2016日本摷碟全攻略~東京+名古屋+大阪 (已更新#5)

takeishi

chopinlau 發表於 2016-3-2 02:04
大須是否“上前津駅”附近？
(Post76 Android 手機版送出)

  好啦~見你就快出發. 我趕緊加快 UPDATE 名古屋俾你參考下啦.
基本上我之前已經答晒你所需既問題架啦. 你真係放心呀. 名古屋. 好鬼死細架啦.
就係因為佢細. 所以幾好行. D野夠集中. 之前我都講過. 基本上. 你搵碟. 真係去"大須"得架啦.
晌大須已經有好多間二手碟鋪. 黑膠碟膠. 各式各樣. 咩都有. 不過買新碟就要去HMV啦. 要去榮果邊買.
榮. 大須. 名古屋站. 你睇下地圖. 好鬼死近架昨. 真係行都行到過去架啦.

  我上次住果間酒店晌"伏見" , 十分之方便. 我行過去大須觀音寺只需十分鐘.
行去榮亦都係十分鍾. 你住"上前律" 位置就落左小小. 不過. 行去大須都係好近架昨.
你住兩個站去榮都好方便. 總之. 你重點行"大須"啦. 包你搵碟搵到開心死.

chopinlau

takeishi 發表於 2016-3-3 11:23
好啦~見你就快出發. 我趕緊加快 UPDATE 名古屋俾你參考下啦.
基本上我之前已經答晒你所需既 ...

多謝回覆，我到時是住名古屋駅附近，過去大須都好近！
(Post76 Android 手機版送出)

chopinlau

nippon 發表於 2016-2-29 13:02
感謝師兄祥細報告！唔知幾時有大阪篇，因三月會去大阪啊，多謝師兄分享！ ...

http://post76.hk/forum.php?mod=viewthread&tid=210263
我上年都是跟這編搵碟！

audiophile_ed

系大阪 DISCJJ 搵到的BOWIE LIVE LP

點知返到去一拆開，竟然有DAVID BOWIE 親筆簽名。。。。。。

takeishi

audiophile_ed 發表於 2016-3-7 00:10
系大阪 DISCJJ 搵到的BOWIE LIVE LP

點知返到去一拆開，竟然有DAVID BOWIE 親筆簽名。。。。。。

  呢個簡直係超級大禮+驚喜. 樓主真係幸運.

nippon

樓主！我後天就出發去大阪，誠心希望樓主可盡快出大阪篇！萬分感謝！

takeishi

nippon 發表於 2016-3-9 15:58
樓主！我後天就出發去大阪，誠心希望樓主可盡快出大阪篇！萬分感謝！

  嘩~咁趕呀. 我盡量啦.
不過呢. 你可以睇番我上年都有介紹大阪架. 其實都係果D地方. 不外乎都係梅田同難波架昨.

http://post76.hk/forum.php?mod=viewthread&tid=210263

  你先睇番我上年介紹都已經介紹左9成既大阪碟鋪架啦已經.
俾D提示你先. 搵JAZZ既. 梅田有兩間好多既. (有朋友問過我大阪邊度有JAZZ既二手碟) 唔記得係唔係你啦.
另外. 難波~你要預好多時間俾佢. 因為難波果邊淨係一條電電城昨. 已經數得出有十間八間啦. 可能唔止架.
你集中火力留晌難波度慢慢搵啦. 我都用左兩日時間晌難波搵碟. 搵到好多好野. 包你買到一大喼返香港呀.

takeishi

nippon 發表於 2016-3-9 15:58
樓主！我後天就出發去大阪，誠心希望樓主可盡快出大阪篇！萬分感謝！

  見係你昨. 我已經UPDATE左大阪梅田. 重爭難波.
其實. 難波. 唔駛我介紹都得架啦. 你預足一整天時間行難波啦. 全部行晒佢. 所有大街小巷都唔好放過.
晌難波大大話話有十幾廿間碟鋪. 我真係驚你一日都行唔晒呀, 不過. 難波果邊D碟鋪有D收好早架. 8點就收架啦.
你最好由朝開始行. 唔好太夜落去. 因為好多都收好早.

  難波~絕對係重點要去搵碟既地方. 你集中晒你既財力. 腳骨力晌難波啦.

nippon

超級感謝師兄提供資料,我正正住在難波,睇來要强力要求老細比我多些時間!
(Post76 Android 手機版送出)

takeishi

nippon 發表於 2016-3-9 22:24
超級感謝師兄提供資料,我正正住在難波,睇來要强力要求老細比我多些時間!
(Post76 Android 手機版送出) ...

  知你聽日出發~難波我就整唔切架啦. 實在要用太多時間啦.
不過唔緊要. 正如我所講. 你主力行晒難波. 日本橋~即係電電城果邊就得架啦.
全數二手鋪全部晌晒日本橋度. 呢個地圖係各碟鋪分報圖. (不過唔UPDATE架啦)
只係俾你睇. 基本上晌晒呢個位置架啦. 唔駛驚. 去到慢慢行. 包你搵到十間八間.