兩聲道升級 Cyrus 8(2)DAC

Alan_5600 · 發表於 2022-4-12 15:11

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

事源有朋友想搵一套入門兩聲道系統，咁我就上網做吓功課睇吓有啲咩入門級嘅合併機推介，搵搵下睇到Analogue seduction有部合併機 Cyrus 82DAC 做緊特價, 價錢非常吸引，問吓sales部機全新又送香港，搞到我心思思想升級自己嗰套兩聲道系統，現時果套係Cambridge audio 651a + 351cd 機+ Dali 六代皇太子，用咗7年，聽吓音樂都幾滿意

買之前諗住去搵地方試吓機，但係原來呢部機大昌已經冇再入貨，咁自己上網睇吓review膽粗粗落咗單

部機係落單後一個禮拜後送到家中，買佢其中一個原因就係貪佢半size，易擺位。插好電一開機，啲聲好似冇乜力咁，咁就播下歌等佢run-in吓先，一個鐘頭後再聽發覺完全唔同晒，同我之前嗰部651a比個音樂感、空間感、定位、detail 完全係另一個層次，部機推力很好，連帶皇太子嘅低音都有所提升，好似換咗喇叭咁樣。雖然呢部機係2014年出，但都非常滿意呢部合併機嘅表現，覺得自己買遲咗，新嗰部機82 DAC QXR 其實都係upgrade 咗個DAC 去到32Bit，自己冇咁高嘅音源，所以都冇打算升級，夠用就算。

遲啲會升級埋個CD T同外置電源PSX-r2

kl122002 · 發表於 2022-4-12 16:11

其實香港都有得賣，之前我都用緊
舊電係一定要入手，聽過真係好有分別。

後來是因為喜歡Rega 的聲音而轉了用Rega

cinemaquette · 發表於 2022-4-12 23:09

Cyrus 8dac都係好嘢，恭喜升級！

Alan_5600 · 發表於 2022-4-13 13:09

kl122002 發表於 2022-4-12 16:11
其實香港都有得賣，之前我都用緊
舊電係一定要入手，聽過真係好有分別。

買之前其實我都問過銅鑼灣旺角啲大鋪，如果價錢唔係差太遠，我應該都會買行貨。但係香港啲零售已經冇全新現貨，佢哋都打咗去大昌問有冇新機，但回覆係呢部唔會再返，剩係得其他model。應該呢隻牌子啲機係香港唔賣得，所以冇再入貨

跟住係消費券到手後諗住換埋部CDT ，走咗去舖頭買部新機但買嗰陣時冇留意到部機冇外盒和factory seal, 用普通透明膠紙封箱，拆開一睇個包裝同之前買嗰部機個包裝完全唔一樣，得一個透明膠袋用啲透明透膠紙紮埋一舊，好明顯係開過部機或陳列品再入返箱當新貨，打去舖頭問佢哋電話回覆話即刻同我攞嗰部新機，部機係大昌比嘅佢哋都冇開過盒所以應該係大昌俾咗啲開過嘅給佢哋，買機真係要睇清楚。

跟住換CD機嗰陣順便入埋舊電和喇叭線，依家一套西裝使用中。換咗轉盤和舊電後初部聽感係背景靜咗，和出多咗細節，聽中島美嘉唱歌嗰陣時連嘴唇動作聲都可以清楚聽得出，舊電嘅效果都幾明顯，其實應該連埋部機一齊賣。依家繼續煲機中，睇吓之後會唔會再有提升。

kl122002 · 發表於 2022-4-13 16:00

Alan_5600 發表於 2022-4-13 13:09
買之前其實我都問過銅鑼灣旺角啲大鋪，如果價錢唔係差太遠，我應該都會買行貨。但係香港啲零售已經冇全新 ...

8(2)DAC係已經出左一段日子，唔算新model。最新的應是XR系列，或者因此香港無晒貨？之前我訂舊電都係無晒貨，等左2-3個月才有。

Cyrus牌子係有實力的，只係在香港此處唔太識做廣告，唔似其他的廣告上那麼強勁。

Alan_5600 · 發表於 2022-4-13 16:48

kl122002 發表於 2022-4-13 16:00
8(2)DAC係已經出左一段日子，唔算新model。最新的應是XR系列，或者因此香港無晒貨？之前我訂舊電都係 ...

我已經係問最新嗰部 82 DAC QXR , 但係回覆都係冇,所以最尾上網買部特價嘅 82 DAC，遲啲去英國先upgrade 張QXR 卡，落街睇其實Cyrus 最新嗰系列XR Series都冇擺個出嚟，想試都冇得試。

kl122002 · 發表於 2022-4-13 17:48

Alan_5600 發表於 2022-4-13 16:48
我已經係問最新嗰部 82 DAC QXR , 但係回覆都係冇,所以最尾上網買部特價嘅 82 DAC，遲啲去英國先upgrade ...

我都有留意到。
只可以講香港呢邊真係好似無乜反應

que · 發表於 2022-4-14 13:24

個殼幾乎二十年如一
外型對比而家既設計有d老氣
又無乜可以推既賣點
代理又唔願出力
唔流行都好自然

呢d內涵機本來就係賣口碑
本身hifi已少左人玩
技術又唔係而家流行既
自然就賣得唔好

有朋友討論買咩
基本上我都唔會第一時間諗到Cyrus
除左half size 會諗起
但最後都唔會買佢
cyrus要買就全套加埋個架
係幾有型

Alan_5600 · 發表於 2022-4-14 14:45

que 發表於 2022-4-14 13:24
個殼幾乎二十年如一
外型對比而家既設計有d老氣
又無乜可以推既賣點

絕對同意，外型真係幾 old school ，不過我自己就幾鍾意佢夠RAW，聲音質素都對得起個價錢，我自己就收貨。但發覺CD機有一個問題就係食唔到D厚嘅碟😔，都想問有冇人知呢個係咪slot in 通病？

所以最尾都係推介咗朋友買 kef LSX，細件，易擺位，靚仔又有串流，啲連埋 amp 嘅 all in one streamer 應該都係大趨勢。

que · 發表於 2022-4-14 16:35

Alan_5600 發表於 2022-4-14 14:45
絕對同意，外型真係幾 old school ，不過我自己就幾鍾意佢夠RAW，聲音質素都對得起個價錢，我自己就收貨 ...

kef 都係new R 起比較好
我會推streamer dac pre 加ncroe amp 加R3
當然係貴好多……

[合併式擴音機] 兩聲道升級 Cyrus 8(2)DAC

如果想睇到更多76師兄嘅分享，快啲登入成為會員啦！

評分

評分

評分

76-FC 綠翡翠勲章