我開始要認真了。。。

kaiyau

各師兄好，自從我阿仔半歲左右，發覺影相唔可以再用手機了，手機係就係方便快捷，但因為經常走焦影出嚟又冇乜feel，所以近來買左部dx1玩下。
我想問各師兄，初學者係咪都應該盡量用手動mode，唔好習慣用跟機嘅mode，例如：人像模式、風景模式等？
因聽朋友講如用得多各樣模式，慢慢就唔會用全手動模式，等於浪費.....{:5_71:}

kaiyau

其實初學者，應該係點樣嘅次序去了解部機？

kengary

請問即係咩牌子?

jackiewong518

用 Av (光圈先決) mode 去了解光圈, 快門, ISO 呢幾樣野既配搭....
好快就對影相產生興趣架喇....^^

yeungone

先影好D相，乜mode都無所畏!!
慢慢你會感到不足，才深入了解。
畢竟拍照最基本就是要清楚，然後才談感覺。

kaiyau

打錯字，應該係gx1.

kaiyau

咁各位師兄多數係用相機本身嘅mode嚟影相，定係用全手動？咩情況下用以上方法？

ahnel

咁各位師兄多數係用相機本身嘅mode嚟影相，定係用全手動？咩情況下用以上方法？ ...
kaiyau 發表於 2012-3-20 10:31

A mode (光圈先決) - 你控制光圈，相機按現場測光幫你定快門。由於光圈係控制景深其中一項重要因素，所以響你需要控制景深o既情況之下，用光圈先決就比較合適喇，例如影風景你要收光圈黎加長景深提高清晰度啦, 影人像用大光圈虛化背景以突出主體啦, 又或者影微距收光圈黎加長景深啦~

S mode (快門先決) - 你控制快門，相機按現場測光幫你定光圈。快門係控制個曝光時間，如果曝光時間長，畫面裡面會郁o既物體會做成殘影，相反曝光時間短，畫面裡面o既物體個動作會凝結。所以你影一D要凝結主體動作又或者要留殘影o既相就用快門先決喇，例如運動攝影啦，你影足球想凝住射門一刻就可以用短快門做到，又或者之前好興o既飄浮相，都係用快門先決去凝住個人響半空果一刻~

P mode (自動模式) - 光圈快門都係由部機幫你決定。你想輕輕鬆鬆影吓生活相，哩個mode係唔錯。

M mode (手動模式) - 光圈快門都係由你自己決定。哩個通常適用響一D極端o既環境，連部相機都唔可以自動計算到正確曝光值果陣錦就要靠你自己去選擇適當o既光圈快門組合喇~

新手其實睇多D其他師兄o既相，嘗試去理解吓人地用咩組合去影。自己影相之前都問一問自己想影D咩，切忌盲影，出去影相影一張自己滿意o既作品，都好過影一百張相番到屋企又要delete~

kaiyau

非常感謝師兄解答。

Noic

回復 6# kaiyau


    師兄，好在你改返話買GX1 唔係DX1，部DX1係最高級別！如果一個影開手機就立刻轉DX1我一定唔會答你d問題，因為好似比你玩。加上你個帖題話開始認真，即係一路都唔係。更加唔會搭咀。而家你話用GX1,我都放心d搭你。
給你意見好易：
1. 先用全自動，但每個場景，人物距離等都抄低佢，作為參考用。
2. 全自動影完後再回看每張相通常相機都有個顯示相片內容地方，走入去看看快門，光圈，ISO等數值。如果你感覺張相光度及沒有out focus的情形，表示這幾個相機給你的自動暴光，光圈，快門等等都合用於以後你用手動時的參考.
下次有空再講多d.