家訪「八爺」: Diamond 12.2 的蔗渣價錢，玩出燒鵝味道

小瑟

oakley999 發表於 2021-3-27 08:49
八爺係我偶像黎架

八爺係hifi界真係出哂名勁, 尋日一見真係學到好多野, 遲下條片我地會將八爺同我地傾計既野都比大家睇返. 希望大家都可以好似小瑟咁, 將玩hifi變成玩, 唔係比佢玩呢!!

aj2008

首先多謝Post76安排咗今次非常難得既機會，之前在FB已經知道八爺大名及勵害，果然名不虛傳！

小弟玩二聲道十多年，為求靚聲自然換器材無數，但原來重點係器材即使upgrade了，但技術無法突破，concept走歪了，則只流於玩器材或比器材玩，好難靚聲了。

好！長話短說，先分享吓在八爺裏的聽感....立體 ，包圍，細節出哂嚟，所有聲音線條好清晰，沒半點含糊，特別係低或重低果浸，多多都有呀！


當聽演唱會特別開心及投入，完全比到現場既感覺，當然係講緊坐貴飛頭幾排果種聽感，舞台既闊且深，唔同樂器各施其位，主唱當然响正前喇叭後面既頭頂位置，但最最重要係完全比到現場既氣氛，音樂感滿分！

若果講take away...魔鬼在細節！喇叭擺位係重中之重，若果攪不好的話大概應該只能發揮喇叭既三五成或更小...電源係基礎，沒攪好的話等於器材沒吃飽，何來發揮呢？八爺對諧震處理超講究，落了很多心機比較研究，然後調出他喜愛既聲音，坦白講這一項目是最困難的，用乜物料用幾多放邊個位置，因結果千變萬化，及極需耐心，但總算確認了日後我自己要注意既地方。

原來喇叭不一定要加釘加墊再加老鼠，原來CAS不一定要加switch加router加光纖盒再 N個LPS先叫好...當然我唔係話以上係錯既，請勿自行對號入座。我只是想説原來玩HiFi 要靚聲原來可以有唔同既路徑啫。

雖然八爺主題是簡單，音樂，生活，原來他的簡單一點都不簡單。他的簡單已是一個境界，一個修練既結果，中間係超多魔鬼細節！

最後必須一提對Diamond 12.2，真係有冇九両菜呀，幾K身價，竟然可以造到咁既效果，聽到懷疑人生⋯人生原來現代既喇叭科技已經可以造到咁樣，我自己最鍾意佢播live，完全唔識得點對佢挑骨頭，唔識講呀，有興趣自己去11樓開耳介。

最後必須多謝76，東哥及八爺！特別係八爺既無私招待及分享！當已經去到山之嶺卻依然樂意教吓我地尼D响山腳不相識既小輩，Respect！

pac

aj2008 發表於 2021-3-27 11:32
首先多謝Post76安排咗今次非常難得既機會，之前在FB已經知道八爺大名及勵害，果然名不虛傳！

小弟玩二聲道 ...

玩好電同震已經成功左一半

issachar

aj2008 發表於 2021-3-27 11:32
首先多謝Post76安排咗今次非常難得既機會，之前在FB已經知道八爺大名及勵害，果然名不虛傳！

小弟玩二聲道 ...

見到師兄同八爺討論我完全搭唔到咀

issachar

pac 發表於 2021-3-27 18:07
玩好電同震已經成功左一半

去完拜訪八爺，我覺得對震要有重新既理解

issachar

小瑟 發表於 2021-3-27 08:58
八爺係hifi界真係出哂名勁, 尋日一見真係學到好多野, 遲下條片我地會將八爺同我地傾計既野都比大家睇返.  ...

好期待重溫，此行比我預期學到既更多！

SimonHon@FB

現時音響太商業化，一味鼓吹買買買，貴貴貴。只是買器材不送技術，room acoustics 要用細心耐性試出來. 我覺得八爺是刻意用平民器材打造皇帝享受, 令玩家有更多思考.

EricTse@FB

玩Hi Fi最重要個環係經驗同技術大過一味掉錢換機，
個人經驗玩好套自己音響體系要耐心細心去改善調聲，
就算係一套入門平價音響組合只要耐心去改善音色都能夠可以發揮表現，
有時候唔到你唔相信一套平價音響組合經過大改善後音色好接近旗艦機表現。

ATC7

歷史重溫

ChakyBruce@FB

我都上過去八爺到，簡約佈局，無天價器材，係果到聽歌，簡單講- 會睇到畫面