《鐵甲威龍》2014 觀影小報告 (無劇透)

ayhc

keke323 發表於 2014-2-16 23:48
又未至於差....不過無我預期咁好睇之嘛

會不會好像total recall?
新版好失望

keke323

ayhc 發表於 2014-2-17 01:05
會不會好像total recall?
新版好失望

total recall....呢套我都覺得只係一般

DVD迷

新版真好失望，體型怪怪哋，黑色仲衰，成隻大甲由，黑得來又似飛虎隊，完全唔型，動作太快，冇左經典一格格動作味，失望，失敗之作

SonSon

個人覺得同舊版結構分別唔大, 由初版戰衣至中段黑色戰衣至尾段回服銀色就好似梅菲終回歸人性一面, 動作場面不太吸精, 可能係地面戰為主, 基頓出場差D唔認得, 話晒係蝙蝠俠嘛, 積遜間場出現, 冇乜扇風點火, 浪費咗一個好腳色, 特技方面解構梅菲一幕算最出色, 可能唔係睇IMAX, 又唔覺動作時太搖. 總結又唔係非看不可, 但睇咗又冇損失一套翻拍片

gashapon

我自己就覺得好睇. 雖然唔想同舊作比較 (因為根本是2套不同的電影) 但身邊唔少朋友都有咁比較所以我都講少少啦.

新版基本上只keep了主角同"robocop"呢個名, 大部份都係無跟舊作. 我覺得新作比舊作進步的係佢對現今社會的諷刺比較貼近. 好似選擇性去比觀眾睇OCP想睇的資訊. 點去利用傳播界 (sammual jackson個show)去影響大家的judgement等.

前作係主角死o左, 但由於人腦還在因此由一個"機器"變了有人性. 而新版就係一個人點去扮機械. 而且新robocop都比較現實, 例如無o左不死身, 中槍中得多都會死等等. OCP為o左做場show等自己d機械人可以打入美國市場, 就攪一場大戲出黎, 整隻robocop做demo. 後來見佢唔係太受控就想"scrap"o左佢.

不過有幾點我覺得可以做得更好的, 例如:

1) 開始時講o左好多線, 不過最尾好似唔夠時間咁, 快快手收工講結局.
2) 主角變了"gordon" 同"batman"大鬥法, robocop反而好似變o左配角咁~ XD
3) CEO雖然唔算係一個好人, 不過佢都係想做生意姐, 無啦啦比人射低o左. 唁通下集會由CEO改造成robobat對付返robocop? XD
4) "復仇"線唔算強, 攪到壞人都流流地, 幾下就比人埋單
5) 講到robocop一連上web就馬上搵到d壞人, 甚至佢點"死"etc. 咁係代表班警察受賄唔去查, 定係連睇video去搵證據的能力都無??   

ayumi678

今日睇左IMAX 好唔好睇我唔講了大家都講哂了
主要我想講阿robocop 打209個段真係好勁!!!!  單挑6隻 209  好震撼~~~~~

@肥狗仔@

影評已經交犒~今次似分析多過齋評~另送上有趣粉絲圖一張~

Billyjean

我自己覺得新版故事都幾刻意與舊版背道而馳，如不想劇透請止步：

例如舊版的局長係老實好人，而開發的主管只視Robocop係product，今集都剛巧相反。Robocop本身更是刻意有別於舊版，除了大部份時間刻意塗裝成黑色外，沒有三大規條所限及身體動作靈活沒有刻意機械化，舊版是技術所限，全機械的ED209不濟才開發半人半機械的Robocop，今集是一早已有更完美的機械人，但普羅大眾不接受才需要半人半機械。男主角再不是一開始失憶機械化，發夢後才回憶起來回覆人性，而是倒轉一開始沒有失憶，慢慢因為表現被博士削去情感像機械人，最後因為關心兒子才能回復人性。而新版劇情內最具像徵的意義莫過於Robocop的右手，舊版佢係一被兇徒捉住立時射斷已不知所踪，但今集卻刻意於受傷後保留作為人性化嘅像徵。


好在二月中喺旺角新世紀廣場重開的戲院睇咗IMAX版，同一個星期四已經得返普通版

@肥狗仔@

加返條影評連接先^^

http://www.post76.com/wordpress/?p=51344

@肥狗仔@

Billyjean 發表於 2014-3-2 03:52
我自己覺得新版故事都幾刻意與舊版背道而馳，如不想劇透請止步：

例如舊版的局長係老實好人，而開發的主管 ...

新世紀個IMAX比想像中差，佢本身幅牆比較細，觀眾席離個幕又近，同iSquare冇得比，純粹叫做交通方便咁解。

哩套戲出碟應該會買返黎睇多次，其實入面講嘅野算係畫公仔畫出腸，舊版三項指令的確冇必要再出現(雖然IMAX海報抽左黎做標語= =)，始終舊版強調嗰種作為機械人嘅服從性，新版將哩類指令簡化成"軟件控制"，第四項指令就轉為可著上身嘅免死金牌。當然新版係傾重於另一個主題，時間有限無關痛癢嘅設定比我都可免則免。