!!! 有音響要維修嘅師兄請留意 !!!

joulyyip

Good,早輪以為部後級左右不平衡輸出，拿去維修，check完話無事好正常，佢用儀器check左全正常，最後出左份報告卑我，反去先知係d線問題

cccmy

同裝修一樣，總有D無料充四條既廢人存在。學師仔既技術，學人收大師傅既價錢。
開幾個分身吹噓自己，被踢爆咪唔出聲，等風聲無咁緊，又出來乞食過。

所有電器再貴都要去原廠報價先，好過貪平因小失大仲要睇面色。

yoshiki

不如我都回應一下大家，等大家清楚呢件事，其實部ps audio 整$2000，部機交來時候，損壞情況為電壓輸出偏高了
整完已拍片給機主，取機當日機主說不上來試，之後話部機有問題，過幾日攞返過嚟，，發現部機出現另一問題
已跟機主講，需要比較長時期去跟進，幾日前呢個機主在各大影音網站出post.尋日我打比佢，話部機唔整，退回維修費及取主機器
竟要求$7000賠償及不取回機器，部機維修拖得耐係我唔啱，但壞機要求賠部二手正常機，這個很難講得通
如認為需要賠償，大可由法庭判決，我已同機主講三日內退回取回機器及維修費，其他我不作回應，搵唔搵我整機，就你哋自行決定
做左咁多年，第一次遇上咁野蠻既人

jazzilike

yoshiki 發表於 2023-3-1 16:27
不如我都回應一下大家，等大家清楚呢件事，其實部ps audio 整$2000，部機交來時候，損壞情況為電壓輸出偏高 ...

好多謝Post76 嘅力量同埋網友嘅支持, 呢位"良師傅" (經過咗成年同之前幾個月唔聽電話唔答我whatsapp)而家睇到咁多投訴之後卒之打畀我, 本來仲想話整好咗叫我去拎, 但係我之前領過佢嘢所以已經交低咗測試工具叫佢試完錄影畀我睇, 之後隔一日就話整唔掂叫我攞走同要移除負面評語, "話"畀返維修費我.

我同佢講如果一部車拎去車房  整咗一年又裝又拆 整唔到叫你拖走唔收維修費  大家接唔接受先???

其實一部整咗一年裝裝拆拆都整唔掂 (之前只係電壓不穩 而家係relay嗲嗲聲同埋會自動十秒熄機)嘅電源淨化器 , 仲刮花曬嘅機仲有冇意思攞返, 大家心中有數. 佢最幽默係話要收我倉租每日200. 唔攞機就三日之後唔會有任何賠償.

我見仲有咁多其他網友中招  其實我都好心痛同埋好唔抵   "良師傅", 我部機萬幾蚊買返嚟, 果二千蚊你捐去慈善啦, 積番啲陰德 認真嘅

各位網友就記住呢間宇宙影音維修嘅良師傅, 切記小心小心!

yoshiki

比多張相大家睇，自己衡量部機打橫定打直放，有冇機放上面
你要攞威己經達到目的，今個回覆之後，本人對呢位尊貴客人不會再回覆，時間證明一切

!老坑!

呢啲咁出色嘅黑店真係要幫佢出名先得。

corolladv

嘩

research

我都中個伏, 交低比佢維修, 一等就幾個月, 中間又要不斷問都係冇反應, 都佢話整好, 即晚試都係唔得, 個問題係冇跟進到, 我都有懷疑佢有冇整過,

跟住同佢講返個問題, 又係約極都唔啱時間, 前後又搞左一年, 再放低比佢, 再拖左幾個月, 前後搞左成年, 跟住佢就話過左保養唔可以免費跟啦!

跟住問佢咩問題, 佢就會好似上面果D師兄咁講, A問題解決左啦, 而家有B問題, 所以B問題要收錢啦!

大佬, 點解部野咁多問題你唔講? 初初係從來都冇聽過, 到返到屋企唔得果時, 點解突然又有另一個問題出現?

總之,  佢就話再比錢啦!

再比錢, 不如我買個部! 黑都不能再黑的黑店!

digiko

一個人奶野就話個別問題, 依個POST咁多師兄用過都出事就知果位"師傅"有幾專業啦...之前仲諗住搵佢整野, 好彩最後原廠肯整, 唔係又中伏

一斤花生@G

睇翻D師兄留言....整機前前後後都成年!!  一年 BB都整到件出黎啦~ 真係痴線!!