP，試完一輪，我又唔太鐘意好HIFI好高清冇咩味嘅聲，有D機係好有味道但某D方面嘅質素我又唔係好滿意(例如ONIX A65，馬仔PM8005，同某D大陸膽機)，遲遲落唔到決定……結果估唔到我又求左2日朋友佢最後都係賣左部膽機比我

喇叭線方便我用左47LAB嘅單蕊線，以前買過黎做XLR，效果好好平靚正!
http://www.cynicalaudio.com/2012/12/47-lab-strotos.html <--有關47LAB STRATOS單蕊線嘅REVIEW

RCA就係BRIMAR單晶銅線，亦都唔係咩貴野。

CLASSIC NO 16.0係台音響性好好的膽機，膽味偏淡一D，但正好係我想要嘅平衡點上。最後呢套野播出黎嘅效果暫時黎講已經好滿意，

聽GUNDAM THE ORIGIN 嘅星屑の砂時計時，
[YoutubeHD]F5LRhBbRMvI[/YoutubeHD]
女聲輕柔細膩而帶一分清甜，有線條，結像好清楚咁係你面前，伴奏樂器泛音好充足，豎琴聲清脆得黎唔會吉耳，去到高潮部分控制得亦好，冇鑊氣。

再聽下D大棚D嘅爆D嘅野，WOODKID嘅RUN BOY RUN，
[YoutubeHD]lmc21V-zBq0[/YoutubeHD]
呢個時候我會調部機由三極管模式轉去ULTRA LINEAR模式，推力大D對應番呢類歌。主唱把聲對比我平時用CM耳機聽起黎好似年輕左一DD冇咁沉實，我估我呢SET應該都係聽女聲會更合適一D。不過低音部分的確打得幾深幾實淨，唔會拖泥帶水，整體定位都好清楚。

暫寫到呢度，新手入門，寫唔到好多，多謝觀賞，

以上。