新手買胡琳

tinsly

新手入邊隻胡琳????緊係一套買齊啦!!!!
我入迷胡琳不足半年,但已視她為我的女神.她每張碟的人聲都好刻意放得好前,完全啱晒我口味!!!!
以小弟為例,皆因當時啱啱upgrade(开始進入)我的音響器材,買了很多CD嚟試.
當時想買些CD來試人聲,行行吓CD舖,見到有胡琳CD,醒起佢有聞好似幾靚聲嫁喎,同埋佢首“間尺”好好聽.
於是第一次入手嘅係“Still...a Wonderful World”和“綠野聲蹤”……但返到屋企先知原來買錯咗,因為我係想買有“間尺”這曲的CD,與及較新的Jazz them up.
錯有錯著,先拆隻“Still...a Wonderful World”嚟試,Track 1----What a wonderful world,人聲好近,啱晒試機!!!
第二天急不及待走去買回她其他CD,買埋“Feel So Good”和“Sings Timeless”
不幸當時Jazz them up已絕跡,找了一个月都無收獲,好彩不久翻出AQCD,都叫買得到.
現尚欠“Love Notes 愛音符”,在搭上搭情況問到一位師兄借到,暫只有這碟的WAV檔.

其實她每隻碟都有可取之處,本人首推“Feel So Good”和“Jazz them up”

tinsly

Love Notes 愛音符

雖然我未正式用過CD嚟聽過,只得WAV檔,但總覺得錄得嘛嘛地,可能我偏愛聽人聲,人聲總係無咁實正.
加上畢竟係她的首張唱片,把聲和技巧都好幼嫩,你聽首“害怕回家”就更明顯,好有新人Feel,進步空間好大.
另外有个故仔,首“下不為例”我兩年幾前在公司聽過,當時我以為係泳兒和一位国內歌手合唱,点知當我聽返此碟,原來首歌係胡琳唱!!!!!我原來錯了兩年!!!!
這碟講聲和歌就真係一般,較為出色係“手.心”,可惜此碟已絕版.

tinsly

Sings Timeless

她第一張翻唱CD,好發燒碟,把聲成熟了,可能大部分都係英文歌,佢好似掌握得好點.不過這些翻唱歌在編曲上沒大突破和驚喜.
全碟最值得留意係Track11----over the rainbow,此曲在Love Notes 愛音符都有收錄,但真係好正!!!
她用一take過和清唱方式收錄,見其真章,好明顯聽到她的“震音”真係好震,好不穩,但這些瑕疵就係最正之處,好真實,完全用嚟試機最啱.加埋最尾句“完整嘅一次”,甜死人啦!!!!

tinsly

綠野聲蹤

此碟都首錄了一些“Love Notes 愛音符”的歌,這碟係我聽得最少次數的CD,因無咩特別,最特別係大家最常常話她的雞仔聲,其實我幾受的,但“一輩子的宝貝”的雞仔聲就真係難搞点.還有首“have yourself a merry little christmas”拆拆地和有電流聲.

tinsly

Feel So Good

我最最最最最最愛的胡琳CD,試人聲首推!!!!!
這碟係聽她的口水聲和抖氣聲.聽住她口水在耳內浮動,好似在你耳旁輕輕唱歌,甜到漏~~~
這碟全為pop songs,完全無Jazz Feel,但她揀的歌melody都幾順耳,大眾化,唔明点解當時hit唔到???
首“間尺”真係正到爆!!!聽咗她口水聲好似想湧入耳內,好寫實;lyrics又有意思,真係唔明点解當時hit唔到???
藝琛作的“他”,melody一貫流麗動人,加上胡琳少有的無奈唱法,真係100%完全配合到,完全唔明点解當時hit唔到???

另外首“人魚之歌”soul version,好John Mayer的Vultuers,好合我口味.這碟其實幾抵,首錄埋幾首Live,一雞兩味!!!!

tinsly

Still...a Wonderful World

Track 1----What a wonderful world她的唱法加上簡單編曲,就畀她的歌聲攝了入去,與她功力比之前的唱片進步了不少.但她的咬字總係改唔到,變成特色了.
“東風”係她其中一首做得幾成功的將Jazz和廣東流行曲融合為一的歌曲,把聲靚,歌好听.另外,我幾鈡意“別再纏住我”和“Mr.So”.
這CD整體係做得唔錯的,可是耐聽度無前及後者咁好.

tinsly

Jazz Them Up

唔多講,人所共知的靚聲唱片!!!
最主要係佢揀的歌大家都耳熟能詳,共鳴感強.
最震撼到我係“我是不是該安靜的走開”,第一次听此歌係在公司收音机播緊,當時仲未玩音響的我,都已覺得靓声!!!

Bianca LIVE

錄得不過不失,唔係差,但亦末係最好.

queenman

回復 37# tinsly


    CHING真係fans!!

tomc

全新 made in USA 就搵到
kill1983 發表於 2011-8-31 20:38

Where?

smartfai

Feel So Good

我最最最最最最愛的胡琳CD,試人聲首推!!!!!
這碟係聽她的口水聲和抖氣聲.聽住她口水在耳內浮 ...
tinsly 發表於 2011-9-1 03:50

ching, 我都係最鐘意呢隻碟, 亦都係第一隻買的碟
最正係「他」和「間尺」
跟住佢新出的碟同埋舊碟我都買齊, 但尚欠第一隻!
concert 完左之後仲搵佢簽名(我帶晒0的碟去)同合照tim!