KEF Reference 1 開箱 (加少少相同大合照，report仔在p.10)

kc275

HenryHou1 發表於 2014-11-28 17:02
帥兄又有興趣？好嘢
其實你同老麥mc275有咩關係呀

C兄及 Jackt兄 ,其實係無嘜關係嘅,不過貪佢易記之嘛

kc275

HenryHou1 發表於 2014-11-29 09:32
睇下今日有無時間寫少少，聲音大致上已經穏定落嚟
暫時已經都係win R series好多喇 ...

新喇叭通常係先穩定,後進展

HenryHou1

HenryHou1 發表於 2014-11-29 09:32
睇下今日有無時間寫少少，聲音大致上已經穏定落嚟
暫時已經都係win R series好多喇 ...

好，同喇叭相處咗接近一個禮拜，可以當佢進入狀態，當然希望佢會好落去但大概知道個表現係點
以下既聽感都係同R300既比較(亦係相同器材，無郁過)，如果只講到幾好都無用，我既好唔等於你既好

高中低音都有增長，高音照舊開揚但量感多咗，中音密度極強，清晰度亦唔係之前可比的
小弟之前對R300擺得比較闊，如果唔toe in個結像會好hea...但新既聲音擴散角度很好，完全唔洗toe in已經可以攞到好好既結像，人聲好出，口形適中，唔會太細(個人唔鍾意根櫻桃小嘴，你聽過真人唱歌佢把聲都唔係由一細點出)
低頻既增長就最誇張，聽大型音樂時終於會聽到一個大型既定音鼓係面前，R300既鼓同佢比只係一個小朋友鼓仔係度努力咁打，REF1不停強勁既抽擊令我實在喘唔過氣...而且終於可以有所有樂器一齊播時掃地下既感覺

音場既邊界唔算有明顯既加闊，但由於最左同最右既聲密度有增強你都可以話算係闊咗，而由於毎件樂器既聲音密度都堅咗令我感到音場規模強咗好多好多...

長筒vs短筒:由於對嘢跟嚟既係長筒，我開始時係用長筒試聽既又覺得OK，但係突然聽到屋企人一句"乜個大提琴柔咗咁多既?"當堂一盆冷水潑落嚟，好似係喎﹖轉返短筒先，咦，好返啦，大提琴既木箱共鳴返晒嚟，正！
但係咁樣煲咗幾日連啲小品啲BASS都令我有點吃不消，最衰既係連睇Masterchef都睇到打心口﹖地獄廚神一路鬧啲candidate我就一路俾啲莫明奇妙既bass打，做咩連我都罰埋﹖
所以今日又用返長筒，低音正常返又變返一隻有機會潛深啲既書架喇
你地睇完呢幅圖就會明喇，長筒早啲開始roll off所以mid bass會輸蝕，但係最底會潛多一啲，短筒就拳拳到肉但就超低欠奉


易推-之前sensivity 85db vs 88db既憂慮一掃而空，我而家已經可以用返以前既音量去聽音樂而個量感密度都嬴到開巷.....今次亦教曉我唔好用靈敏度數字去睇佢易唔易推，呢個世界係有凝聚有力既85db亦有鬆散既88db架(唔係話對R，但你會明我想表達啲咩)
兄弟們，如果你用緊R或LS50又想upgrade的話，唔洗擔心，去馬啦

最後小弟想講下心目中既喇叭要求係希望盡量中性，因為咁先會可以播好多啲類型既音樂，唔會偏食，例如你厚聲就會播大嘢時唔夠爽快，音色過份柔美咁播強勁既音樂又會唔夠過癮
亦因為咁，對喇叭由於好容易反映前端既音色所以如果配搭不當係比較容易出衰聲架，我唔知係咪因為咁有人覺得佢偏快唔耐聽，但係只要花多啲心機落去玩好佢，係可以做剛柔並重架

再一次多謝支持開箱同加分既師兄呀

samuelt

HenryHou1 發表於 2014-11-29 19:17
好，同喇叭相處咗接近一個禮拜，可以當佢進入狀態，當然希望佢會好落去但大概知道個表現係點
以下既聽感 ...

Henry 兄，多謝分享，建議煲過大若300個鐘後再換筒比較下，可能會有驚喜！再者，如果可以拉離牆壁多一兩尺，啲低音會較自然及全面。無論如何，多謝，以後還要update下喎！

HenryHou1

samuelt 發表於 2014-11-29 21:05
Henry 兄，多謝分享，建議煲過大若300個鐘後再換筒比較下，可能會有驚喜！再者，如果可以拉離牆壁多一兩 ...

低音只會愈嚟愈多愈順愈鬆的.......
我其實經常拉出拉入去搞返正平衡度既，不用擔心
經驗話我知用咗短筒對喇叭要放出少少而長筒需要靠牆放一點
好多時我見人擺喇叭都會想佢拉出啲，你既意思我完全明，但係其實係要用聽去而唔係用眼去睇

kc275

HenryHou1 發表於 2014-11-29 19:17
好，同喇叭相處咗接近一個禮拜，可以當佢進入狀態，當然希望佢會好落去但大概知道個表現係點
以下既聽感 ...

睇完你咁講就知道對喇叭未煲起，繼續努力

HenryHou1

kc275 發表於 2014-11-29 22:02
睇完你咁講就知道對喇叭未煲起，繼續努力

當然啦，真係要煲好無半年都唔得啦
不過就我所知低音通常係最後先搞掂所以每晚都係只俾細細聲低頻佢食.......

blackcolor

好。。。















。。。毒！！！

HenryHou1

blackcolor 發表於 2014-11-30 09:01
好。。。

兄台，你都係換機先啦
我好肯定你未聽過你對LS50威猛既一面........

momolee

blackcolor 發表於 2014-11-30 09:01
好。。。

食左大力丸既ls50 真係唔同d 架