~~胡琳 Jazz Them Up More 聽後感~~

lampard · 發表於 2014-1-16 12:24

巳很久沒有在CD區出post了，昨天取了post76簽名版CD後，非常開心，因為繼續保持住正常CD大小尺寸包裝。讚!
未開聲前，先閱讀碟內內容，專輯在美國用現場樂隊伴奏再以2"LP録音帶録音，經Doug Sax做mastering再在美國壓制，
Doug sax......竟然有香港歌手邀請到大師操刀，喺爵士界，Doug Sax本身就係質素嘅保證同賣點，而硬照及MV在巴黎取景拍攝，
基於以上元素，巳經係香港唱片近年少有嘅大製作！

無錯，呢隻係胡琳喺Jazz Them Up後三年內發行的第五張專輯，所以與以往幾隻專輯不同，加入咗很多不同的音樂元素，
如Bossa, soul, jazz trio等，要串聯在一齊又唔覺得格格不入，相信Patrick同胡琳落咗唔小心機！睇晒本booklet插隻碟入部CDP,
歌手唱法好個人及唔逐首歌講啦，聽畢此碟，個人嚟講非常喜歡，胡琳嘅嗓音線條明確飽滿，而所有的伴奏樂器也都録得分外清楚鮮明，定位準確，演奏質感真實，可以話多而不亂不模糊。唯這可是對於前級分析力的一個考試及挑戰, 稍有不慎，聽出來就會顯出吵雜。

如果此專輯之後會發行黑膠，相信會無慮即決。