試玩分享︰德國 Rein Audio X-DAC

odin1983 · 發表於 2012-1-9 02:19

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 odin1983 於 2012-1-10 14:11 編輯

係76都打滾左一段時間，首先多謝小瑟及大佬Ken的賞識，可以比小弟有更多的機會學野啦，作為HIFI及CAS版版主，其實小弟發言唔多，係76長老前面小弟其實只係個BB仔，最多就係分享下對CAS的個人感受，同時帶比CAS新玩家小小建議。每個人玩CAS的原因都唔同，小弟會玩CAS係因為自己熟電腦多於音響，加上房仔細細，所以初玩音響時以耳筒及DAC耳擴的一體式產品作入門，玩玩下就踏上了不歸路。玩了CAS後，發現生理、心理同社交都有許多的轉變，身體經常身癢，心理上就患上了購買成癮症…….社交嘛，現在的朋友個個都販毒的…….真係況死你唔死。

好啦！廢話講完，近排見論壇上面好多人對呢野隻有興趣，小弟就索性開口問小瑟借隻野玩下，當係學下野，加上係9周年大會聽到版主Chimkit話呢隻野砌低左佢隻Gracenote M903，D對白好似Sales講野，為左証實係唔係咁堅，我索性拎左呢個德國佬返屋企同佢相處下。無錯~！呢隻野就係Rein Audio的X-DAC啦！

一開盒望到部機，發現部機無咩特別，就好似小瑟咁講「簡簡單單, 黑色機身」

再望埋個patpat，果然係有齊USB RCA 同軸 XLR同光纖，都真係幾夠洗
二話不說，搬開我部北極星，插好線試試隻野先，今次的測試同小瑟唔同的地方係，小弟手上有平衡線，又有一條朋友DIY的RCA，仲有2 Chanel Amp，應該會比小瑟套「油麻地組合」好，小瑟呀小瑟，你快D返部2 Chanel amp啦，我可以話你知係兩個世界黎架，呵呵！借少少版位都要毒下你，至於USB同電源線我就用返普遍野算啦。

小弟喇叭用QUAD 9L2，INT AMP係Roksan M2，呢套組合算係典型英國聲底，不過聲又唔會好慢，厚暖耐聽但又有D亮麗，相信同M2我聲底有關，甜而不膩，不枉我食住樹皮去買。我自己真係幾鐘意呢隻聲，傳統得黎又唔會老土。由於小弟聽人聲小品為主，第一時間就拎隻Nah Youn Sun的yoyage，去試試佢，呢隻碟真係好野，錄音質素好高，老虎魚錄音真係堅料，第一時間就按去我最鐘意的第八首「Shenandoah」係一首美國民謠，係咁多個版本入面小弟最鐘意Nah Youn Sun呢個爵士版，背景相當簡單，只有一個琴同一支結他，開聲果下真係有D驚起，無電腦機械聲，比想像中有HIFI味，人聲線條較出，有感情，有餘韻，音樂感幾好，結他feel到彃跳力，係琴聲襯托下，個mood好好，夜晚聽靜靜地，感覺幾enjoy，聲音耐聽討好，聽下聽下就跳左入首歌的故事度。

試完之後，又再試下D複雜小小的歌曲，拎左隻CELTIC WOMEN the greatest journey出黎聽下，試聽you raise me up，相信呢隻歌咁出名都唔駛點介紹，一開聲係一段小提琴，非常誘人，音樂感唔錯，如果用平價DAC，如未Mod過的MD10，呢段小提琴會又乾又冷，人聲合唱會一pat野，so far X-DAC係呢方面表現唔錯，相比起我以前用開的audiotrak dr. dac2 dx，更有音樂感，人聲豐潤，因為呢隻歌我以前用舊DAC時成日聽，所以可以比較到出黎。更再仔細聽落去，發現人聲同樂器分離度都唔錯，聽到一半果時，我刻意轉輸入，去試埋部機個XLR，Early Bird 線特色係平衡抵玩，雖然轉左之後人聲後移，雖然人聲平坦左，但增益大左，背景亦同時靜左，比起用RCA果時靜左，高中低三頻真係非常平衡，個人認為X-DAC的平衡亦做得唔錯，但用唔用就睇個人喜好，如果聽人聲為主，可能用在X-DAC上用RCA會比較好。

同自己相處得最耐的DAC係audiotrak dr. dac2 dx，DAC Magic同埋依家用緊的北極星DAC32，個人認為DR.DAC 2及DAC Magic，可能兩部都係早期的DAC所以聽感較冷之餘亦多少仲有D數碼味，作為入門器材基本上X-DAC係比佢兩隻優勝(價錢都比較貴)，當然如果要同我手上的DAC32比得罪都要講句係無得比，DAC32的音色是華麗悅耳，柔和耐聽，D餘韻好似繞幾個圈先走，餘韻同餘韻間修飾得好靚，而且聽感非常順滑，好似絲綢咁，X-DAC跟DAC32比餘韻收得比較快，而且餘韻間帶有少些毛刺感，當然只是跟DAC32比，當然我都要講清楚一部DAC32的價錢可以買到兩部X-DAC……..甚至搭多條兩線都仲可以。咁比當然係唔公平啦，但我最熟只係呢幾部DAC，其他唔敢亂講啦。雖然我試完之後都係換返我部DAC32上去，不過以5千幾的價錢又有全平衡玩，如果聲底岩其實都抵玩，睇佢開機相都足料的，晶片又係新野，真係唔錯架。如果5千幾呢個價位係大家射程之內，藉得去試下呢隻野，再唔係等我還返比小瑟之後，大家問佢借黎玩下啦，如果你地想問odin估唔到你咁理性唔落毒，無把握嘅野我係唔會做架，如果一定要毒，我都毒死小瑟先啦XD！

最後都想回應一下版主chimkit，試過X-DAC之後，我發現唔係M903被X-DAC砌低，而係兩舊野取向唔同，X-DAC係用HIFI取向去調聲，音樂感好，人聲突出，M903屬於Pro Audio產品，所以較為清淡，感覺上聲音取向無咁誘人，但要用聲音質素去睇M903其實係對得住佢的身價架。