袁和平3D武術鉅製《蘇乞兒》

LFP2009

敗家仔同鬼打鬼未係葉問之前已經買左DVD,
自問我未睇過葉問, 因為又係打日本仔 (對呢D 劇情, 覺得好悶, 講都 "沉")
所以冇 COMMENT
反而我覺得"敗家仔"同"鬼打鬼"就幾好睇
打都打得好睇,較真較實,劇情亦算OK

mrlittlejacky

洪導同袁導皆為武指出身；二人亦係有名既動作導演，大家都咁高大點解唔可以作比較呢？！
葉問有甄子丹...
但點解佢自己作風唔再一如既往兼任埋動作導演(好似之前殺破狼/導火線)而要找洪金寶出任動導...
相信其中 ...
datacoma 發表於 2010-1-7 05:12

相信都幾難會覺得敗家仔會唔好睇, 個人覺得呢部係80 年代最好睇純動作電影,識詠春d 朋友一定識呢部電影,
有次同個識詠春的老人家傾開呢部戲,傾左一個下午.

洪家班/寶禾 d 動作電影頂起成個80 同90年頭,某情度上係勁過成家班好多, 最少多產同多原化d 先.

datacoma

敗家仔同鬼打鬼未係葉問之前已經買左DVD,
自問我未睇過葉問, 因為又係打日本仔 (對呢D 劇情, 覺得好悶, 講都 "沉")
所以冇 COMMENT
反而我覺得"敗家仔"同"鬼打鬼"就幾好睇
打都打得好睇,較真較實,劇情亦算OK ...
LFP2009 發表於 2010-1-7 09:36

所以我咪話比諸袁和平；洪金寶在拆招上的辦眼及運鏡上的力度係強過袁氏。
只不過講識得利用盡週邊環境黎組織一場比併，則袁和平就高過洪氏。

就以霍元甲為例~ 高台拆招、酒樓血戰兩幕飛簷走壁式拼鬥..
就經已盡顯袁氏在結合環境所造出渾然一體既精采，利用現場環境去改變勝負因素，係袁氏強項。
而葉問呢~ 大廳切磋、一個打十個同埋尾場擂台戰..
全部都係冇用過週邊環境去改變勝負，只有實牙實齒高低之分..
一拳一腳；贏邊一招完全清楚實淨，此乃洪氏專長。

兩之武指造詣比較，我會咁形容~
洪金寶贏在深度，袁和平則贏在寬度，即係SVS VS JL AUDIO，係各擅勝長...
不過如計精采度，一定係袁氏之手法較得民心，始終結合環境之戰鬥，剌激度一定高好多..
反之對功夫有追求，就會欣賞洪氏多D。
我就兩個都咁鍾意~

datacoma

敗家仔同鬼打鬼未係葉問之前已經買左DVD,
自問我未睇過葉問, 因為又係打日本仔 (對呢D 劇情, 覺得好悶, 講都 "沉")
所以冇 COMMENT
反而我覺得"敗家仔"同"鬼打鬼"就幾好睇
打都打得好睇,較真較實,劇情亦算OK ...
LFP2009 發表於 2010-1-7 09:36

如果唔鍾意甄氏或詠春，咁葉問係真係可以PASS既..
因為個故仔都係拍得太平鋪，葉偉信始終仲爭少少..

datacoma

多謝datacoma兄指教.
有機會,要睇下呢兩套片
或者係自己太喜歡甄既演譯方式而抹殺洪既功勞吧
LAWSON 發表於 2010-1-7 07:24

甄氏係得既，之前唔得多半係因為際遇同個人風格未夠成熟而已。
甄氏之武術最令人留下深刻印象者，係比到觀眾即使只用肉眼睇，都能感受到有痛既感覺..
呢種感覺洪金寶都得，只係唔夠出，甄氏做得到，在芸芸只有借位黎打既動作片中立時鶴立雞群..
係有料既再加努力始終會輪到，甄氏都係一面做人鏡。

補充多樣，記番起其實甄子丹當年拍{笑太極}都係袁和平帶佢出身..
二人亦早拍過一部講詠春的片，不過當年收視麻麻。
而論最被功夫迷津津樂道的二人再度合作；就要數{黃飛鴻2男兒當自強}..
戲中納蘭元述的經典布棍，據說就係甄氏的創意再加袁和平的設計所結合。
而數一數手指，師徒各忙分道揚鑣至今，原來已有近十幾年未再合作。

LAWSON

所以我咪話比諸袁和平；洪金寶在拆招上的辦眼及運鏡上的力度係強過袁氏。
只不過講識得利用盡週邊環境黎組織一場比併，則袁和平就高過洪氏。

就以霍元甲為例~ 高台拆招、酒樓血戰兩幕飛簷走壁式拼鬥..
就經已盡顯 ...
datacoma 發表於 2010-1-7 17:59

依你咁講,我會比較喜歡洪氏多d.

LAWSON

如果唔鍾意甄氏或詠春，咁葉問係真係可以PASS既..
因為個故仔都係拍得太平鋪，葉偉信始終仲爭少少..
datacoma 發表於 2010-1-7 19:07

我覺葉偉信最好係呢套,spl同導火線個故仔我都唔多鍾意

LAWSON

甄氏係得既，之前唔得多半係因為際遇同個人風格未夠成熟而已。
甄氏之武術最令人留下深刻印象者，係比到觀眾即使只用肉眼睇，都能感受到有痛既感覺..
呢種感覺洪金寶都得，只係唔夠出，甄氏做得到，在芸芸只有借位 ...
datacoma 發表於 2010-1-7 19:47

幾實八幾年甄已經拍左好多部警察片,即係主角唔係佢,佢既打鬥場地真係好吸引,佢d步法,出半姿勢帶出果種力度,真係獨一無二,佢d腿功就更加利害,加埋佢果種眼神真係有種遇強越強,永不言敗既感覺. 但係當時佢個樣就真係唔夠主角樣,我既作品我最早睇既一套好似叫情逢敵手.當時中學既我只係可以問朋友借錄影帶睇,八十年代頭果時更加係小學生,所以datacoma兄講果幾套片,我真係冇睇過. 甄最正既作品我覺得係亞視既新精武門,因為睇得最多佢既身手就係呢套劇集. 電影上上到高峰位既似乎真係得套葉問,當然在英雄入面既長空都好有型格.

datacoma

依你咁講,我會比較喜歡洪氏多d.
LAWSON 發表於 2010-1-7 22:06

咁你快D睇番{敗家仔}同{鬼打鬼}啦，肯定你會更加鍾意我地既大哥大。

datacoma

我覺葉偉信最好係呢套,spl同導火線個故仔我都唔多鍾意
LAWSON 發表於 2010-1-7 22:09

spl同導火線個故仔唔好睇；好大原因係因為唔合理....
古惑仔同差人有冇咁好打...同埋需唔需要一味打？！咩年代....依家用刀用鎗用喉通架啦嘛...重側重拳頭？！
你為打而打；重要199X年玩赤手空拳打死個賊咁超現實，好難引起共鳴個喎...
其實要破呢個位又唔係話咁難，只要將個時空推前番廿年，就唔洗咁尷尬。
反之葉問係打出身，企出黎經已打得有道理；打得其所，所以有得比較下，就好似你話齋~ 最好係呢套囉。