如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 ropresident 於 2015-7-23 18:19 編輯
好耐無同大家分享了~~~~ 大家仲記得小弟嗎?
呢幾年黎小弟都轉左唔少野, 可以話所有器材同線材都UPGRADE左.
點解小弟又會無啦啦開POST分享呢? 話說以前團購識落D師兄, 有D師兄都好喜歡玩INAKUSTIK 603, 有幾個更加玩到DOUBLE-RUN. 當我知道NEOTECH有新野, 而且仲要係鍍銀, 我就諗都唔洗諗就同D師兄夾份買左D返黎用. 不過其中又有幾個師兄講唔聽, 打死都話603好唔賣走佢, 到而家都仲用緊DOUBLE-RUN 603.
直到上星期我帶左批新線比佢試, 佢就話我唔夠兄弟, 唔一早叫佢轉新野. 兄弟, 我幾星期前已經打比你講過有新野, 果時係你自己話食緊樹皮炸!!! 唔係我無通知你 !!! 唔好賴我呀 !!! (打咁多字好, 對小弟呢D語文能力差既人來說好辛苦嫁  )
回歸正題, 今次有幾條線介紹比大家(沒有DIY教學), 因為大部份師兄都唔係經常做線, 手工一定有所不足, 小弟代為處理, 小弟都安心好多, 以免發揮唔哂D線既實力. 不過小弟希望大家加下分, 比D動力小弟寫得詳細D吧 
今次要介紹既線, 屬於NEOTECH 最新一代既鍍銀線.
電源線NEP-3001 MK3 , 訊號線 NEI-3001 MK3 , 喇叭線 NES-3004 MK2.
大家都知道"好銀"一定貴, 我地呢D入門級人士都好難"有銀用".
不過今次小弟終於有銀用啦~~~~ 實在太感動!!!!
呢一代既線材並唔係全條線都係鍍銀, 而只係部份鍍銀. 原因好簡單, 全條鍍銀會令聲音向上傾斜, 令聲音失衡. 反而現在部份鍍銀就可以令細節, 空氣感, 音場, 聲音線條得以大幅提升! 再加上NEOTECH本身既單晶銅, 就可以做到強而有力, 低頻下潛好, 收放自如, 絕不拖泥帶水. 最緊要係唔高頻唔會吉耳, 可以放心大量使用!
NES-3004MK2 喇叭線 :
大家最關心既係, 如果同INAKUSTIK 603作比較, 聲音質素差幾多呢?
呢3年半時間, 相信都已經有不少師兄試過INAKUSTIK第3代線材(603, 803, 1203, 1603, 2404). 小弟都玩過603, 603 DOUBLE-RUN, 1603, 2404. 但好老實講, 2012年出既線材始終係2012年既事, 今年係2015年, 世界都轉變不少. 已經有不少線材相繼面世.
以603 DOUBLE-RUN同NES-3004MK2作比較, NES-3004MK2音場係明顯更深闊, 高低頻伸廷更強, 細節, 密度更豐富, 更幼細.
小弟大膽以此假設: INAKUSTIK 603係上士, NEOTECH NES-3004MK2則係一等士官長. 換句話講, 上士只係做到上士既能力, 就算10個上士都唔會有太大改變, 始終比唔上1個士官長~~~~~
NES-3004MK2 最重要有3點 :
1) 一對喇叭線一定會作聽歌睇戲兩用, 603既低頻不足問題人所共知, 但3004MK2就能夠滿足大部份人, 而且更具爆炸力. 睇戲比603明顯更為合用! 聽歌亦非常稱職! 
2) 8芯獨立設計, 可以作2出4之用. 飛走JUMPER令聲音更直接, 更慳成本!! 
3) 3004MK2 可以直接挑戰INAKUSTIK 1603呢個級數 (以不太大食喇叭為例), 絕對物超所值!!!!
NEI-3001 MK3 訊號線 :
如果以$2000價位買一對1.5米訊號線, 以前小弟都會建議大家玩NEOTECH NEI-3001 MK2, 因為聲音有力, 分析力良好, 動態充足. 但而家有更好選擇, NEOTECH NEI-3001 MK3 ! 多左鍍銀部份, 效果同喇叭線一樣. 不過小弟發現有樣野幾特別, 原來訊號線多左銀, 可以令聲音既定位高度提升. 原本既人聲可能會覺得似坐係到唱歌, 而家既人聲就真係企係到唱歌了!!!! 而且聲音非常通透有質感, 唔係好多入門級線材能夠咁全面做得到.
NEP-3001 MK3 電源線 :
呢條電源線對小弟黎講真係愛不惜手. 話說小弟以前套AV既電線都係用NEOTECH NEP-3200. 自從賣哂之後就無電線用, 到而家都係! 但係NEP-3001 MK3同NEP-3200比, 明顯多左一份銀味. 雖然低頻下潛力差過NEP-3200些少, 但考慮到價錢只係NEP-3200既1半都唔洗, 最緊要係無其他線咁粗聲粗氣, 點計都抵買啦掛 ?
唔知係唔係NEOTECH既產品質素比較好, 如果由頭到尾都用NEOTECH線材, 佢會將之前做到既能力傳到下一個, 直至去到喇叭, 聲音有加成效果.
以低頻為例, 假設電源線開始係比到100%, 理論上去到喇叭都應該有80%.
但如果中途換左D質素發揮得唔夠好既線材, 去到喇叭可能得返60%.
呢個咁得意既問題留比各位師兄解答小弟啦~~~~
多謝各位師兄賞面支持!!!!{:9_434:} |
[複製鏈接]
發表於 2015-7-23 16:33
