Wii sports resort 短評

ahnel · 發表於 2009-6-25 15:46

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

好耐都冇掂過部Wii，部機都就黎變左灰色。成日想買隻game玩吓但係都買唔落手。體感始終係Wii o既賣點，出新o既Wii sports 點都要玩黎玩吓。今集主要賣點係個motion plus，佢可以sense到d細微o既動作，就睇吓佢有幾勁。

一開機一段三分鐘o既motion plus o既介紹片，就好似去加州紅果d走火通道片一樣，可以不看。lee三分鐘我就剛剛好用黎裝好兩個motion plus同埋隨motion plus附送o既保護套一個。個套非常正，有左佢就唔怕隔離個人"亨"到我個頭或者我"亨"到我隻八卦狗狗。

三分鐘介紹之後就即刻進入一個跳傘o既小遊戲，你個Mii係會隨住你個Wiimote o既角度作出相同o既動作，lee個純粹係一個小體驗，個motion plus果然能夠sense到d幾細微o既角度改變。

進入正題，你個Mii跳傘o既降落點就係個resort喇，響resort裡面一共有12個游戲，等我逐個講啦。

劍擊 - lee個應該係主打，個motion plus係會sense到你個Wiimote作為劍o既角度，劍o既角度大致都跟到個Wiimote，不過太快佢就未必sense得切。遊戲裡面可以擋同劈(廢話)，玩法類似上集個boxing，比人擋到自己係會硬直，對手就可以反擊。有攻有守對戰都幾好玩。同boxing一樣你玩玩吓就會發狂亂劈，隻手都幾攰，減byebye肉又係一流。 8分

乒乓波 - 我個人最鍾意o既一個，類似上集o既tennis，不過節奏就快d。有motion plus就真係可以feel到有上下旋球，同埋可以片西。如果兩個實力相當應該都幾刺激。一玩上癮。 9分

籃球 - 我個人第二鍾意就係lee個亦都係我覺得最能發揮motion plus o既一隻。雖然我淨係試左射三分比賽，但係個操控真係精彩，如果你識打籃的話相信你會認同。射波果下手腕動作好緊要，竟然同打真波一樣，個角度要好好太高會"大針"太平就會"炒粉"。玩lee個game真係可以改善射籃動作嫁，唔係誇張。 9分

保齡球 - 竟然番炒，當真離譜。不過今集對於動作要求好似嚴格左，我就覺得落西難過上集。上集我覺得最好玩係佢，今集就冇新意喇。 7分

Wake board - 你要響指定時間內玩花式鬥多分。玩落都幾得意，擺左擺右食正個浪就chuk個Wiimote個人就飛起，飛起就可以做花式。我仲掌握到點做花式，掌握到可能好玩d。 6分

單車 - 又係一個體力勞動game，以手代腳踩單車，問你死未。邊個有byebye肉又係啱玩，不過我覺得就悶左d。 5分

高爾夫球 - 又係炒冷飯，不過過操作上有改善。上集我覺得好難控制，成日feel錯哂d動作。今集有motion plus真係好左好多，力度同角度都sense得好左，真係有d似打golf。 7分

水上電單車 - 又係未試真，只係知道擰個Wiimote就可以turbo，都幾似真車操作，幾得意。不過又係好似普通racing game錦，悶左少少喇。 5分

放飛碟 - lee隻我就覺得麻麻地，你要放個飛碟去指定位置錦你隻狗仔就個接住，就係錦嫁喇。又係悶悶地，同埋個飛碟角度都幾難就。 5分

射箭 - lee隻其實做得幾好，起碼整套動作真係幾似射箭，同埋佢d按鍵篇排係幾有心思，亦都係唯一一隻左手渣Wiimote o既game。美中不足就係個瞄準系統有d問題，個準星係一個大圈，有d怪怪。 7分

划艇 - lee個操作係幾得意，你真係要將個Wiimote響身體兩邊向下插就好似真係划水一樣。划得唔好隻艇就團團轉，都幾蝦人玩。玩落都好攰，又係一隻減byebye肉專用game。 5分

跳傘 - 玩法同一開始過場個小遊戲一樣錦操作，不過今次就係要響限定時間內捉住空中o既朋友，限時一到就會有人幫你影相。相中影到越多人樣就越高分。我淨係試左一次，個感覺一般啦，唔算話好好玩，不過都幾得意。 6分

你問我抵唔抵買，我覺得ok啦。淨買個motion plus要170蚊，game連motion plus一套就380蚊。隻game啫係210蚊，內容都算精彩，又餓左體感game禁耐又有新野試又可以減byebye肉，錦就比錢啦。不過如果可以用埋塊balance board就應該會更多變化更好玩喇，希望同時Wii sports 3有啦!