圓方 HMV

dragonyam

其實圓方真係唔多就腳，仲要隔離左右都係地盤...

yaufung

真係精明呀，download iso 咁大聲咁醒目牙！
frankiewoo2001 發表於 2012-2-6 22:28

    買碟都係出於一份尊重，同埋有閒錢

曾經識得有朋友可用的錢不多，但每個月仍會看少量電影，其餘的都是下載，那朋友真的是尊重電影，只是根本沒有多餘錢去買碟，我也會尊重那朋友的(被)選擇，如果真的是冇閒錢買碟的朋友買老翻或下載
但如果只係覺得一套戲唔值得比錢睇而去下載，重要笑人地用三百蚊(hangover II 唔使二百，我睇完放左百幾)去睇，就有點兒.......如果你覺得一套戲唔值比錢，點解你唔選擇唔睇呢？
如果每一個人都覺得港產片唔值，未睇就覺得唔值，未知套戲講乜就覺得唔值，好快港產片就會消失，the city is dying 就係咁，連香港人都唔去維持香港的價值，咁我地下一代可以點算？

講完，不喜勿插

frankiewoo2001

對唔住，我真係唔同意，根本買老翻或下載就同接贓一樣，冇人搵枝槍指住你個頭叫你一定要睇某套戲，你呢期冇錢既咪等特價，又或者VCD都得，呢個絕。對唔係尊重唔尊重電影既問題，點解個concept可以扭曲得咁緊要？？

ihmcjacky

回復 47# aq2007
希望c兄唔好覺得下載係理所當然,好似老奉咁...咁樣邊有電影商再肯出碟出戲？

我都有download過,亦知道咁做係唔啱,真係唔好有個感覺係覺得download係理所當然,仲好似啱哂咁

elkk

同意。
套戲好睇值得收藏咪買碟、只值一看租都得、垃圾片咪唔好浪費時間去睇。
每個人都有自己的選擇及自由。人o地付出努力拍片當然希望有回報，相信大家返工都希望有人工收唔係白做。
唔想付出、唔緊要自己知好了。攞o左人o野多謝都無一句，仲o甘理直氣壯會唔會過份o左小小...
如果所有人只係 download，我相信無人會做傻仔再去拍戲了。

941010

我記得八十年代嗰陣，係帶住一個期待嘅心，去唱片鋪等心儀嘅歌手隻碟新鮮出爐，
一個製成品在手嘅感覺係好滿足！
今時今日聽歌同睇碟，我仲會有滿足嘅感覺，因為欣賞嘅同時仲有埋個包裝，
係一種實物在手嘅滿足感覺!

呢一代音樂同電影太容易捶手可得，
恭碩良講過，十幾年前佢出碟，
出咗唔夠一個禮拜網上已經可以免費download，(當時係盜版年代緊接download年代初)
佢已經意識到做歌手係死路一條，於是轉行，輾轉而家要做musician，仲好....

久而久之，好嘅歌手唔會貢獻返呢個樂壇，
相同道理，好嘅演員/導演都唔會俾到啲好嘢個電影圈!
個世界變得太方便，人係冇辦法抵擋，
但我哋呢啲六/七十後嘅死老嘢，
係有少少責任教導下一代乜嘢係知識產權，
唔好以為而家個唱片工業會救得返呢個樂壇！





我希望以後仍然可以有呢種感覺，
希望唱片行業人士可以諗啲辦法，

yaufung

我記得八十年代嗰陣，係帶住一個期待嘅心，去唱片鋪等心儀嘅歌手隻碟新鮮出爐，
一個製成品在手嘅感覺係好 ...
941010 發表於 2012-2-7 15:03

    第一代iPhone 開始已經期待可以在itunes 買廣東歌，不過依家都未有，反而用外國a/c 仲買到少少
我都有比月費聽歌，但CD 就真係冇再買(live 就比以前買多好多，不過都係blu-ray)，因為近幾年買回來的CD 全部都係冇開封過，有時香港唱片公司都要思考下有冇回應過市場需求，香港有itunes 的話我諗我每年會買百首以上

以前學生時代，我都會去唱片鋪帶住期待買/等一隻碟，但依家唱片鋪有幾可會見到後生，學生更加唔使講

rikota50

我到而家都仲好Enjoy買隻新CD返黎, 用指甲係個CD盒邊界開個透明膠袋,打開盒, 拎本歌詞書出黎睇下,再放隻CD入CD Player聽歌個感覺.

yaufung

我到而家都仲好Enjoy買隻新CD返黎, 用指甲係個CD盒邊界開個透明膠袋,打開盒, 拎本歌詞書出黎睇下,再放隻CD ...
rikota50 發表於 2012-2-7 15:30

    我呢個感覺發生在blu-ray 上

rikota50

回復 59# yaufung

Blu-ray Movie 我得好少,我仲係鍾意去食住爆谷入戲院睇第一輪新戲, 睇完又可以成班Friend食宵夜一路講返D劇情, 反而買果D Blu-ray主要都係演唱會