KEF 全方位體驗- 串流 Wireless 音響工作坊
琴日好多謝Post76、小瑟同埋KEF嘅邀請做玩家嘉賓🙏🏾作為LSX II嘅用家，其實佢細佬LT喺音色上真係冇太大分別。
XII又好XII LT都好，其實以佢嘅體積咁細隻音箱可以出到咁廣嘅音場，佢仲要all in one咁塞晒喺一隻喇叭入面去出比你，唔需要再用其他機去推佢，連app即插即用，真係冇得輸。
佢本身一對喇叭個低音都好夠，加埋隻十仔磅住佢，可以話係完美添。打機、睇戲、聽歌可以話文武雙全啊！同埋成隻喇叭嘅設計都好靚，我就覺得佢似飛機引擎，咁唔知大家覺得佢似咩啦🤣就算唔聽嗰陣，淨係擺屋企都可以襯返家居環境，尼點又係讚。
加上KEF而家新出嘅KC92同 KUBE MIE系列十仔都真係好正。琴日試完，就算平時用對LT睇戲冇十仔，低音都好夠造，但係一加埋隻10吋 KUBE十仔成件事即刻升華晒，低音嘅下潛力即刻勁咗好多。作為入門級，最平4千幾就可以入手到一隻KEF嘅十仔，下潛力又咁勁，咁仲有咩可以挑剔呢🥹我都想整返隻擺屋企比我對X II。KC92更加勁，一對60 wireless加一對KC92嚟睇戲，真係下下震透你心。
Btw真係唔係賣花讚花香，一對LSX II萬零蚊 or 一對LSX II LT幾千蚊，又玩到串流，又all in one，真係冇藉口唔揀佢~如果你想買對書架喇叭擺房、擺電腦左右聽吓歌，睇吓YouTube又想方便嘅話，真係可以考慮吓入手對LSX II / LSX II LT。未試過佢哋嘅聲，亦都可以親身去KEF嘅show room試吓，先考慮買唔買。（我就係喺show Room試完即刻博錘買嘅🫣）
*以上都係出自於個人感受*
多謝謙仔今次做我活動嘅嘉賓呀！今次可以同你討論一下而家後生仔鍾意玩嘅音響係點，直接令到我哋整個活動嘅run down都可以更加多變化！！
衷心感激。{:1_326:}{:1_326:}{:1_339:} 小瑟 發表於 2024-3-3 17:07
多謝謙仔今次做我活動嘅嘉賓呀！今次可以同你討論一下而家後生仔鍾意玩嘅音響係點，直接令到我哋整個活動嘅 ...
希望日後可以識更多差唔多年紀都有玩音響嘅朋友，一齊交流下，同大家學下野啦🙈 KHim 發表於 2024-3-3 17:13
希望日後可以識更多差唔多年紀都有玩音響嘅朋友，一齊交流下，同大家學下野啦🙈 ...
好呀, 你又毒埋身邊既老友, 咁樣一起玩就最正~ 好多謝謙謙幫手分享!!諗返你唔係第一次出席 76 活動，當時亦無為意你如此後生!! 如果唔係 ig 你問開點樣接駁會再好聲啲，都唔知你是 KEF LSX II 用家，最終請到你分享!! 你令我想起小瑟或我地你嘅年紀時、已好想玩影音個份熱誠，今時今日可能唔太多後生仔會咁做，仲主動想再睇下點玩好，會主動報名參加活動 ...
因而做就我同小瑟度呢個 workshop 點樣照顧入門朋友時，即刻想請你分享!! 一黎想有你希望以後繼續可以吸引多啲更多後生都留意 ... 都唔好講點玩好!! 再黎希望百忙嘅我地，蝸居嘅生活環境都好，玩影音唔一定要有大地方、唔一定要發燒；唔一定一定要買貴野、唔一定要大大部為止好野!! 毋忘玩影音嘅初衷，好好享受，想減壓就用黎減壓、想要點玩都可以，自己喜歡夠用就得，有更多資源先再升級!! 現在科技進步不少，更平、更細嘅器材已經做到專業級表現，甚或拍得住錄音室或戲院感覺，而隨便就串流聽到歌及睇到戲，反而少左人對影音嘅追求，呢個狀況亦都係我地 76 好想以新手入門角度，比多一個升級層次大家選擇!!
希望以後都可以同謙謙都啲合作或者再針對後生、女士愛嘅角度，搞啲岩大家嘅活動，當然基本 76 會員想搞嘅活動或想睇嘅片，不妨主動找我同小瑟建議，我地一定盡力配合!!
KHim 發表於 2024-3-3 17:13
希望日後可以識更多差唔多年紀都有玩音響嘅朋友，一齊交流下，同大家學下野啦🙈 ...
現在最緊要再令你劇毒加深 {:6_174:} 講笑 ... 不過你考慮緊加部 Sub 仔 ~ 就幫下你體驗上升下 lev 先 {:6_177:} 感謝謙仔禁Support我地!!!!!下次活動再見!!!!!!
(小心小瑟同班76友啊，佢地大毒販嚟!!!! 周圍放毒唔使本架{:1_346:}{:1_346:}
wil-wil 發表於 2024-3-3 19:52
好多謝謙謙幫手分享!!諗返你唔係第一次出席 76 活動，當時亦無為意你如此後生!! 如果唔係 ig 你問開點樣 ...
啱呀！我最初入坑嘅目的都係想平時喺屋企有更加好嘅享受，可以舒舒服服享受下假期，喺屋企聽吓睇吓戲。點知不斷上網做功課，中毒就越嚟越深🤣
Btw音響尼樣嘢真係唔係話越貴越好，越大就越好，真係要自己試過先知咩一回事。 wil-wil 發表於 2024-3-3 19:55
現在最緊要再令你劇毒加深講笑 ... 不過你考慮緊加部 Sub 仔 ~ 就幫下你體驗上升下 lev 先 {: ...
好衰架🙈🙈 erinerin 發表於 2024-3-5 15:40
感謝謙仔禁Support我地!!!!!下次活動再見!!!!!!
(小心小瑟同班76友啊，佢地大毒販嚟!!!! 周圍放毒唔使本架{ ...
等我加入埋，一齊毒返你先🤭
頁:
[1]
2