CANJAM 2015 報告- 耳機篇

maleo

斯路 發表於 2015-4-17 03:42
UE CM機相當有趣，不過相信有唔少香港玩家應該會對其效果以及參考價值存有疑問吧。公模同私模聲音分別已 ...

呢個都係我諗過既問題，可惜當時無問在場既工作人員，但係我咁多款都有禁黎聽下，聲底方面同我喺上網睇既聽感都幾相似，相信模擬聲底並唔係問題，相信細節，分析力等等先會係問題所在，希望香港代理可以快啲引入，等多啲師兄有機會聽到呢部機啦！

LIO絕對係值得推介之選，大前題係要有足夠銀彈 咁有質素一體機實在係非常西利，一次過滿足哂咁多個願望(由其係對我呢啲想玩喇叭既人黎講)

補充一點，就係Vinnie話LIO用家換module可以唔啱換到啱，未過試用期可以免費換module! 呢項服務實在貼心！而且亦增加唔少毒性

StevenTam

很難能可貴的分享，謝謝whitefang的美文

Head-Fi無疑是全球最注目的耳機發燒友集中地，CANJAM也是產品展示場合中最具代表性的
不過，很多時看到Head-Fi論壇上的一些描述，廠商的展示方式和媒體報導
實在無法想像外國人對好聲音的理解，實在是非常的客氣，也許包容就是他們的民族特色。

其實香港也可算是全球最容易試聽到並且器材種類最多的地區
而且我感到香港人更用心去玩耳機，也更看重音質。

whitefang

StevenTam 發表於 2015-4-17 10:49
很難能可貴的分享，謝謝whitefang的美文

Head-Fi無疑是全球最注目的耳機發燒友集中地，CANJAM也是產品展示 ...

Steven兄說出一個我很在意的現象
但我語文水平低難以好好表達

是一種文化差異, 而我覺得全要原因有兩個
1. 聽歌喜好的不同
2. 美國人總是自信心爆棚, full of themselves

就算是近來大熱那條關於生日的邏輯題, 不少外國人明明是完全錯的卻仍然認為自己的想法才是最正確的, 甚至去質疑題目
在黑白分明的東西也會如此, 主觀的音樂聽感更加唔駛講了, 很容易就固步自封

headfi meet是可以試到很多反面教材的地方
Canjam商業性較重, 但整體素質比較高

不過還是有一些非常用心玩耳機的人, 比我更用心
然而多數都離開head-fi了

其實這也是我即使身在美國但並不在headfi活躍, 而寧願在香港分享的原因

borrego

非常期待對Schiit Yggdrasil的聴感分享。這部DAC已在Head-fi上被吹捧到上神台地步, 引發一堆TDA1547, PCM63, PCM1702/1704 中古DAC熱潮。

tleonard

Head-Fi 嘅 forums 一早已經變咗佢哋一眾『米飯班主』sponsors 御用嘅 marketing platform，一有咩依郁就有機會俾人剁 posts，出得太多唔順超嘅 posts 就聽 ban accounts 啦，哈哈。

大佬，人哋整好成個 website 同埋咁多 forums 都唔少投資，除咗廣告 banners 之外就真係要靠 sponsors 搵食，你試吓玩『老虎頭上釘蝨乸』嘅話都多數唔會同你客氣，一係自己條氣唔順咪過 CHANGSTAR 嗰邊繼續玩囉。

不過真係估唔到 CANJAM 會場都俾人『順手牽羊，反手牽豬』咁無陰公，好心 share 自己嘅嘢之後居然會不翼而飛，仲慘過 Audeze 俾人爆格，真係苦過弟弟，所以去親大／小型嘅 shows 大家都千祈唔好鬆懈。

danielnkf

期待Continental Dual Mono.

Andykong

終於可以友時間組織一下想問的問題了！

Mr. Speakers Ether

據我理解 Dan 在最初開發 Ether 時是打算做 close back 的，看來他轉軚是明智之舉！密度在平板耳機之中屬於低，要補這點前端所費不菲了，看你的相片，示範的前端是 Aries+Vega 和 Sony HAP-Z1ES，Dan 對展示還算是較用心的，如要在這兩套前端的基礎上再加碼，那便不是小數目了。

Dan 以往的展示都有用 Cavalli 的耳擴，看來 Cavalli 是他用來調聲的 reference 之一了，三款家用耳擴是指 Gold, Glass 和 Crimson? 真係三揀一的話你會挑那部 Cavalli 作 Ether 的 partner?

Audeze EL-8

真意想不到 Closed back version 比 open 的較好，在 LCD-X 系我是對 closed back 的 LCD-Xc 較失望的，現在 EL-8 系竟然掉轉來。這款新耳機插頭是試還是未來的 Audeze 方向？ mXLR 很好啊，為何要換頭呢？仲要易甩？是 Mechanical 結構問題？插頭望落很平直，沒有明顯的凹凸咬位，不會是 magnetic 鎖吧？

師兄的 EL-8 closed back 聽感是 Calyx-M 直推? 推力要求咁低，同 HE400i, Oppo PM-3 都是可兼容 portable ?

ENIGMAcoustics Dharma D1000

AKG K340的靜電動圈混合我曾心動過，主是要二手不貴也不難收，又想試下 D 特別野，但據說不易推！圖中推 Dharma D100 的是什麼耳擴？ RWAK100 做 source?

台灣也出了一個靜電動圈混合的耳機系列，我試了兩隻，覺得 i501 不妨一試。可以 DAP 直推，lifestyle 取向，大家唔好太斟酌有幾多靜電味，但我覺得這方案可能比動鐵動圈混合耳機較有前途。我試的時候新開箱幾日，偏生硬和 coherent 未夾到，睇下遲 D 有無機會再試。
http://www.in2uit.com/headphone/tw/prod.asp?idno=4024




Blue Microphones Mo-Fi

內置耳擴但接 Phone out 而不是用 Line out? 會挑前端嗎？


JH Audio Layla

我對 JH 的興趣不大，只是想分享一下對 monitor 的想心。我個人理解，Pro Monitor 可再細分為 Stage, Studio 和 Broadcast 三個範疇，而三個 application 的取向是有分別的，要追求專業鑑聽的話，我認為 Studio monitor 是首選，然後是 Broadcast monitor, 最後才是 Stage Monitor, 但不幸地 Studio 和 Broadcast 的市場中基本上沒有 IEM 的空間，才造成 Stage Monitor 是 IEM 的唯一 monitor 選擇。如果用玩 HiFi 的經驗作參考的話，用 stage monitor 便不好太執著鑑聽的直白性了。

edm230

EL8換線位咁似啲特簿USB手指
好多新平板


(Post76 Android 手機版送出)

moliu

謝謝whitefang及maleo兄的實地報道。

香港都曾經有有心人舉辦過，用盡人情牌請用不同廠商相助，自己都有幸出席過3屆，最後一次更略盡微力幫手host，睇住有心人年年倒貼，但仲俾其他「大師」批評，最後無疾而終。至於由其他「商業背景」的？？不提也罷！

香港部分所謂的「headfi-er」的所作所為，真係大開眼界。

有冒人的名號、私下向代理借野啦，有擺明來挑戰啦，做「百彈」齋主。。。。。。仲有各式其色，真係一日的活動見試人生百態， 有關人「們」仲繼續活躍中。

ps。 在外地的活動真好。

moliu

Andykong 發表於 2015-4-17 14:13
終於可以友時間組織一下想問的問題了！

Mr. Speakers Ether

簡答Andykong兄關於k340

k340 我要兩隻，一隻已被改為dual entry 4-pin XLR，真係唔易推好，再加上靜電元件有使用年限，現今仍在正常工作狀態的逐年減少。